بالليَّل جَرحي رَطب
بَس الصُبح ناشِف
اضحك بكُل قوتِي
ماچني ذاكَ الچنِت
بالليَّل مِتراجف
والخُوف ماكلنِي اكل
بَس ما مبيّن ابَد
وتعرُفني كُلها القَوي
بّس بالصدك خايف !__________
ديانا :
- طبيت للبيت مصدومة ! و وجهي اصفر و ماعرف شنِو احجي و شِنو اكول و المن احجي ياهوَ يسمع كُلها ذبت للوم علىٰ صافي و حقة يفكر هِيج
اتلكتني امي صفنت بـ وجهي و سألتدُرية : شو وجهج اصفر شبيج ؟
- ماعرُف ليش چذبت عليها بس اعرُف بَس أكول توكع و تتخربط
ديانا : اي مو كُلش زينة بـ الامتحان و الجو حاار كُلش و ما نايمة
و تعبانةدُرية : الله يساعدج ، تأكلين ؟
ديانا : لا خليني انام احسن
- عفتها و صعدت بدلت و غسلت و كلام صافي نهش عقلي !
شلون بينا لو سواها صدُك ؟ بين التفكير ماعرُف شوكت غفيت
بَس كعدت العصر تغديت و بديت ادرس و ساهر وياي يدرس
اني دراستي اكثر مِن ساهر لليل ما طلعت ساهر خلص و طلع- صارت بـ 2 بليل كملت و رحت غسلت و أكلت و طفرت
نمت كعدت ثاني يوم بدلت و نزلت شافتني امي و حچَتدُرية : شوفي الاسئله نشروها شوفي ساهر يجاوب لا
ديانا : يُمة ساهر عِلمي انَي ادبي وين اعرف ؟
دُرية : اي يمه اقري التعليقات شيكولون
- اخذت الجهاز و فتحت الفيس قريت التعليقات و رفعت راسي
و حچِيت
ديانا : يمه يكولون وسط بعد ما ندري شجاوب ساهردُرية : زين يمة خوش ، اكلج شو هذا صافي ما كعد يومية يكعد هيج وكت و ينزل ياكل اليوم ما نزل !
- صفنت و رأسًا طخ ببالي كلامة مال البارحة كمت اريد اروح الة
بس احسسس رجلية ما يشيلني ماعرُف شلون صعدت الدرج و فتحت باب
غرفتة جفتت عليَّ لكيتة كاعد فز و حچةصافي : شبييج؟؟
ديانا : امي كالت ما نزل مو مثل كل يوم و كلبي رااح تذكرت كلامك مال البارحة فدوه صافي راجع نفسك ميخالف حتى لو تطلك ارجع داوم و تلكه غيرها اعرف حضك بـ كلشي ما كاعد وا بويه ما جاي يوكف وياك بس احنىٰ وياك و احنىٰ نعرف انتَ صح و انتَ ماكو منك بس لا تخلي تعبك و صبرك كله يروح و تصير نهايتك لجهنم و متخلص غير غضب رب العالمين
YOU ARE READING
ومق الدُليار
Mystery / Thrillerفَتاه قوية و لكِن القدر أقوى مِنها غدرت مِن اقرب الناس ، تعذبت و ضلمت مِن اشباه الرِجال كانت تحب لكن طعنت فدخل رجال آخر رغما عِنها هل ستقع في الحُب مرة أخرى ؟ - مَريم العَّليْ