♡ROWAN DAWOUD♡
تيقظ من نومه على صوت والدته تهمس باسمه ففتح عينيه ببطئ يبتسم ابتسامه صغيرة ثم انتصف جالسا يقبل جبين والدته ويدها ثم قال بصوت ناعس:
-صباح الخير يا ماما.
-صباح النور يا حبيبي قوم يلا علطول اغسل وشك واجهز وتعال افطر عالسريع عشان متتأخرش.
-حاضر يا أمي.
خرجت رانيا من الغرفة بينما نهض آسر متجها الى المرحاض وهو يفرك عينيه ليزيل آثار النوم....
وبعد دقائق خرج بعد أن توضأ ودخل يبدل ثيابه ويؤدي فرضه ثم وقف أمام المرأه يصفف شعره، وبينما هو يصفف شعره سمع صوت الباب يفتح بقوة وشقيقته تقول بفرحة:
-العروسة وافقت يا آسر العروسة وافقت.
نظر لها آسر بتعجب فهم لم يعرفوها سوا بالأمس وردد:
-ومالك مزقتطه كده ليه ده انتى لسه عارفاها امبارح.
-اااااا عشانك يا أخويا يا حبيبي عشان هشوفك عريس أخيرا.
-ليه يختى حد قالك ان أنا باير.
نطقها بغيظ وهو يترك المشط من يده يتجه يقف أمام أخته يضيق عينيه بشك وهو يقول:
-بت ابروج أنا حاسس كده ان انتى والحاجة رانيا مخبيين عننا حاجة.
نظرت له بروج بارتباك تردد بضحكه متوتره:
-ههههه نخبي عنكوا ايه يعني هي في حاجه مستاهلة... احم عن إذنك بقا عشان ما اتاخرش عالجامعه.
ثم خرجت من الغرفة أو بالاحرى فرت من امامه نظر آسر في أثرها بشرود لا يعلم لما شعر براحة عندما علم بموافقتها حسنا ليترك أمره لله وهو لن يضيعه.
ارتدى حذائه يسلم على والديه ثم خرج متجها الى عمله.
♡ROWAN DAWOUD♡
-أحماااااااد
صاحت بها بغضب وهي تتجه لاحدى الغرف تفتح الباب بعنف ثم صرخت به:
-قوم يا أحمد الكلب اتاخرت عالمدرسه يا حيوان.
فتح أحمد عينيه بخضه ثم نظر لها يتمتم بنعاس:
-صباح الخير يا عمتى الجميل زعلان ليه؟!
-صباح الزفت على دماغك انت لسه نايم هي مش لميس صحتك قبل ما تروح السوق يا زفت انت.
-خلاص بقا يا عمتى انا اتهديت في التدريب امبارح سيبيني نايم.
-طيب أنا عارفة مين اللى هيعرف يصحيك.
نطقت بها بتوعد وهي تنظر اليه ثم صاحت بصوت عالى: يا يووسفف.
انتفض أحمد بفزع ثم أمسك يدها يقول برجاء:
-خلاص بالله عليكي بلاش بابا لو عرف هيطحنى.
-طب قوم إخلص خليك تلحق الحصة التانية....انت لسه قاعد ما تقوم ياض.
أنت تقرأ
وصية رسول الله ﷺ (قيد التّنقيح اللغوي).
Adventureالحب..... صفة سامية نبيلة، هي مودة ورحمة، هي احترام بين الزوجين. ولكن ليتكون ذلك الحب النبيل لابد من رباط شرعي يربطنا.. الزواج.... رباط مقدس نحلل به علاقتنا؛ فلا يجوز أن يكون حبا واحتراما ومودة ورحمة لغير الزوجين. الزوج.... هو كل شيء بالنسبة،...
