ثلاث ايام

التاسع عشر

مايعرف شلون يصارح ابوه او امه يمكن يقدر يقنع امه بس ابوه ؟ شلون يفهمه ان يحبها تفكير بحذ ذاته صعب تافف وشاف الساعه تشير الى ٤:٤٤ صباحاً ماحس بالوقت هو من الساعه ٢ هو يهوجس الهواجيس تركت كل خلق الله واجتمعت اليوم بقلب وعقل مجيّد سمع الاذان وقف توضى وراح يسري للمسجد دخل ويدعي ماتجي بصلاته وقف ولف شاف ابو واقف جنبه هو حس الوقت مناسبه ان يصارحهم بوقت الفطور يكونون مروقين بدو يصلّون المسلمين خلصو صلاه ولف خليفه على مجيّد ونطق : بتجي تفطر ؟
هز راسه بأيه : انا اجيب لكم فطور علم امي
هز راسه بازين وقف يمشي خليفه هو بقى يدعي ان الله يهدي ابوه وقف ركب سيارته وجاب فطور ودخل البيت شاف امه ابوه مجتمعين بالحوش الجو كان براد أكتوبر هوا أكتوبر الخفيف اللي فيه براد هواء بنفس الوقت باس راسه امه وحط الفطور ويصب لهم شي ونطق : وين البنات ؟
لفو عليه ونطقت امه : الحين يجون وراهم داومات
كان ناوي لو جتمعو البنات وعمر يقول شوي الا جت جوهره نوف لمياء مع عمر يضحكون كل واحد متجهز للداوم ناظره عمر ونطق : انت ماعندك داوم؟
هز راسه بالنفي جلسو يفطرون بروقان بسبب الجو يضحكون الا هو متوتر ولف على ابوه ونطق : يبه بقول لك شي ؟
رفع راسه خليفه باستغراب وكمل مجيد بعد ماناظر ام اخواته وعمر ونطق بهدوء : بخطب
ابتسم خليفه : ابد اليوم نروح لعمك محمد وناخذ الشيخه الشيخ
هز راسه بالنفي يناظرون باستغراب الا نوف كان عارفه منو يبي ونطق : ابي بنت عمتي
جمد وجه خليفه ونطق بعصبيه : منو عمتك منو ؟
هو يحاول يهدي يتكلم بهدوء : عمتي نادره
وقف خليفه مسك من ذراعه : معصي والله معصي
وقف مجيد بعصبيه : يبه ماخذ غيرها وبنفسك تجي تخطبها لي !
هو ابو مع بعض نار وشرار اثنينهم معصبين وقفت امه تحاول توقف بينهم لان تدري خليفه مابيرحم مجيد يبي بنت نادره هو نادره كنهم عدوان ضرب خليفه من صدر ونطق بكل عصبيته وصارخ : تحلم تاخذه لو تموت قدامي
مجيد نفس غضب ابوه : والله يبه ماخذيت بنت اخوك لو توصل اموت
عطاه كف بكل قوة يده ولاكنه كبير جن جنون مجيد وطلع من البيت بكبره هو يشوف امه تناديني ولا رد ركب سيارته هو مقهور من ابوه وعده لغلا لو توافق غلا يموت هو حيّ
كان يتمنى لو يبكي ياليت يقدر يحلق شنّبه ويبكي يبي يحس بشعور الحزن كان يسوق بسيارته مايدري وين يروح كان يسوق بدون مايحس هواجيس تاخذه يمين وشماال
يشوف جوال يرن ومسكه عز رد : مجيد ؟؟
رد بهدوء : هلا
عز : كلمني عمر وينك انت ؟
مجيد : مدري
عز : تكلم جد وينك بجيك
مجيد : اصبر نتلاقاء بالحديقه اللي قريب يم بيت عمتي
هز راسه بزين وسكر لف على ملاذ ونطقت : وين رايح
هو يلبس ساعته : اوه تطورنا وصرتي تسالين وتهتمين
كشرت : ماهتميت بس برتااح شوي واذاكر بهدوء واتمنى تتاخر
دون ساابق انذار قرب منها هو يبتسم وهي ماسك كتابها والايباد باس خدها بخفه ناظرته بصدمه وابتسم ومشى مسكة خدها ماتوقعت انها خفيفه وتخق من بوسه
نزل هو مروق بعد بأس وجها نااااااعم ركب سيارته هو متجه للحديق وصل وكانت فاضيه اتصلت مجيد هو يسال وينه شاف مجيد يدخن حالته اول مره يشوفه كذا لف عليه ونطق : شفيك
ناظره مجيد بسخريه : عمك رفض اخطب غلا
كان متوقع عز ردة فعل عمه : طيب الحين شتسوي
نفث دخان وقطها بالارض ولف عليه : بخطبها اموت اموت بدونها صدقيني ياااعز
عز جلس ورفع راسه : ياخي العصبيه ماتفيد حاول باابوك بهدوء
تنهد بدون رد وده يروح لمكاااان بعيد : بسافر هالفتره لمن يهدا الوضع
ناظره عز هو متضايق من حال مجيد : وين طيب؟
مجيد : جده
ابتسم عز يبي يخفف على مجيد : ان شاءالله اخر سفر لحالك بعد دايم مع ام سعُود
ابتسم بسخريه من احلام عز اللي خايف تكون مجرد احلام مشى عز بعد ماودعه بقى لحاله هو همومه بس حط كفه على وجه يشوف شلون ابوه عطاه كف ونسى ان ولده بس عشان طلب يخطب حبيبة طفوله ليه ماحس بقلبه مايشوفون حُب غلا بعيونه هو اسمها صار مرتبط بقلبه هو محد دواه غير غلا وين يودي وجه من غلا هو وعدها يموت لو خذت غيره هو ينتظر اليوم تصير " غلا حَرم مجيد "
تنهد ومسك جواله يرسل امه ان يبي يسافر مااااهان عليه مايعطيها خبر دخل انستا وارسل : ترا بسافر
انتظر دقايق وردت : وين ؟ وليه
مجيد : جده ، ضاقت بي رياض
شافت رسالته توقعت ان علم ابوه عشان كذا ضايق ردت بهدوء : تمام درب السلامه
مجيد : انتبهي البنت الرياض
ابتسمت بهدوء : بعد انت انتبه وتذكر ان الرياض تنتظرك لاتطول
مجيد خففت على قلبه : لو برجع عشان بنت الرياض لان محد يستاهل غيرها
طلع من محادثه يشوف يرن الجد يتصل فيه رد : هلا جدي
الجد : تعال ابيك
هزا راسه بزين وسكر ركب سيارته
وصل بيت الجد كان عنده بس عمه فهد باس راسه الجد وسلم على عمه وجلس نطق : امر جدي
الجد : ابد بس من زمان عنك
مشى عمه فهد صبه لجد قهوه ولف عليه الجد : انت تحب ؟
جمد وجه معقوله ابوه قال للجد كمل الجد : تبي بنت نادره وطلع قلبك ماهو البنت عمك ؟
ناظره بصدمه ونطق : ابوي قال لك ؟
الجد : كنت شاك كنت انتظرك تعترف بس اليوم ابوك قالي تهاوش معاك لانك تبي بنت عمتك
سكت هو مايدري شيقول كمل الجد : تبي تسوي هوشه بين العوايل ؟
ناظره بحيره ونطق : جدي قلبي مو بكيفي واذا على بنت عمي ماعمري قلت ابيها
الجد : من سنينن حاس نظراتك لغلا فزتك لغلا
مجيد : ابيها جدي تكفى !
الجد : تدري ابوك مايقتنع بسهوله وعارف لاتحسب مادري ان ابوك مايبي عمتك
مجيد : مابي غيرها
الجد : مابيدي شي عمري قصير
باس راسه جده : تكفى لاتقول كذا عمرك طويل
كمل مجيد : بسافر جده
هز راسه بزين طلع مجيد بضيق ركب سيارته هو طريقه كله هواجيس مسك جواله وثبته على السياره يصور وبدى يغني مع الاغنيه" خبروه اني على وصله حييّت وان تفارقنا ترا موتي لي حبيب يوم روح ماسليت يعلم الله توي ماذقت العناء " بعد ماخلص مانزل ستوري ارسل خاص يبيها تنتظره بس تنتظره وكتب "انتظريني بس " ردت بنفس دقايق : صدقني لو مانتظرك ماكان ارد عليك الحين خوذ وقتك وراحتك
مجيد : بعوضك بس مجرد وقت وتصيريني حلالي
ابتسمت بخجل وسكتت بدون رد
لعبت بشعرها دخلت بخيااالات مجيد وطاري مجيد يااااكم تحب هالطاااري دخلت نادره ونطقت : تجهزي نروح الجدك نسليه جالس بروحه
هزت راسها بزين تكشخت وتعطرت تنهدت ونطقت : ياليت مجيد هناك كان مونسني 
توترت من نطقت باسمه هي ماقدرت تقول لنفسها ان تحبه حتا نفس ماصارحته بحب مجيد بس قلبها يفز من الطاري
وصلو بيت جدهم سوت قهوه وجلست مع امها وجدها ونطق الجد : وافقتي ؟
استغربت وكمل الجد : اللي خاطبك
نطقت نادره : تعبت وانا افهمها ان خوش رجال مابتلقى غيره فهمها
ناظرها الجد هو عارف سبب رفضها بس يبي يتاكد منها نطقت غلا : ماما خلاص سكرنا على موضوع
الجد : خليها توها صغيره بيجيها الاحسن
تاففت نادره : بقوم اسوي العشاء خلك ونسي جدك
هزت راسها بزين مشت نادره لف عليها الجد : ليه رفضتي ؟
توترت وخايفه يشك فيها : صغيره توني
همس بهدوء : في احد خاطبك ثاني توافقين ؟
ناظرته باستغراب رفعت حاجبها: مين؟
الجد: ولد خالك
توترت ماتدري هو يقصد مجيد او لا ! وكمل الجد : مجيد
سكتت خااافت ونطق الجد : تدرين تهاوش مع ابوه وسافر
بقت ساكته لان لو بتتكلم ب تبكي وكمل الجد : بيحارب دنيا عشانك بس تحبينه علميني ؟ عشان مو حب من طرف
ماتشوفين حُبه ؟ وفزت قلبه اذا شاافك ؟ يحاول يعتمد على نفسه عشانك؟ توظف وصار عسكري عشانك ؟ هو يوم دخل الدوره نشلع قلبه بس عشان يرجع يشوفك لاتحسبينه مادري اشوف مجيد اعرف اكثر واحد تعرفين شنو يعني يحب ؟ ماعمره اعترف لي بس كنت شاك لمن اليوم جى خليفه هو معصب وبعدها يوم جى مجيد نطق بكل وضوح " احبها " اذا ماتبينه لاتكسرينه اذا تبينه بيحلها الله وان شاءالله احضر عرسكم قبل لاياخذ الله عمري
ناظرته وحطت كفوفها على وجه وبكت من ضغط تحس انها مضغوطه ابتسم الجد وعرف ان هالدموع دموع الخوف ان حب بدون فايده ونطق : مجيد يشبهني حتا انا كنت احب بنت عمتي ورغم ان ابو غصبني اخذ بنت عمي ماقدرت انساها وتزوجتها بعد عناااه وجبت افضل بنت افضل عيالي هي نادره ادري لو يوم بطيح هي اللي بتعتني فيني ولا تتعب كان اصح حب هي ام نادره ماتت ام محمد وماتت ام نادر بقيت وحيد بس نادره ماعمرها خلتني احس بالوحده ولاتخافين بكون معكم وازفكم بزواجكم
"مجيد يشبهني وانتِ تشبهين جدتك " ومجيد حُبه صادق
ناظرته بهدوء بتوتر وضحك الجد ونطق : اخر سفره لحاله وبعدها ام سعُود معاااه
وقفت ونطقت: بشوف امي
ضحك من خجل غلا الواضح وقفت راحت للغرفه وبكت بدون صوت لكل كشف حبهم خااايفه من مواجهة خالها مسكت جوالها ورجعت افتحت فيد مجيد اللي ارسل لها وهو "يغني خبروه " تشوف ملامحه شلون ضايقه يوم قال لها " ضايق بي الرياض " ماتحمل سافر يخفف من شعور اللي عليه شافت جوالها اللي يرن جوهره وردت : هلا غلا اخبارك
غلا : اهلين جوجو بخير وانتِ؟
جوهره : مو بخير
غلا : ليه شصاير ؟
جوهره : غلا مجيد يحبك هو ابوي تهاوش
ماكان ناقصها الا جوهره تكلمها تقول لها شصاير كملت الجوهره : ومجيد سافر وترك البيت وبعد نضرب ماحس بيرجع تكفين غلا
غلا وهي تسمع شهقات جوهره : ماعليك اكيد بيرجع هذا بيت ابوه
جوهره : يكلمك ؟
غلا : خير جوهره مستحيل تو ادري منك
جوهره : اسفه مدري شقول بس ضايقه
غلا : جوجو عادي وماعليك تهون
بعد ماواست جوهره سكرت بس من يواسي قلبها ؟ من يطمن قلبها
غردت بتويتر "أشوف الكل في نصف عين
‏عداك أنت
‏لامريت ينتبه لك
‏قلب و عين
‏و تفز لك روح و أيدين "

ادري انه قصير بس اعوضكم بالاجازه