الصدفه التي جمعتني بك

بارت ٣٠

صلوا على النبي محمد
قرائه ممتعه حلويني 🥹
__________

عند حدود المملكه
المعركه لا زالت مستمره بينهم
غياث وهو يصوب رصاصه على الخصم وينادي على الهاجس
الهاجس : بخير
الهاجس بصدمه : غي....
لم يكمل كلامه بسبب الطلقه الي اجتاحت كتف خويه الايسر بقرب من قلبه نطق رئيسهم من الاعداء ومت على يدي يالعقيد وقال اسم غياث بسخريه قـلـــــ ...  ماهي إلا ثواني واختفي صوته بسبب طلقات الهاجس المتتاليه له بأماكن متفرقه بجسمه وسقطت جثته القذره على الارض بسبب عدد الطلقات الي تلقاها من الهاجس والي كانت عددها ٧ طلقات وهو اطلقها عليه بكل قهر الارض
رفع صوته وهو يصرخ على العساكر الي برع : العقيد غياث انصاااااااب جهزوا السياره بسرررررعــــــه
_______
نقل الهاجس وعسكري ثاني غياث وهو جثه هامده غارقه بدمه  إلى تنزل منه بشكل يخوف  للسياره اللي ساقها الهاجس بسرعه جنونيه ناحية المستشفى وهو يحس رؤيته انعدمت من الدموع اللي تجمعت بعيونه لكن سرعان ما مسح دموعه بكف يده الي فيها دم غياثنا  صرخ بقهر من حس إن الطريق اول مره يكون طويل كذا ورفع صوته يدعي : ياااااارب ما يصيبه شي خطير اهله وعياله ينتظرون جيته لف أنظاره لغياث وهو يحس قلبه يتألم رجع أنظاره للطريق وضرب الدريكسون بقوه
وزاد سرعته وهو يقول : لا يا حضره العقيد  لاااا لا تموت تكفى وتعور قلب حرمك وخواتك انت سندهم بالحياه بعد الله وابوك مستحيل تضعف و عمرك ما رجعت عن كلامك تكفي طلبتك اصبر دقيقتين بس
الهاجس كان يحس بأبشع شعور حسه بكل حياته حبه لغياث ما كان عادي أبداً كان يشوفه قدوته بكل شي بحياته  معجب ببروده وقسوته وقوته وهيبته وأحترامه اللي فارضه على الكل من الصغير للكبير  وهالشي مب بس الهاجس يشهد له فيه كل من عرف غياث يقول نفس الكلام
وصل الهاجس للمستشفى وأخيراً ونزل بسرعه يفتح الباب الخلفي للسياره
أشر الهاجس للعسكري اللي بالسياره خلفه وجاه بسرعه يشيلون غياث وحده كانوا شايلينه وشايلين كسر كبير على غياث الي حالته ما تسر  داخلين فيه إلى العالم الذي يمرض الصاحي إلى العالم الذي لا تطيب له الأنفس وداخلين فيه لباب المستشفى صرخ الهاجس أفزع قلوب الممرضين في المستشفى من القهر
صرخ بأحد الممرضين المنخرعين من صراخه المالي ارجاء المستشفى: جيبوا لنا سرير بسررررعههه ما تشوفون معانا حاله طارئه !! يلااا تحرك انت وياه انفجعوا كل من كان موجود عند الباب من صراخه ومن منظر الدم اللي ينقط على الأرض من غياث وكيف إن بدلته كامله مليانه بدمه لدرجه إن حتى العساكر اللي ماسكينه امتلت ملابسهم بدم غياثنا
________

جالسه في حديقه المستشفى تغير جوها من تعب العمليات رفعت أنظارها للمرض منير و انفجعت من شافت وجه منير
نطقت بتساؤل  : وش فيك ؟؟ تكلممم
نطق منير  بسرعه : ممرضه ترف الدكتوره غاليه تحتاجك في حاله طارئه برا والشخصين اللي معاه صراخهم مالي المستشفى واكتشفنا إن المصاب هو ....
قاطعته بسرعه وهي طالعه من الحديقة وهو يمشي وراها
ترف : منير ماله داعي تعلمني من هو خلاص تو رايحه لها أساعدها وبعرف لوحدي روح جهز غرفه العمليات بسرعه استجاب لها منير وركض بسرعه يجهز غرفه العمليات مثل ما طلبت ترف وهي توجهت للممرضه إسراء الي جالسه فيي استراحه المستشفى ونطقت بحده : امشي وراي عندنا حاله طارئه بسرعهه ركضت وراها إسراء  بصمت وتوجهوا ناحيه غرفه العمليات مشت ترف ناحیه الجثه الهامده الموجوده على السرير وهي تعقم ايدها من ثم تلبس القفازات بيدينها ورفعت الغطا عن وجه الجثه الي على السرير الأبيض وحست بأطرافها تجمدت من هول الصدمه  رفعت انظارها لاسراء  اللي ما كانت أقل صدمه منها وقالت بضحكه وعيونها غارقه بالدموع : اكيد إنه يشبهه مستحيل هو ايوا مستحيل اهوا ذا مب غياث خوي سلطان وضحكت بستهزاء وحبيبي سابقاً  ذا شبيه له صدقيني اعرف غياث مستحيل ينصاب لا لا مب هو مبببب هوووو  رجعت طالعت عيونه ودققت النظر فيها وتأكدت إنه هو وإنهارت: هوو يا إسراء  طلع غياث شوفيه تصاوب ياكسر ظهرك يخوي
دخل الممرض عبدالله  على صوت بكاها وقال : اطلعي ياترف انا بساعد الدكتوره غاليه في  العمليه هزت راسها بنفي بسرعه وهي تمسح دموعها : لا لا انا بساعدها والله انا بساعدها خلاص شوف ما ببكي ناظرتها إسراء وهي تبكي على حال ترف اللي تدري بحبها لغياث وهي اول مره تشوف ترف منهاره بذا الشكل راحت لها مسكتها من يدها وتوجهت فيها للمغسله لجل تغسل وجهها رجعت ترف وبدت تعقم يديها والحين مب مستوعبه وش صار ولا مستوعبه إنها بتساعد في هالعمليه الخطيره ولمن ؟؟ لحبيبها السابق وصديق اخوها
_________