عز تو رجع من نوم هو ميت تعب بس يبي ينام دخل شاف عمته ولجد قاعدين بصاله سلم عليهم ونطق الجد : مافي مبروك ؟
لف باستغراب : شصاير
ابتسمت عمته ونطقت : زوجتك انقبلت دكتوره
رفع حاجبه : ملاذ ؟ اها مبروك
شافو عبوس وجه عز ونطق الجد : خير مافرحت
هزا راس بالنفي : بس تعبان بدخل انام
دخل يبي ينام بعدين يتفاهم مع ملاذ
بليل الامهات هم يجهزون حفله صغيره للبنات ضبطت ريم الطاوله وحطت القهوه ثلاث كيكات اصغار كيكه الاول بلون البينك مكتوب ( مبروك القبول دكتورتنا )وثانيه بلون الابيض ( مبروك محاميتنا غلا ) وعاد ثالثه كاكو( مبروك القبول جوجو ) لفت نادره على ريم : روحي ناديهم وحنا بنطفي الضوء
راحت ريم تناديهم دخلت الغرفه شافتهم يجهزون ونطقت : يلا اصحابي جو انزلو
لفت عليها ملاذ : الحين اصحابك جاين حنا شنبي نجلس معكم
ريم ناظرتها بحده : حياااتي عادي يبون يتعرفون عليكم
غلا لفت عليها : يلا بننزل خلصنا
ملاذ رتبت شكلها تعطرت مهوسه بالعطور غرقت جسمها ريحة عطورات
نزلو هم يظنون ان اصحاب ريم بس لفو على باستغراب ان هدوء البيت دخلو الصاله فجاء هم بيشغلون النور الا انفجر على راسه مدفع الورق ( حقات الحفلات ) نفتح الضوء اغاني وصراخ وشموع انصدمو ابتسم غلا بفرح يوم شافت امها جت تحضنها ماخطرت بالهم ان حفله لهم لان ريم من اليوم وهي تحن فوق راسهم كل وحده مسكت الكيك الي لها وريم تصورهم مسكت جوالها غلا شافت رساله بالانستا من مجيد ابتسمت من قرت ( مُبروك القبول وعقبال مانقبل بحياتك انتِ من زمااان مقبوله بحياتي وبقلبي ) حتا بافضل ايامها يكون معها بتخرجها بقبولها بجامعه ردت ( يبارك فيك اذا بتتكلم كذا برفع قضيه عليك ترا محاميه ) كان اولاين رد بسرعه ( احلى محاميه اذا السجن بسبك انا موافقه وعلى فكره ترا انا عسكري ارفع قضيه عليك تهمتك كبيره ) رفع حاجبه هي تشوف يرقصون ومشغلين اغاني تشوف فرحة امها وردت على مجيد ( وشو تهمتي؟ ) رد بثواني ( سرقه سرقتي قلبي ) ضحكت بدون ماترد قومتها ريم ترقص رقصت وهي تتمايل ملاذ تصورها
بعد رقص الفرحه جلسو من كثر تعب نطقت ام منيفه بسخريه : شفيكم فرحانين كلها قبول وبعدين احد يخلي بنات وحده محاميه وحده دكتوره ولاانتِ ي جوهره وشو دخلتي يخوفي زيهم ؟
ردت جوهره : ادارة اعمال
ضحكت بسخريه : يعني كاشير بسواق افا
رفعت حاجبه ملاذ ونطقت : واذا دكتوره محاميه يكفي لنا مستقبل وترا على قولتك كاشير ترا له مستقبل كبير
ردت منيفه بسريع : الله يعطي عز اجر ويعينه
ناظرتها ملاذ : محظوظ صدقيني
نظقت نادره : ي ام منيفه بناتنا حنا فخورين فيهم ان كل وحده دخلت منصب وآن شاءالله يتوظفون احلى وظايف
ناظرتهم ام منيفه بسخريه وقفت وراحت معها منيفه
ناظرت بقهر غلا : هذولي شفيهم مو عاجبينهم امي للحيني ساكته مانفجرت بوجيهم
نطقت ام ملاذ : ماعليكم منقهرين منكم
سكتوا رجعو يتقهون بهدوء جت ريم لفت على ملاذ وهمست : عز يبيك بالمجلس ثاني
هزت راسها بالنفي كملت ريم : توقع ترفضين قال والله لو ماجت ادخل عليها
شرقت بقهوتها وضربت ظهرها ريم ونطقت : بسم الله عليك قومي والله معصب
وقفت شافت وجها بالمرايا وعدلت شعرها وراحت للمجلس شافت جالس وحاط دخان بفمه رفع راسه يوم شافها وقف ونطقت هي عند لباب بهدوء وهمس : شتبي ؟
هز راسه بسخريه : تعالي حياك بسولف معاك
قربت وجلس وجلست شوي بعيد عنه ولف عليها شاف فستانها الموف اللي لابسه فوق عبايتها لان مو ساتر الميكب نااعم كانت فعلاً خياال ونطقت : انا اخر شخص يدري بقبولك ؟
ناظرتها ردت بسخريه: وليه منو انت عشان تبي اقول لك ؟
تلاشت ابتسامته وناظرها : زوجك لازم نذكرك بهالصفه بكل مره نجلس مع بعض ؟
ناظرته : تدري عاد ؟ انسى حتا منو انت تبي اذكر الصفه هذي والله تضحكني ماخذ دور زوج زين
قرب منها بهدوء يبي يجننها بس ضغف من شم ريحة عطرها وانتبه للشامه يلي بعنقها ورفع عيون لوجه وشامه بعد اللي قريبه من شفايفها ونطق : ليه كذا اسلوبك ؟
رفعت حاجبه توترت من قربه بس ردت بدون اهتمام: تحسب بعاملك بحُب مثلا ؟ وحبيبي امرني طالبتك تم ؟ احلم فيها
ناظرها ونطق بحده : غصباً عليك بصير كل ذا بس انتظريني اذا ماكسرت غرورك
ناظرته بعصبيه وقفت : والله تحلم
كانت تبي تمشي ومسك ذراعه ونطق بهدوء : انتظري خليني ابارك لك طيب ؟
ردت وهي معصبه : مابي منك شي بس خلني بدون ماتحرجني مع اهلك وتناديني
مشت وهي خرب مزاجها تتحسب عليه وزاد همه هو واضح مابترضخ بالاهين ومنصدم من شخصيتها شلون يوم جاها بتعب نومته على رجلها بدون ماتتحرك لو ثانيه بس غرورها متحكم فيها شخصيتها راقيه يدري ماهي سهله بيتعب ولا يملك قلبها
-
عندها ملاذ وهي استفزها عز دخلت الغرفه شافت غلا مشغل اغنية عبد المجيد مروقه نطقت : الله يستر منك تسمعين اغاني عبد المجيد حباً الاغانيه ولا اسمه اعترفي ؟
ابتسمت غلا ونطقت وهي كنها مغرمه : الاثنين
ملاذ نطقت : ابد الخفيفه طلعتي ذبتي بسرعه اثقلي
ابتسمت غلا : شسوي هو يحاول معاي وبعدين وين اختفيتي انتِ وليه ماخذه عبايه
كشرت من تذكرت ونزلت عبايتها وجلست جنب غلا : عند عز يع تعبت منه ومن تناقضه
عدلت جلستها غلا ونطقت : مامداك تتعبين
تنهدت بقهر ملاذ : ماتتخيلين قد ايش متناقض ماتدرين شنو يبي بضبط
ناظرتها ونطقت: علميني شيسوي خليني احلل
ملاذ وهي تذكر تناقضه قالت كل حركات عز معها ونطقت غلا : معقوله يحبك ؟
كشرت ملاذ : وشو يحبني مابلعها ولا يبلعني بس في موقف صدمني يوم كان بيروح للخبر حضني وهمس بهدوء خلك امي جت وحضن بقوه كنه يبي من زمان
غلا بتحليل : ي غبيه ي غبيه هذا هيماااان فيك بس جننيه خلي يعرف منو ملاذ عشان يندم ان فكر يغصبك
ردت ملاذ وهي تدعي مايحبها : ابد والله الا اخليه يندم على كل شي سواه ولا على تفكيره والله ماشفتي شي
ابتسمت غلا ونطقت : كفو تربيتي خلي يركض وراك خلي يعرف قيّمة ملاذ
رفعت حاجبها ملاذ : اي شفناك يوم مجيد يالخفيفه
ناظرتها غلا وضربت كتفها : مجيد غير ياخي
كشرت ونطقت : ابد ذكور كلهم نفس الشي ماثق فيهم
-
عند مجيد وعز
مجيد ناظر عز هو ساهي ضربه على كتفه ونطق : خير ياهوه وين كنت
هز راسه بالنفي كمل مجيد : افا ي عز من متى تخبي عني علمني شصاير
هو بيعلم مجيد لان لو مافضفض يموت : بسب بنت عمك معتوه
ناظر مجيد بصدمه يحسب غلا : غلا شدخلها شفيها غلا ؟
ضربه على راسه : حمار انت غبي من جاب طاري غلا قلت لك بنت عمك مو بنت عمتك اقصد ملاذ
ارتاح مجيد وابتسم : الله يهديك قول ملاذ طيحت قلبي عبالي حرمي
كشر عز : حرمك ؟ ولا طلعت انت المعتوه شبلاك رقل اثقل
مجيد : ماعليك مني شنو مسويه بنت عمي اللي مخليتك تهوجس مع نفسك
تنهد بضيق عز : ابد بس لسانها اطول منها غرورها يقهر مستحيل تستفزها
ضحك مجيد بصوت عالي : لاتقول جابت راسك
ضربه عز : تخسي محد يجيب راسي انا اجيب روس البنات بس غاثتني
مجيد نطق بجديه : والله قلت لك منت قد ملاذ
ناظر عز ونطق : زواجي بعد شهر
انصدم مجيد : بهذي سرعه؟ عز تراها بنت عمك ! لاتكون اناني وتكسرها وانت مرقم اغلب بنات رياض وبعدين لو جرحتها لكل يوقف ضدك اولهم جدي تعرف شلون يحب ملاذ
تنهد عز من كثر نصايح مجيد ونطق : مجيد ترا مو للهدرجه مابسوي شي بس خلاص بستقر ماعليك مستحيل بجرحها
ارتاح مجيد من كلام عز ونطق : افا ياخاين انتظري اخطب غلاي
ضحك عز هز راسه باسف من خفة مجيد : اثقل اثقل توك بزر وبعدين قوم بشوف القصر العرس عشان احدد تاريخ اقول لعروستي تجهز
وقف مجيد هو يسولف عن اذا صارت غلا حلاله شنو يسوي بحماس
لاتنسون نجمه 🌟
