وصية رسول الله ﷺ
الفصل الثالث عشر
بقلم:
-Rowan Mahmoud Dawoud.
--------
اقتباس
يميل الناس إلى المبالغة في كل شيء إلا أخطائهم يرونها لا تستحق النقاش .
~محمد هاني~
قراءة ممتعة....
---------
استمع آسر لكل ما قاله أحمد بانتباه شديد وهو يحلل كل كلمة يقولها.
-يعني دلوقتي في واحد زميلك اتضرب في المدرسة بالمطوه وهو قال انك انت اللى ضربته بيها وكمان لقوا المطوه في حاجتك.
أومأ أحمد بالإيجاب ليقول آسر بتفكير:
-طبعا أنا مصدقك لأنك مش محتاج مطوه عشان تقتل حد.
نظر له أحمد بتذمر ليقول آسر:
-دلوقتي مش فاهم فين المشكلة ما انت تقدر تقول انها مش بتاعتك.
-ما هو المدير مش مصدقني.
ابتسم آسر بسخرية يردد بتهكم:
-طبعا أكيد مش هيصدقك وازاي هيصدقك وانت بلطجي المدرسة والحارة.
- ما خلاص بقا يا آسر انت هتفضل تتريق كتير.
-بص بقا يا أبو حميد انا هبقى أزوغ من الشغل بكرة وهاجي ونحل لك المشكلة.
-إزاي؟؟
-اسمع....
---------
وعلى جانب آخر كان سعيد وبروج سويا يمزحان وهما يسيران.
-طبعا يا ست بروج هو نص ساعة وهرجع الشغل تاني عشان يوسف لو شم خبر إن خرجت من الشركة هيجلدني.
-طب ما تاخدني معاك.
نظر لها سعيد يقول بإستغراب:
-أخدك معايا فين؟؟
-الشركة عاوزة أشوفك وانت بتشتغل.
نظر لها سعيد لثواني ثم ابتسم قائلا:
-وماله انتي تؤمري.
أمسك يدها يسير معها خمس دقائق حتى وصلا للشركة دخل سعيد للشركة ليجد السكرتير الخاص به واقفا في الاستقبال ليتجه إليه قائلا:
-بقول يا عمار فوتلي على بشمهندس نائل وهاتلي منه ملفات الصفقات الجديدة.
-حاضر يا بشمهندس حاجة تانية.
-لا شكرا يا عمار.
ابتعد سعيد عن السكرتير ثم أخذ بروج واستقل المصعد وضغط على زر الطابق الأخير.
توقف المصعد عند الطابق الأخير وخرج سعيد وبروج ثم دخلا إلى مكتب سعيد نظرت بروج بانبهار لمكتبه قائلة بانبهار:
-واو مكتبك حلو أوي ما شاء الله.
ابتسم لها سعيد قائلا:
-طبعا يا روحي انتي خدي راحتك خالص أنا وانتي واحد يعني ده مكتبك.
أنت تقرأ
وصية رسول الله ﷺ
Adventureالحب..... صفة سامية نبيلة، هي مودة ورحمة، هي احترام بين الزوجين. ولكن ليتكون ذلك الحب النبيل لابد من رباط شرعي يربطنا.. الزواج.... رباط مقدس نحلل به علاقتنا؛ فلا يجوز أن يكون حبا واحتراما ومودة ورحمة لغير الزوجين. الزوج.... هو كل شيء بالنسبة،...
