الفصل الحادي عشر
دخلت روز مع رنا غرفتها
قالت لها رنا :
- علي فكرة يا روز انتي ما اكلتيش حاجة انا اخدت بالي ومش انا بس عاصي كمان علي فكرة الحجر بدأ يدوب
= يعني اية يا ررنا مش فاهمة
-يعني قلب عاصي رق وحب يا روز والبركة فيكي
=طيب سيبك مني يا رنا انتي محبتيش قبل كده
أدمعت عيون رنا وقالت:
- مافيش بنت محبتش بس انا كنت المفروض افهم أن واحده في وضعي ده ماينفعش تحب ولا تفكر اصلا في الحب محدش هيواقف يرتبط بواحده معاقة متقدرش تناول نفسها كوباية مائة
= اللي يشوف كده هو اللي معاق في عقله وقلبه يا رنا المهم يعني حببتي قبل كده احكي بسرعة
- طبعا يا روز حبيت وحبيت قوي كمان كان اول حب في حياتي اول مرة قلبي يدق وعلي دق الحب كانت الكسرة
جلست روز علي السرير وقالت:
متحمسة ها احكي ايه حصل اخلصي احسن هنام منك المفروض بيقولوا أن بكره فرحي ثم تذكرت شئ وقالت:
- ينهار الوان اتصدقي أن نسيت اجيب فستان يلا بقا مش مشكلة. هقضي باي حاجة عندي احنا اصلا بمنمثل المهم احكي ايه اللي حصل في حكايتك
ضحكت رنا بسخرية وقالت:
- ولا حاجة اتعرفت عليه علي النت وكان ظابط ووسيم وكلامة وطريقة يشدوكي كان كارزيما زي ما بيقولوا كده بس لما عرف وضعي سابني
تعرفي اللي زعلني أنه حتي ما فكرش انا ممكن اكون حاسة بأية تقريبا فكر أن انا كمان معاقة في احساسي مش بحس
قالت روز بحزن:
= الغلط عندك أنتي يا رنا انتي انبهرتي بقشره من برا انبهرتي بشكل و الشغل والمستوي الاجتماعي وسبتي الجوهر نفسة قللتي من نفسك لحد ما هو كمان شاف نفسة كتير عليكي اوعي المعة اللي برا تشدك خالي الي ببهرك يبهرك بأسلوبه بطيبته بحنيته بقلبه يحبك زي ما انتي من غير تجميل
وبصراحة يا رنا انا شوفت ده في عيون محمد انهاردة وهو بيص ليكي شوفت الحب من أول نظرة
ابتسمت رنا في خجل لأنها هي الاخري لاحظت ذلك
- خلاص يا روز اهو راح لحال سبيله
بس محمد ما شفنيش غير مرة واحدة لحق يحبني امتي
= الحب ملهوش وقت يا حببتي الحب بيخطفك في دقيقة مش بعترف بشكل ولا بمكان
المهم تكوني اتعلمتي مش كل اللي بيلمع دهب وفي ناس كتير قشرة منظر من برا بس
- خلاص يا روز انسي انا نسيت المهم انتي هتعملي ابيه في موضع الفستان في عروسة من غير فستان
= عادي يا رنا مش لما اكون عروسة بجد
مر اليوم بدون مشاحنات وحاولت روز مع رنا في العلاج مع استجابات رنا وعزمها علي ذلك
في الصباح حضرت الكوافير وبدأت تجهز روز ولكن روز أدمعت عينيها عندما تذكرت انها بدون فستان وقالت في نفسها:
=ياربي الفلوس بيع العربية هصرفها علي ايجار فستان مش مشكلة هلبس اي حاجة من عندي ساعة وتعدي
ولكن طرق الباب ودخلت أحدي الخدم وقالت:
- الصندوق ده علشان يا دكتور استاذ عاصي بعته لحضرتك
ابتسمت روز وسمعت صوت رنا يقول:
-فضولي مش قادر يصبر ايه الي في صندوق ده ده
قالت روز وهي تحمل الصندوق
علمي علمك يا رنا دلوقتي نشوف
قالت رنا بهدوء :
= روز ممكن تغمضي عينك عندي ليكي مفجاءة
قالت روز مستعحبة!
_ خير يا رورو في ايه
= غمضي بس الاول
أغمضت روز عينيها
قالت رنا :
= افتحي يلا
فتحت روز عينيها وشهقت من المفاجأة فكانت غير متوقعة رنا تقف على قدميها بدون مساعدة من أحد
جرت روز علي رنا واحتضنتها وادمعت عينيها
قالت الكوافير:
- علي فكرة لو المكياج باظ مش هعملوا تاني بطلوا عياط
ابتسمت روز وقالت:
- دي اجمل حاجة حصلت انهاردة المهم مش عاوزة حد يعرف خليها بليل مفجاءة للكل
فتحت الباب علي غفله جلست رنا مسرعة وكانت هبه
دخلت هبه تنظر لهم بسخرية وقالت :
- ايه يا عروسة ملبستيش ليه مش لاقيه حاجة تلبسيها يا حرام ممكن اسلفك عادي من عندي
قالت رنا :
= متشليش هم يا هبه روز أخدت فستان من عندي اهي ليله وتعدي وكله تمثيل
قالت هبه ساخرة:
_ اده يا رنا هو انتي عندك فساتين و بتعرفي تلبسيهم وانتي كده ، واشترتيهم امتي عندك حق اديها واحد بدل ما هما مركونين كده
