عند عز والعيال عازمهم بجناحه يضحكون يطقطقون على المعرس لف خالد على عز ونطق : ي حسافه عروستك مسافره وانت تجهز جناحك
عقد حواجب بصدمه : مسافره انت شتقول ؟؟
نطق خالد : ماتدري والله احسب تدري
ناظر عز بهدوء : وين ؟ طيب
رفعه كتفه خالد بمعنى مدري لف مقرن : وديت غلا لهم وسالت نايف يقول دبي
هز راسه بزين
همس مجيد : راحت شهر عسل بدونك
ناظر عز بعصبيه : اوريها شلون تسافر
ضربه على كتفه : اهدا ياخوي البنت راحت مع اخوها عاد نسيبك ماطيقه صراحه نطق عز : ولا انا احس ماينبلع محد مكبر راسها غيره
مجيد : عاد صراحه بنت عمي لها حق تنغر
ناظره بحده : هي لاتجيب طاري محارمنا
ضحك مجيد على غيرة عز
بدو يلعبون الدومينو اما عز هااادي ويبي يخلص عرس وتسكن عنده ويدبها على ذا الغرور خاايف يضعف وهي شخصيتها قويه
..
اخر يوم بدبي هم "بوليفارد الشيخ محمد بن راشد "
ملاذ وهي تصور عند برج خليفه بعد ساعه هم يفرون بوليفارد لفت ملاذ على نايف : خلينا نروح مطعم وبعدها نرجع للفندق نرتاح
هز راسه بزين مسكه يده عشان ماتضيع بزحمه وهي تصور كلشي بدبي عااااشت ايامها بدبي افضل ايامها تعشو بمطعم هم هلاكنين من الصباح صاحين وصلو للفندق كل واحد راح غرفته مسكت جوالها وشافت اصحابه اللي بالثانوي يكلمون قروب دخلت قروب كتبت تكلموني بدوني ؟
ردت اميره : ادخلي مكالمه ياعروستنا يابنت دبي
دخلت ولكل يرحب فيها نطقت مي بزعل : بنت دبي ساحبه علينا
ضحكت ملاذ : عيوني انتم والله ماسحبت بس جد انشغلت وابد الجامعه باقي لها اربع ايام اشوفكم وبالعرس بتجون
نطقت ديم : اكيد نجي كلنا
سولفت معهم ساعه وهي ميته تعب بس ماتبي تزعلهم
دخلت غلا مكالمه ونطقت بعصبيه : ي حيوانات تدخلون انا نايمه وبعدين بنت دبي معكم اهخس
ملاذ بغرور : مين انتِ ماعرفك
غلا بقهر : حياتي لو جيتي رياض اعلمك منو انا
ضحكت ملاذ وهي ماعاد تتحمل : يلا بنت دبي تستذن لان وراي قعده
نطقت مي : شعندك قاعده من صبح
ملاذ : للمطار
كلهم فزو ونطقت غلا : امانه ملاذ بترجعين بكرا؟
ضحكت ملاذ : يوه بنات للهدرجع وحشتكم ماني راجعه لكم بروح لو ابو ظبي
كشرو ونطقت مي : مالت عليك من زينك
ضحكت معهم شوي وسكرت وهي طفت ناااامت يوم كامل وهي صاحيه
..
فتحت عيونها من صوت المنبه شافت الساعه ٤ الفجر وقفت صلت وبعدها لبست روبها ودخلت تاخذ شاور دافي لبست للمطار وجهزت ملابسها ولبست عبايتها وحجاب واتصلت بنايف
طلعت شافته واقف ابتسمت وامسكت ذراعه : اليوم بعزمك على فطور
رفع حاجبه بصدمه : ملاذ تعزمني اول مره
ضربت كتفه : ماتستاهل بس عشاني جوعانه في مطعم قريب من مطار برسل لك لوكيشن سمعت عليه مدح
هزا راسها بزين وشغلت اغنيه ب سما دبي وترددد وراها وهي تحسها روحه خفيفه جداً تتمنى تبقى هنا خلاص ماتبي شي غير شعور راحه
ركبت الطياره وهم رايحين ل ابو ظبي ونفس عادتها بوقت اقلاع مسكت ذراع نايف بخوف عندها فوبيا غريبه من مرتفعات نص ساعه وصلو ابو ظبي ماصااارت تنام من كثر لليالي حلوه جلسو بالفندق نص ساعه على ماتجهزو وطلعوا ولف عليها وابتسم : اشوف عجبتك الامارات
ضحكت : الود ودي اسكن هنا شهالناس حلوين وراقين !
نايف : اي وصح بليل معزوم عند خويي وقال حرمتي بتشوف اختك الحين نتمشى شوي ونرجع نجهز
كشرت بوجه : يوه نايف تكفى نمر مول بشتري فستان حلو
-
عند غلا وهي طفشانه من يوم مشت ملاذ مافي احد تروح له اتصلت جوهره ردت : هاااي جوجو
جوهره : اهلين
غلا بطفش : تكفين جوجو تعالي عندي والله طفشت
جوهره : ليه ماتجين عندي انتِ اجهز بغرفتي افضل موفي نتابع بوب كورن واطلب لك قهوه
غلا : خلي القهوه علي انا اجيبها جهزي اجواء انا اجيب سناكات واجي
سكرت مكالمه وهي زهقت من جلسة البيت ولبست عبايتها كانت بتروح بدون ميك اب بس تذكرت يمكن تصادف مجيد حطت ميك اب خفيف ايلاينر ماسكرا روج
اتصلت بسواق وركبت مرت سوبرماركت خذت سناكات وشبسات نزلت بهدوء وعيونها تدور سيارة مجيد بس خاب ظنها من مالقتها رنت الجرس وفتحت الباب الخادمه
دخلت وكانت تبي تصعد فوق مشت درج وتصادفت عيّون بعض بدرج نطق بهدوء : غلا ؟
ناظرته بدون رد وكمل مجيّد : شجابك ؟
رفعت حاجبها : جايه عشان جوهره ليه بتطردني ؟
ابتسم همس بهدوء: حرمي ماتنطرد البيت بيتك غلااي
توترت بخجل : ممكن تبعد الحين احد يشوفنا
هزا راسه بالنفي : ابد محد موجود غير جوهره نوف بغرفتها وفرصتي هذي حتا طلعتي كنسلتها
غلا : وليه وين طالع
ابتسم من سوالها : اصبري حبيبتي لو تزوجنا اساليني اجاوبك
دفته من درج وبعدت تشوف يهف لها بوسات وصلت غرفة جوهره ابتسمت بحب ودخلت على جوهره ونطقت : نورت انا
حضنت جوهره وجلست رتبت جوهره طاوله وشغلت فلم وجلست عند غلا اندمجو بالفلم كان رومنسي وهم بعز اندماجهم اندق لباب تتأفت جوهره وفتحت الباب : نعم مجيد خربتي علي الفلم
ابتسم وباس راسها وقال بصوت عااالي : سموحه بس وحشتيني جيت اشوف شتسوين خليني اتابع معك فلم
هزت راسها بالنفي : عندي غلا تكفى روح عيب الحين تنزعج
هز راسه بزين ونطق : تبون شي اجيب لكم عشاء
جوهره : لا الحين مانبي اذا بغينا نطلب
وسكرت الباب بوجه ورجعت جلست وغلا الود ودها تقول له تعال اجلس معنااا
وبعد نص ساعه طفشت غلا من فلم وشافت وجوهره مندمجه نطقت : بروح للحمام وارجع
جوهره : بس ترا ماوقفه بكمل
هزت راسها بزين
وطلعت تشوف غرف كثير هي تدور غرفة مجيد شافت غرفه اخر الممر مشت لها بهدوء نخلع قلبها من سمعت صوت وراها خاااف يكون خالها لفت هي مغمضه شافت مجيد هو يضحك ضربته على صدره : خلعت قلبي
ضحك بصوتتت عااالي : اشوف جايه غرفتي تدوريني
هزت راسها بالنفي وكمل : ليه مكابره
ضربت على صدره : بعد عني خلعت قلبي بغيت اموت
همس بهدوء : بسم الله عليك عقبال هالصدر تضربينه احطك فيه
توترت وبعدت عنه ومسكه من ذراعه : تكفين غلا سوي فيني خير خلاص خليني اخطب
ناااظرت بتوتر وايدها بدت ترجف : مجيد تكفى بعد قبل احد يجي
نطق بهدوء : ابيك طيب !
بعدت عنه ودخلت غرفة جوهره حمدت ربها جوهره للحين مندمج
عند نوف وهي قايمه بتشرب مويا وسمعت صوت من جيهة مجيد قربت شوي وانصدمت مجيد يضحك وماسك ايد غلا ! يقول متى اخطبك ! 'ابيك جن جنونها
رجعت غرفتها وهي ماتدري شتسوي وبعدين طلعت مالقتهم دخلت غرفه مجيد
لف عليها : ماتعرفين الادب وتطقين الباب
سكرت الباب بقوه ونطقت بعصبيه : علمني شنو بينك وبين غلاا !!!
جمد وجه وقف ويدري نوف ماتسكت كملت : ماتستحي مافيك خير !!! تروح تتغزل مع بنت عمتك وانت خاطب بنت عمك
ناظرها بعصبيه : نوف مايخصك قلت لك الاهلك من قبل منيفه مابيها وغلا هي اللي باخذها غصباً عن الكل
ناظرته بجنون : استوعب مجيد مجيد ابوي لو يموت مايوافق تبي تجلط ابوي عشان بنت !!!! ويالي تستاهل
صرخ بصوت عااالي : حدك حدك عاد الا غلا ماتجيبين طاريها
مسكت راسها وصاارخت بعصبيه : والله والله هذي غلا ماسكت لها انا اعلمها شلون تسرق من منيفه كانت حاطه بس كنت اكذب عليها اقول لا لا مجيد مايسويها بنت عمه
مسك يدها بعصبيه : تسوين ل غلا شي صدقيني تندمين مايصير خير ! وابوي انا اتفاهم معاه وبنت عمك ماعمري وعدتها بشي خطبه بين الاهل
طلعت عنه وهي متضايقة تدري منيفه بيجن جنونها ويمكن تخسرها
عند غلا جوهره
غلا من رجعت وهي متوتره واتصلت بسواق وتسلك انها مندمج هي كله تفكيرها مع مجيد وقفت ونطقت : يلا جوجو بمشي
وقفت جوهره : خير خلينا نتعشى
هزت راسها بالنفي
طلعت وهي تتمنى مجيد موجود طلعت وركبت مع سواق
مرت ايااام وعند مجيد مايدري شلون يصارحهم بس قرر بعد عرس عز يقول لهم نوف خاايفه حتا تواجه منيفه وغلا كانت ودها ترجع تزور جوهره بس عشان تشوف مجيد
عند ملاذ ونايف
ركبو المطار هم راجعيّن الرياض رغم كانت سفره ممُتعه الا ان الاهل اشتاقت الدياره بعد ساعتين وصلو
وسلطان ورفعه منتظرينهم بالمطار
ركض نايف حضن ابوه وامه وحضنتهم ملاذ مشو ونايف يسولف لهم عن سفره
وصلو للبيت طلعت ملاذ لغرفتها وهي تعبااانه تبي ترتاح خذت شاور ونااامت
فتحت عيونها بعد كذا ثلاث ساعات كانت ساعه تشير ١٠:٠٠م وقفت ودخلت غسلت وجها فرشت اسنانها بدلت ملابسها
نزل للمطبخ خذت لها سناك ومسكت جوالها اتصلت بغلا ردت بعد كذا دقايق : هلا ملاذ
استغربت من صوتها ونطقت : اوه الحين بنت دبي تجي للرياض ماتوزرينها ماتستحين ؟
فزت وهي جد وحشتها ملاذ محد يفهمها كثر ملاذ : تكفين ملاذ صج جيتي
ضحكت ملاذ : اي والله جيت
غلا بحماس : جايتك والله لو ان اخر لليل
لبست عبايتها وحجابه بدون ماتحط حتا ميك اب وركضت ل خالد لف عليه : تكفى خالد ودني البيت خالي سلطان
استغرب : شتبين فيهم الصبح اوديك
غلا بترجي : تكفى ملاذ جت والله واحشتني والله ي خالد
هزا راسه بزين وقف
ركبت السياره مرت الورد حطت جوكلت ورد بكرت ( الرياض بعدك مالها حياه ، نورت الرياض واهل الرياض )
وصلت بيت خالها ونزلت دقت جرس شافت خالها جالسه بصاله باست راسه ونطقت : اسفه خالي بس جيت اسلم على ملاذ
سلطان : لا ابد البيت بيتك
ركضت فوق فتحت غرفة ملاذ شافتها ترتبت بسرير ركضت ملاذ حضنتها بقوه باست خده
مسكت الورد ملاذ وضحكت ورجعت باستها : والله احبك
ضحكت غلا ونطقت : صراحه اشتقت صراحه
ملاذ بصدمه وضحكه : اخيراً خليتي المكابره واعترفتي
رجعت غلا حضنتها ونطقت ملاذ : تكفين نامي عندي توني صاحيه
هرت راسها بزين
قعدو لليلهم كلهم هم يسولفون توري ملاذ هدايا جابتهم لها كل شي جايبته لنفسها جايبه منه لغلا وطلبت ملاذ عشاء بيتزا ياكلون نسى همومهم هي تسمع سوالف ملاذ عن سفره تشوف نفسية ملاذ تحسنت
اتمنى ينال عاجبكم
البارت اللي بعده بيعجبكم💞
