مراهقه ولكن

المراهقه عباره اطلقت حتى نغطي على اخطائنا ..هل سئلت نفسك لماذا نسامح في فتره المراهقه وبعدها لا كل انسان يغلط وماكو انسان معصوم من الغلط بس اكو انسان حذر وخاصتا الابنيه بهيج فتره حتبدي تتغير تبدي تبلغ وتستحق الزواج اي نعم الزواج في زمن قبل جان هيج عمر يزوجون الابنيه حتى لتنحرف عن الطريق او تسوي شي غلط او.. هوايه اسباب منكدر كلهن نذكرهن

ابطال القصه جميع المجتمع الاب والام والاخ والاخت والصديق والصديقه
كل هاي الاشخاص مسؤلين عنه ع الام بهاي الفتره متترك بينتهه وحدهه حتى الاب والاخ مرات اتحسين اخوج خانكج بتصرفاتهه او ابوج بس عمرج فكرتي ليش طبعا حدكولين من وره سوالفه وعباله كل الناس مثله واني مو مثله اني متربايه ...لحظه منو كلج الي انحرفن عن الطريق ماعدهم اب تعب عليهم منو كلج ماعدها ام ومنو كلج هاي مجانت مثلج هم اخلاق ومتربايه ..فرقهه عنج هي ملكت الي ينصحهه وانتي عندج واتحسي يخنكج وحابسج
نور:بنات شتسون بالعطله
ساره:اني عندي موعد
مريم:وين عزه بعينج
فاطمه:اني هم عندي
نور:بالعافيه عليكم تكدرون اطلعون وحدكم
ساره:ليش انتي متكدرين ادكولين رايحه يم اي وحده بينه واطلعين
نور:ويامن اطلع مثلاا
مريم:عزه بنات عرفتو اميره شصاير بيه هيج
ساره:لج هاي منو كاتلهه
نور:يمه مخربين وجهه
مريم:اخوهه لاكفهه تحجي بالفون ويه واحد
وبالكوه رجعت اداوم
ساره:عزه بعينهه مستحت تحجي بالفون ويه ولد
فاطمه:فاهيه متعرف تخليهم ينامون وتحجي
نور:وانتو شنو فرقكم عنهه ليش تحجون عليهه ترى انتو نفس اسوالفهه بس الله ساتر عليكم ويجي يوم وتنفضحون بطلو النميمه لان اكيد هي جانت مثلكم احسن شي انروح ننصحهه بمكان منحجي عليهه
فاطمه:حتصير سيد برأسي
ساره:ابويه هسه حسدنه على الطلعه
نور:حسدكم صح بس مااريد اصير مثلكم تعرفون ليش عندي اخويه وابويه اخاف منهم وقبل كل شي اخاف من الله

(5)
مريم:عاشؤؤ ولج عشتي
نور:اني رايحه احجي ويه اميره الي تحب تجي ويايه اهلا وسهلا والي متحب الله وياهه
هذا مقطع من الواقع دنعيشه كل يوم وباليوم الف مره نحجي ع شخص واحنه نمشي بنفس خطأ قبل لتحجي ع احد انتبهه لنفسك وخاصتا الابنيه سمعه يمكن انتي مشايفه ممتأكده هي هيج وحجيتي وغيرج سمع وكفت قسمتهه او حتى اذا هي مسويه غلط خليج بحألج علمود العالم يخلوج بحالج ..لان انتي متعرفين شنو بقلبهه وشنو حيصير بيهه دع الخلق للخالق
الي يحب يدخل بيهم ينصحهم يواجهم وينصح بيهم يمكن بنصيحتك او نصيحتج يستفاد بس
مو كدام العالم لا بينج وبينهه او بينه و بس الله يدري بيكم ماكو داعي افضحهه بالجرايد
‏ليت‬ ما ف القلوب يرى
كي ل يسآء فهمنآ ولا نسيء فهم ‫#‏احد‬
النهايه
الكاتبه :ريتا الخفاجي
انستا:Reta757
Wattpad :reremustafa