الحب غربال ، جرحه عميق وجرح الحب سلال .
...................
قديم الزمان
بدايه يوم صعب .. قبل 10 سنوات تقريباً
الشباب بحدود العشرين من عمرهم
جالس بخيمته يرتب الاعشاب الموجوده قدامه بعلبها ويتفقد اغراضه
دخل صاحبه السربوت :- يبوي اليوم الخميس محد يمرض فيه ليش جالس هنا قم معي نشوف العرب و سوقهم
ناظر صاحبه راشد بهدوء و ابتسم :- نشوفهم ولا نشوف بناتهم ؟
ضحك راشد لما فهمه صاحبه وتكتف متكي بظهره على الخيمه :- انا جميل احب الجمال وبعدين شفيها لو نشوفهم ترا النظره الاول حلال لا تخاف
تنهد من ازعاج راشد :- يبن الحلال انت روح تفرج انا بجلس هنا وانتبه لا يشوفك ابوك و تجيني مجلود ترا خلصت اعشابي عليك
ابتسم راشد و ودع رفيقه و توجه لسوق العرب اللي يجون لديارهم كل نهايه اسبوع يبيعون و يشترون من اهل الديار
بينما صاحبه مشغول باغراضه ومبسوط فيها لان اخيرا اهله اقتنعوا بشغله كـ طبيب
بعد وقت طويل مل من جلسته وفكر يروح لسوق يمكن يلاقي شي يشتريه ويفيده
خرج من خيمته واتجه لاصوات الناس اللي ما كانت بعيده ودخل بدايه السوق
اللي وهو بسطات بالارض وفيها ملابس واكل واغراض كثيره
ابتسم لما لمح ابوه يشتري عصفور لاخوه الصغير وصوت ضحكاته واصل له
ذكر الله عليه و قرب منهم وباس راس ابوه :- صبحك بالخير يبوي
ابتسم له ابوه ومسك يد ولده الصغير :- صباح النور طبيبنا وش عندك تارك شغلك
ناظر اخوه اللي ماسك قفص العصفور ويتكلم معه :- ماعندي احد الحين وقلت اشتري واتمشى بس يبوي غريبه لك مطلعه !
تنهد ابوه وهو منتبه لنظرات الناس لولده الجميل :- وش اسوي يبوك يبكي يبي عصفوره وجبت له عشان يجلس بالخيمه ولا ينحاش مني مثل كل مره
همهم بهدوء ونزل نفسه لاخوه اللي ابتسامته ما تفارقه :- شلونه هلال !
ضحك بخجل لطيف ومد له عصفورته :- بخير هلال شوف ابوي وش جاب لي
ضحك لحركاته وناظر ابوه اللي مبتسم وبنفس الوقت متوتر من الناس اللي تركت اشغالها وتناظر ولده ، مسح على راسه :- حلو العصفوره بس انتبه له لا يموت
هز راسه بايجاب ونظراته متعلقه بالاولاد اللي جالسين بعيد عنه ويتهامسون ورجع يناظر ابوه :- ابوي ابي اروح لهم عادي ؟
تنهد ابوه وناظر ولده اللي ابتسم له ورجع لخيمه شغله وناظر هلال :- لا يبوي مو عادي مشينا لامك تعبانه تبي تتركها لوحدها ؟
