- السنة الجديدة قريبا رح تيجي، شو حضرتلها؟
- يعني شو رح حضرلها! بس دعائنا لله
- يعني ما حضرت شي، كيف رح ترحب بيه؟
- يعني إنتو بعالم و إحنا بعالم تاني، هي سنة خليها تجي و الله يقدر كل خير، نحن مإلنا دخل بحفلات الكريسماس و رأس السنة
- لك شو هالحكي؟ يعني ما في ترحيب و لا إحتفال و لا شي
- لا ما في شي، يعني هالشي واجب
- طبعا و يلي ما يسويه يعتبر متخلف و مو متحضر
- بيكفي كلام مالو طعمه، هيك أشياء فاضية و سخيفة جبتوه من الغرب، يعني بدك تعبي بطنك و تحتفل و تقلبها مجمع شياطين، و تسهر لنص الليل مشان تلاقي السنة الجديدة، يا حرام! عقولكم شو تافهة
- لو حكيت أكتر من هيك، ما رح إقتنع بنوب
- تصطفل ، تقتنع و إلا لا
- ليش هيك صرت عم تحكي، بدك تقلي إنو الناس تسوي إحتفالات راقية متل الغرب و تقلب رذيلة
- لأنك متعصب و ما تقبل أفكار غير أفكارك
صح إنو في ناس هيك، بس ليش لنتبع القطيع و نقلد
ما بتعرف إنو هيك إحتفالات بس تجارية ربحية، ما بيهمن الدين و لا المبادئ و لا الأخلاق
المهم تعال إسهر و سوي شو ما بدك بتعلة الإحتفال بنهاية سنة، و قدوم سنة جديدة
—( ظل ساكت و ما عرف يجاوب...)
