عمياء احتلت كياني "مكتملة✓"

الـفـصـل الرابـع

#روايـة_عـمـيـاء_احـتـلـت_كـيـانـي
#الـفـصـل_الرابـع
        ________________________________________
عند سليم ومليكة
سليم: انا بحبك❤
مليكة بصدمه:مش فاهمة
سليم:ايه اللي مش فاهمه انا بقولك بحبك
مليكة:ايوه سمعت وبقولك مش فاهمه وليه وازاي اصلا

سليم:ازاي اللي هو انا بحبك مليكة انا تقريبا ليل نهار مش عارف اعمل حاجه غير اني بفكر فيكي انتي وبمجرد ما بنخلص جامعه ونروح ببقي نفسي اليوم اللي بعده يجي بسرعه عشان أشوفك عشان كده كل شويه بفضل اكلمك في التليفون وليه عشان انتي مختلفه عن اي بنت انا قابلتها في حياتي ومن اول ما شفتك وانا مشدود ليكي بطريقه رهيبه

مليكة:سليم انت شاب محترم وطيب واخلاقك كويسه وكلامك ده كله انا مقدراه ومنكرش اني معاك حسيت بحاجه اول مره احسها في حياتي اول مرة احس اني متطمنه كده لحد وحاسه معاه بامان بس انا منفعش ليك
سليم:وايه اللي يخليكي ماتنفعيش ليا مليكة انا عمري ما اتمنيت حاجه قد ما اتمنيت انك تحبيني زي ما حبيتك
مليكة:انت عارف انا منفعلكش ليه عشان انا عمياا وانا كمان عمري ما اتعلقت بحد كده زي ما اتعلقت بيك بس مش هينفع

سليم: ليه
مليكة بحزن: عشان اللي قدامك دي عايشه عشان خاطر اهلها عشان هي املهم الوحيد اللي في الدنيا كلها لكن هي معندهاش امل اصلا في الحياه
سليم:و ليه معندكيش امل
مليكة:انت عارف انا حصلي كده ازاي وامتي

سليم:امتي وازاي

مليكة: احنا عملنا حادثه زمان وانا كان عندي سنتين وكان يوم عيد ميلادي العربيه اتقلبت بينا والازاز دخل في عيني ومن ساعتها وانا علي الحال ده والدكتور بيقول ان انا افتح تاني ده شئ نسبته ضعيفه زي العمليه بظبط اللي برضو نسبتها ضعيفه يعني انا هكمل حياتي كده وانا مرضاش ليك كده عن اذنك

وقامت عشان تمشي لكن سليم مسك ايديها
سليم بحزن وحنيه:انا اسف اني فكرتك بالماضي بس انا مش فارقلي كل ده انا قلبي اختارك انتي من بين البنات اللي في الدنيا كلها عشان خاطري اديني فرصه
مليكة:طب انت ليه حبتني انا بالاخص ما الجامعه والدنيا كلها مليانه بنات احلي مني وحالهم احسن مني اشمعنا انا
سليم: عشان انتي مختلفه عن كل دول قلبك اصفي من اي بنت انا عرفتها في حياتي واخلاقك وحاجات تاني كتير مليكة انتي احلي والطف وارق بنت انا قابلتها في حياتي كلها انا بحبك❤
مليكة:وانا كمان والله ❤بس انت هتتعذب معايا
سليم: انا راضي يا ستي استحمل عشان خاطرك اي حاجه
مليكه اتكسفت وسكتت
سليم:طب يلا عشان اروحك عشان احنا اتأخرنا
مليكة: يلا بينا

وبعدين طارق جه
طارق بهزار: ايه يا عم ما انت بتيجي الجامعه اهو اومال في اي
سليم:اه باجي عادي يابني في ايه
طارق: لا اصل انا مش بشوفك وبقالك كتير مش بتكلمني فا ماصدقت شوفتك
سليم: معلش والله بيروح عن بالي اه نسيت اعرفك دي مليكة
طارق:اهلا وسهلا بيكي انا طارق صاحب سليم
فا سليم مسك ايديها وخلاها تسلم علي طارق
مليكة: اتشرفت بمعرفتك
طارق:انا اللي اتشرفت بمعرفتك والله
سليم:ما تيجي تروح معانا ولا قاعد شويه
طلرق:لا مش قاعد استني هجيب التليفون من صاحبي وجاي
سليم: طب انا هستناك بره يلا يا مليكة
مليكة: ماشي يلا

اما عند سميه كانت واقفه من بعيد وباصه عليهم وسمعت كل حاجه
سميه بغل وغيظ:ماشي يا سليم بقا انت تسيبني انا وتحب البنت العمياا دي فيها ايه اكتر مني عشان تحبني
ومسكت تليفونها واتصلت بشخص
سميه:انا عاوزه اقابلك دلوقتي حالا
شخص:ماشي تعالي
            __________________________________
اما عند سميرة(والدة مليكه)
كانت عماله ترن علي مليكة ولكن تليفونها مقفول وبعد كده كلمت باباها
سميرة بعياط:ايوه يا رفعت
رفعت بقلق:في ايه يا سميرة مالك بتعيطي ليه
سميرة:بنتك مليكة عماله اكلمها بقالي ساعه وتليفونها مقفول انا قلقانه عليها اووي
رفعت بقلق اكتر:هتكون راحت فين تلاقيها بس اتأخرت شويه في الجامعه
سميرة:لا مش متعوده تتاخر عن الساعه3
رفعت:طب اهدي دلوقتي وشويه لو مجتش انا هبعت حد يسأل في الجامعه
سميرة:ماشي سلام ياترا انتي فين يا مليكة

عند مليكة وسليم في العربيه
طارق:والجميل بقي معانا في نفس الكليه
مليكة:اه وانت
طارق:اه هو انتي حصل....
سليم قاطعه:يلا يا طارق وصلنا
طارق:اه ماشي سلام
سليم ومليكة:سلام

وبعدين وصلوا عند بيت مليكة
فا سليم لسه هيقولها وصلنا لقاها بتعيط
سليم:مالك بس
مليكة بعياط:خايفه يا سليم
سليم:من ايه بس
مليكة:خايفه تزهق مني وتسيبني وانا قلبي مش هيتحمل فراقك ابداا
سليم:يااه للدرجادي بتحبيني اومال ليه كنتي مخبيه كل ده

مليكة:اه للدرجادي انا حسيت معاك بحاجات كتير حلوة اول مره  احسها في حياتي وعوضتني عن حاجات كتير ناقصه في حياتي وبحبك من بدري يمكن من اول مره اتقابلنا كمان بس مكنتش عاوزة اتعلق بيك اكتر من كده الا لما اتأكد من حبك ليا

سليم وهو بيمسك ايدها:وانا بحبك اكتر مما تتخيلي ومقدرش استغني عنك ابدا ورغم اننا بقالنا مده مش كبيرة اوي مع بعض بس انا فعلا مبقتش اقدر اعدي يوم الا لما اشوفك ولا الا لما اسمع صوتك انا بحبك اوي يا مليكة❤
ومسك ايدها التانيه بايده

وبعدين.......

يتبع
         _________________________________________
رأيكم يهمني بجد♥🙈