يوم الثلاثاء، الساعه ٤:٠٠ عصراً
جالسه في غرفة المعيشه وحدي اقلب في كتاب الكيمياء اللي تعبني وما قدرت ادخله عقلي
امي : نغم
نغم : امري يا امي
امي : ماريا 'الشغاله' عملت لك ساندويتش وحطته في المايكرويف بس تجوعين سخنيه لانو ماريا حتروح اليوم إجازتها وانا بروح الشغل
نغم : مو انتِ قلتي بتجلسي اليوم في البيت؟
امي : ابوكِ دق عليا قال في شغل كثير لازم اروح يا ماما
نغم : يزعل كنت ابيك عندي محد في البيت
امي : الا شفت جمال طالع غرفته
شهقت بفزع من سمعت امي تقول جمال هنا وهيا ح تروح ! ناظرتني امي بأستغراب
امي : شفيك كأني قلت مصيبه بسم الله !
حاولت اغيير الموضوع بأبتسامه
_ لا بس مافي وقت كثير لسا بأذاكر وبعدها بروح المستشفى
ناظرتني بحنان معاتبه اللي قلته
امي : يعني ما تبطلين المستشفى!
نغم : ما اقدر يا امي هناك روحي
قربت مني تضمني بحضنها بحنانها اللي يسعدني ويواسيني
امي : انتبهي لنفسك يانظر عيني
نغم : ابشري وانتِ انتبهي لنفسك
ابتسمت وقبلتني وراحت
بعد ساعة ونص من المذاكرة قاطعني صوت جمال وهو نازل من غرفته بهدوء : هيي بنت
فزيت من مكاني بتوتر: نعم؟
جمال بضحكه ساخره : اقعدي شفيك كذا متوترة؟
قعدت بتوتر وقال : أم اسامه وينها؟
نغم : راحت الشغل
جمال : اها تمام، وانتي وش تسوين هنا؟
نغم : ما تشوف كتبي قاعده اذاكر
جمال : طيب ليه قاعده لحالك هنا ولا طلعتي فوق عندي؟
نغم : احب اقعد اذاكر لوحدي
بدا يقرب بأتجاهي وبخوف رجعت لورا وقلت بتوتر و صوت عالي : جمال لا تقرب مني تعبانه من الصبح اذاكر و مو فاضية لك الحين ، قرب وجلس جنبي وقال بصوت استهزاء وصخريه : ويين قربت منك ذا كله عشان جلست جنبك خفي علينا بس!
اخذت كتبي وقمت بنرفزه لغرفتي جلست على سريري فتحت جوالي واتصلت على اخوي فهد
فهد : هلا بحبيبة قلب اخوها
نغم : فهد وينك!؟
فهد : موجود ليه بغيتي شي؟
نغم : ابيك تجي البيت الحين
فهد : ابشري الحين جاي كم عندي نغم انا ؟ بس ليه صوتك كذا متوتر عسى ما شر؟؟
نغم : مافي شيء بس ابي اروح المستشفى مو انت قلت لي لا تروحي لوحدك للمستشفى؟
فهد : تمام ابشري ياعيوني مسافة الطريق وانا عندك ان شاء الله
قفلت باب غرفتي بالمفتاح وتجهزت وجلست على سريري اراجع اللي ذاكرته لحد يجي فهد دق فهد ورديت علطول
فهد : انا قدام البيت يلا اخرجي
نغم : فهد شرايك تدخل البيت مو جوعان او شيء ؟
فهد : لا ما يحتاج بس اخرجي عشان ما اتأخر عليك
نغم : طيب تعال ما حتفارق سيارتك؟
فهد : ليه تبيني ادخل؟ يابنت في شيء قولي؟
ارتبكت في الرد وقلت محاوله اخفي توتري
نغم : لا معليك الحين خارجه
فهد : والله انك غريبه يابنت سلطان
قفلت الجوال ولبست عبايتي ونزلت بهدوء واتجاهي على باب الخروج بفتحه..
جمال : هيي وين رايحه؟
نغم : فهد برا بروح معاه
جمال : طيب ما قلت شيء بس على الاقل قولي لي قبل تخرجين ما يصير كذا!
فهد : تمام اسفه
جمال : يابنت الناس مين قال لكِ اعتذري؟
نغم : جمال انا بروح مع السلامه
فتحت الباب وقفلته بسرعه رحت لسيارة فهد ودخلت وقفلت الباب بقوه
فهد : اوب اوب بشويش على الباب شفيك؟
نغم : ولا شيء امشي
طالع عليا بأستغراب
فهد : جد شفيك غريبه والله؟
ناظرته وعيوني مدمعه محاولة اغير الموضوع
نغم : مدري بطني يعورني امشي بس
قال بابتسامه تشق وجهه
فهد : دقيقه دقيقه الحين انتِ رايحه المستشفى عشانك ولا عشان تزورينها ؟
نغم : عشان ازورها طبعا
تلاشت ابتسامته وكأني خيبت ظنه
فهد : طيب وبطنك؟
نغم : معليك في ذي الامور حرك السياره
فهد : تمام أنتِ تأمري امر
رحنا المستشفى
وصلت الغرفه ووقفت من جملة فهد
فهد : ادخل معاكِ؟
قلت بصدمه
نغم : كيف تدخل معايا من جدك انت؟
قال وهو يضحك : تعجبيني يوم تصدقين
نغم : تصدمني بكلامك كُل مرا شسوي
فهد : والله الود ودي ادخل بس ما تحل لي
نغم : معليك انا اوصل سلامك لها
فهد : وكمان..
نغم : وش؟
فهد : قولي لها تقوم اشتقنا لها
عقدت حاجبي وصغرت عيوني وقلت
نغم : قصدك اشتقت صح؟
ضحك وقال : ما تبطلي تحطين اخوكِ بمواقف زي كذا يعجبك؟
نغم : لا بس لا تخبي مشاعرك تحت مسمى اشتقنا قول اشتقت بين مشاعرك يلا انا بدخل لاتبعد من الغرفه
فهد : يلا روحي انتظرك هنا
دخلت الغرفه وصوت الاجهزه تملي المكان وهيا نايمه في السرير الابيض بهدوء مثل الاميره النائمه كُل مرا اجي الغرفه ادخل بألم اكثر من المرا اللي قبلها وامسك دموعي غصب عني لجل ما تنزل، قعدت في الكرسي اللي جمبها ومسكت يدها اللي موصل فيها المكمل الغذائي واقبلها بكل حب وزعل عليها
نغم : متى ناويه تقومين يالمزيونه؟صح انك كيس نوم بس ما توصل لذا الحد، ما يصير ياديم كثير
تدرين جابني فهد كالعاده ما وحشك؟ يسلم عليك ويقول انه اشتاق لكِ فهد كمان زعلان بس ما يبين زعله
تفتكري ياديم لما كنا نلعب وحنا صغار؟ كان فهد يحب يعاندك لأنك تسوين ردات فعل تضحكه ديم اشتقت لذيك الايام متى تصحين تصنعين لي ذكريات جديده!
تدرين قريت قصيده حلوه تذكرتك فيها بقولها لك يقول الشاعر
"دايم على بالي ولا يوم ناسيك وانت لزيم الروح وأكثر شويه بدرب المعزه أشهد اني مخاويك واخترت شخصك بين كل البريه الرب يعلم بالغلا كثر مغليك ودايم مكانك في الشموخ العليه"
ذي مكانتك في قلبي ومستحيل قصيده توصف حبي لك يالمزيونه بروح تأخرت على فهد ليتني اجلس عندك بس ما اقدر لو ابوي عرف اني جيت المستشفى حيعصب استودعتك الله ياديم
خرجت وشفت فهد جالس في كرسي الانتظار رافع كفينه يدعي ب انسجام وعيونه محمره
نغم : فهد
ناظر فيني ونزل عيونه يمسح دموعه وقال يلا نروح
نغم : يلا
خرجنا من المستشفى..
وصلنا البيت
فهد : موسى
موسى حارس أمن المجمع السكني اللي حنا فيه
موسى : تفضل ياسيد؟
فهد : كيفك عساك بخير؟
موسى : الحمدلله كله ميه ميه
فهد : ياجعله دوم، تقدر توقف السياره في المواقف؟
موسى : اقدر اقدر
ابتسم فهد وعطاه المفتاح نزلت من السياره ودخلت البيت
فهد : نغم نغم استني
نغم : وش؟
فهد : شفيك مسرعه انتظريني
ما رديت عليه ومشيت ووقفني ومسكني بكتفي وقال : الحين لو دخلتي بذا الوجه وابوي كان في البيت تعرفي شنو بيصير صح؟
نغم : مقدر مقدر مو بيدي يافهد
فهد : عارف حاس بشعورك والله بس ما ابي يصير فيك شيء اغصبي نفسك لما تطلعي غرفتك
عضيت على شفايفي محاوله امسك دموعي : تمام
فهد : كفو دي اختي نغم
دخلت وفهد وراي رحت الصاله وشفت ابوي قاعد في الارض والاوراق حولينه ومبين مركز وامي قاعده في الكنب و اللاب توب قدامها
فهد : السلام عليكم
ناظر ابوي ثانيه ورجع يطالع على الأوراق
سلطان : وعليكم السلام ورحمة الله وبركاته
ريم : وعليكم السلام
فهد : وانا اقول ليه البيت منور كذا
ضحك سلطان وقال : بنوركم
فهد : الله ينور عليك ياابوي
سبتهم وطلعت فوق لغرفتي تسدحت على سريري بعد ما فصخت عبايتي وراسي مصدع ومتعوده عليه كل ما ارجع من المستشفى اشوفني بحال مو طبيعي وانا استاهل
غفيت وما صحيت إلا على صوت امي : نغم حبيبتي قومي يا امي
فتحت نص عيوني بإنزعاج من الصداع
نغم : هلا يا امي امري
امي : قومي وقت العشاء جاء
نغم : امي مالي نفس والله
امي : يا بنتي ابوكِ حيعصب!
نغم : ماما انتِ تعرفي له قولي له أيّ عذر
امي : نغم يابنتي مو تحسين لما تروحين عندها يأثر عليك سلباً!
نغم : كم مرا تقولين ذا الشيء لي
امي : طيب انا ما ارضى اشوفك كذا وانا عارفه السبب!
قمت قعدت قدامها وحطيت يدي على خدها : امي مو نعمه انو امها ما حرمتني من اني اشوفها وانا سبب اللي هيا فيه!
امي : كم مرا انا اقول هذا قضاء ربنا وقدره مو بسبتك!
نغم : ايه يا امي قضاء الله ما اعترضت بس السبب مين؟ انا! وانا ما صار لي ولا شيء
حضنتني امي ومسحت على راسي بخوف : بسم الله عليكِ ما كفاكِ اللي صار لك وش عاد تبغي يصير تكفين انتبهي من كلامك ما اقدر ما اقدر اشوف فيك شيء ثاني!
بكيت ماقدرت امسك دموعي وانا في حضن امي مهما كنت قويه قدام امي اصير اضعف خلق الله قعدت بحضن امي تهون على قلبي وقاطعنا جواد لما دق الباب : خالتي هنا؟
امي : ايه ياولدي ادخل
