ومق الدُليار

الدُليار احد عَشر .

تلاكيَنه بحَلم
واجَمل حلم چان
شفُت كل العمر بشَكَم
دقيقة
اللقَاء البَـ الحَلم
صدكَوني مَرات
أجَمل من لقَائات
الحقيقة
چنه بنصَ حديقة
وچانت تكَول اثبت حبَك
لكلبي بَطريقة
وانَا كلتلها غمضَي
وغمضت حيَل
وبستهَا وضحَكت الضحكَة الرقيقة
شفنَه الدنيا كلَها بذيچ الاوقَات
رغَم
ماطالعين مَن حديقة

مُهم اكو صورة بنهاية البارت ♥️.

رِيتاج :

- مغمضه عيوني بس اسمع صوتها الحَنين الدافي و هي  تقرا قُران يم
راسي ، خوفها و حرصها عليَّ خلاني ادمع ، تمرضت بـ الكورونا للأسف و عمتي
يمنا باقيه تداريني و حتى دكتور خاص جابته الي
امي و ابويَ صارت مشاكل بيناتهم و امي راحت يم بيت جدي و رحنا  وياها و هُّم من غير مُحافضة  ، و بيت جدي من النوع الـ كُلش مشددين و مُعقدين بـ شكل فَ كُلش ما ارتاحينا ، مو من جونا ، بَس بعدين اتأقلمنا

- بقينا كم يوم بس اشوف امي تعبت و شكَيت بيها كورونا ، و للأسف
طلع بيها كورونا و ما قبلت احد يتقرب الها بس اني چنت انام يمها يومين وحسيت أعراض كورونا كُلها بيَّ لان صارت عندي نشلة و كحة و فقدت
حاسة الشَم

- رجعنا للبيت اني و خواتي بدون امي ، لان بعدها زعلانه و امي ما ترجع
وحدها الاا ابوي يراضيها
شعور كُلش مو حلو انُ اني مريضة و امي مريضة بـ غير مُحافضة
و شعوري من ودعتنا و بأستني و هيَ تحچي

اُم رِيتاج : انتِ بنتي الجبيرة و ديري بالج على خواتج و صيري بدالي

رِيتاج : ماما ماعرف اريدج ويايَّ قوتِي و سند روحي انتِ !

اُم رِيتاج : و اني هَنا موجوده يمكم مُستحيل أرجع إذا ما ابوج يعتذر
و يرجع كرامتي ، و انتبهي النفسج و اخذي علاج و ديري بالج على البنات
ما اوصيج بعد

- بقت توصي بيَّ و اني الدمعه بـ طرف عيني ودعناها و صعدنا و رجعنا
فحصت هناك و اتأكدت بيَّ كورونا راح ابويَّ جاب امي " عمتي ام حسن"

- فَزيت من صفنتي على صوتها
اُم حسن : شلون صرتي حبيبتي

رِيتاج : شوي احسن

-قدمت الي العصير شربتنيا بـ ايدي و لزمت ايدي تفرَكهم حجيت وياها
بـ تعب
رِيتاج : لا تتقربين يمة لا تنعدين مني اني اخاف عليج

اُم حسن : ما عليج مني حبيبتي

- سحبت جهازي اراسل ديانا و صدمتني من كالت اريد أحاجي صافي
على غياث حرفياً بـوقتها طفرت و رأسًا اتصلت عليها و بدون مُقدمات
حجيت بـ عصبية مُفرطة

رِيتاج : انتِ عاقلة  ولج شتسوين بـ نفسج علمود غياث تبقين هِيج انتِ
شيكول غياث تسوين