العصر هو يتجهز لبس بشت هو هواجيس علت قلبه مايدري شنو حتا يسوي يدري دخل نفس شي صعب بيورط نفس مع عمه اخوها غروره شموخها ورقتها خايف يكسرهم طلع للصاله بضيق ولا كنه عريس وشاف امه وريم واقفين وامه بيدها مبخره حضنهااا بخرت وهي تبكي نطق : ليه ي جنة عيوني
ناظرت ونطقت : يايمه ولدي الوحيد اليوم عرس ودي اموت من كثر الفرح
ضحك من فرح امه وابتسامة ريم وكشختهم الفخّم يبينون انهم اهل المعرس باس راسه امه : شنو هالكشخه يا ام عز بتطيحين كرت العروسه
ضحكت بخجل وضربت على كتفه ونطقت ريم : نشوف بتتحمل كشخه عروستك او لا
سكت بدون رد ولفت عليه امه : والله يايمه الله يصبر قلبك لان البنت طالعه قمّر
جمد وجه من مدح امه وطقطقة ريم وباس راسه امه : بروح مع العيال
هزت راسها بزين
عند العروسه وهي لابسه روب الابيض وتسمع غنيه نفس رقتها انغااام بتوصفني بتكسفني وتشرب قهوتها بهدوء او تتصنع الهدوء وتبتسم لهم بس عشان تشوف فرحانين شلون كلهم مجتمعين حولها بالصالون امها واصحابها
مي وهي تردد ورا اغنيه : حلمت تشوفني بالطرحه ياحظك ياعز يوم درتنا صارت نصيبك
باست خدها ابتسمت ملاذ بخجل وقفت غلا طفت اغنية انغام ونطقت : حطي اغنيه ابي اهز ابي اعيش شعور اني اخت العروس
مسكت جوال غلا وحطت اغنيه مصري عروستنا احلى من القمر بشويه وبدت تهز لهم كلهم بدو يهزون معها ونطقت اميره بضحكه : نقلبتي دلال اللي باب الحاره
ضحكت وخذت الحجاب شدته على خصرها وبدت تهز هم يصورنها رقص غلا وهزها محد يقلبها وصورتها جوهره
وحطت اميره اغنية حماس وبدت تلفح شعرها يصفقون لها دخلت عليهم ام ملاذ ونطقت : يلا ي بنات ماباقي غير ساعه نروح للقاعه
كل وحده بدت تتجهز هم حاطين اغاني يصاروخ واللي تضبط الميك اب واللي تلبس فستان
بعد نص ساعه لبست فستانها الابيض وطرحتها الطويله دخلو عليها البنات صااارخو من شافوها ونطقت : شرايكم حلو ؟
غلا نطقت : ماتخافين ربك انتِ ليه كذا ليه ؟
ناظرتها باستغراب وكملت غلا : تهبلين
وهمست بهدوء عشان محد يسمعها : بيندم ان فكر ياخذك بالغصب يقول ياليتني من طفولتي عشت معها قصة حب والله الا يعض اصابعها ندم
ابتسمت بخجل ولفت عليهم اميره : ملاذي تهبلين احلى عروسه شافتها عيني
وجها انقلب اكثر من خجل ونطقت جوهره : عمتي تقول يلا
لبسو عبايتهم وطلعو
..
المغرب بالقصر
كانت القصر المليان ورد وريحه البخور شموع اللي على الطاوله وعطورات وبكل مكان مكتوب "ملاذ ، عز " على كل الحلا مكتوب اساميهم كلشي صار يجمعهم الا قلوبهم متجااافيه كان ترتيب العرس فخّم بمعنى الكلمه "افراح ال سعود " ومخافتهم
ليلة العمر اجمعت شخصين مابينهم حب عروسه رقيقه مغُروره ، ومعرس عكس صفاتها عصبي ويلعب بمشاعر البنات بس يقدر يلعب بقلب ملاذ او يهز مشاعرها او هي تاخذ حق البنات منه تعور قلب او يقدر يكسر غرورها وضحكتها كل شخص مختلف عن ثاني هو "مهندس " وهي "دكتوره " لقاء الجبابرة لقاء قوي منافسه بينهم معقول يجي يوم تتصافى القلوب ؟
فتحت ريم الباب ل عز اللي وباس راسها ونطق : غيره بتطلعين احلى من عروستي ؟
ابتسمت ريم : اكيد اختك احلى
وهز راس : امي وين
ريم : ادخل عشان تنزف العروسه
ناظرها بتوتر ودخل بالقاعه شاف ام ملاذ نازله وسلم عليها ونطقت : تجهز بتنزل العروسة
نزلت المصورة ولفت على عز : لازم تلف عشان فرست لوك
هز راسه بزين غمض عيونه اول ماطفى ليت واشتغلت زفه هاديه باسم ملاذ وتحكي عن رقة ملاذ كان اهدا من غلا
نزلت بهدوء والاضاءة "مون لايت تصوير " على وجها وايدينها محتضنه مسكتها مصوره تصورها وتمشي بخطوات هاديه وتبين ثباتها هدوءها بس داخلها ابداً ماكانت هاديه كانت ودي تطير ولا تمسك كتف عز ماودها توصل ودها تموت بهالحظه تشوف ظهرها وفخامته بالبشت وغترته وعقاله عدلت طرحتها بهدوء وكملت مشيها وهي تسمع زفتها " ادخلي عمري بخطواتك اليمين اضوي ايام عز وعتمت السنين قرت عيون عز بشوفة عروسته ملاذ " غمضت عيونها يوم قربت له والمصوره تصور فيهم كان تحلف تنسمع نبضات قلبها لو احد قرب منها من كثر توتر قربت من بهدوء حطت يدها على كتفه غمضت عيونها ماتبي تشوف
ولف بهدوء رغم ضجة قلبه يوضحون الهدوء وقلوبهم ضجة العالم كلها فيها ناظرها وقف قلبه كانت جميله اول مره يشوف شخص لهالقد جميل كذا همس بقلبه : ماشاءالله ، ياربي عطني قوة الصبر
ايدها مو قادره تتحمل من كثر رجفه لفت عليهم ريم ونطقت : تعالو عند لكوش عشان تصورون
ريم اشرت له يمسك ايدها مسك يدها بهدوء وكانت ودها تسحب يدها بس شافت عيونهم عليهم مشت معاه للكوش وقفو بالكوش ونطقت المصورة : قربو من بعض عشان تصوير
قرب شوي كملت مصوره : قربو اكثر
قرب منها وبدت تصور ولف عليهم مره ثانيه :حط من خصرها
جمد وجه مدري شلون يمسكها حط يده على خصرها شبه يحضنها توتر من ريحة حضنها شامة عنقها شلعت قلبه ريحتها بعدت بهدوء بعد تصوير وجت امها وريم وامه يصورون معهم بعد دقايق مشى ارتاحت نادت ريم البنات بدو يصورون معها ولفت عليها امها : خلاص اصعدو الحين يجون معازيم
صعدو فوق هم ماسكين فستانها ويساعدونها بالمشي
..
الساعه ٨ بليل اجتمعت كل المعازيم العرس ملاذ بنت سلطان ، وعز بن فهد
كان ام عز ترقص بكل رقصه نست حتا تعب وفرحت فرحه كبيّره وحيدها وريم كل شخص يدخل يرقص ترقص معاه
دخلت غلا ترقص ودخلت معها جوهره لفحت شعرها خلصت رقص وطلعت بتروح فوق
جلست منيفه نوف هم يسولفون لف عليهم حرمه كبير ونطقت : البنت اللي رقصت ام شعر طويل اللي لابسه فستان احمر بنت منو
رفعت حاجبها منيفه : مانعرفها
همس نوف : ليه كذبتي
منيفه : بس كذا قومي نرقص
رقصو ودخلت ام محمد معهم ومريم
..
عند رجال
ازدحام القصر من الأغلب شخصيات واغلب الحضور "بشوت وبيدهم سيّف " ومجيد تعب من كثر كل شوي بخر القصر بمباخر فخّمه المقهوجين يلي يلمع بيديهم الدلال وصوت الفناجيل مهّيب للان مابدت العرض ولا الدق يسلمون على بعض الجد واقف بكل حيله يسلم على واحد يمر كل شخص يدخل ينطّق "ماشاءالله " كل شوي يدخل شخص لف خالد لمجيد : لا إله إلا الله شكثرهم ذولي ؟
نطق مجيد بغرور : هذي كلهم متعنين الافراح ال سعود
ابتسم خالد من فخامه ال سعود ونطق : عقبالك عقبال مايجوني اكثر
ناظره وابتسم من شاف في لمحه العيون من غلا وكان ودي ينطق وعلى اختك يارب بس مايبي يندفن بالعرس
دقايق بعد وصول الكل
بدت الاصوات بالعرضه النجديه وبُدت تضرب الطبول وبُدت توزع السيوف تتوزع بينهم يلي تلمع تعكس الإنارات الضيوف
يانجد
مني عليكم يا أهل العوجا سلام
