عمياء احتلت كياني "مكتملة✓"

الـفـصـل الـسـادس

#روايـة_عـمـيـاء_احـتـلـت_كـيـانـي
#الـفـصـل_الـسـادس
         ______________________________________
في الشركة عند رفعت الألفي
الباب كان بيخبط
رفعت:اتفضل ادخل
السكرتيرة:في واحد برا عاوز يقابل حضرتك
رفعت:مين
السكرتيرة: مش عارفه مقالش اسمه
رفعت:طب دخليه
السكرتيرة:تحت امرك يافندم
وبعدين دخل الشخص ده وهو سليم
وسلم علي رفعت
رفعت: اهلا وسهلا بيك نورتني
سليم:ده بنورك يا استاذ رفعت
رفعت: اتفضل
سليم:شكرا
رفعت:ما اتشرفتش بحضرتك
سليم: انا سليم الصاوي زميل مليكة في الجامعه
رفعت بقلق:خير في ايه مليكة بنتي جرالها حاجه قولي يابني
سليم وهو بيحاول يهديه:لا حضرتك اهدي بس مليكة كويسه مفيهاش اي حاجه
رفعت: طب الحمدلله اومال في ايه يابني قلقتني
سليم:بصراحه انا عاوز اتكلم مع حضرتك في حاجه بخصوصي انا ومليكة
رفعت باستغراب: بخصوصك انت ومليكة ازاي يعني
سليم:هو حضرتك انا عارف ان المكان مش مناسب فا كنت عاوز اخد من حضرتك معاد اجي فيه البيت واتكلم معاك
رفعت: اكيد تنورني في اي وقت
سليم: يناسب حضرتك الاسبوع الجاي يوم الجمعه الساعه 7
رفعت: يناسبني جدااا
وبعدين سليم قام وقاله:تمام حضرتك علي معادنا استأذن انا
وقام رفعت هو كمان: طب استني شويه انت مشربتش حاجه
سليم: لا مفيش داعي خالص والله انا لازم امشي عشان حضرتك عارف الامتحانات قربت والمذاكرة كتير
رفعت: طيب نورتني يا بني
سليم: شكرا جداا مع السلامه
رفعت: مع السلامه
وبعدين سليم خرج ورفعت فضل واقف مكانه شويه وبعدين قال في نفسه:غريبه اووي انا قلبي اتفتح للولد ده من غير ما اعرفه او اعرف هو عايز ايه

اما سليم وهو خارج من المكتب عند رفعت ايهاب شافه بس عدي من جمبه عادي لان سليم ميعرفهوش ولا شافه قبل كده وقبل ما يدخل لعمه المكتب فكر في نفسه وقال: يا تري كان جوه عند عمي عاوز منه ايه او بيتكلم معاه في ايه انا مش هوري عمي الصور خالص الا لما اعرف كان عايزه ف ايه
وبعد كده استأذن من السكرتيرة ودخل المكتب ل رفعت
            _________________________________
اما عند سليم خرج من الشركة وركب عربيته ومسك التليفون ورن علي مليكة
سليم: الو يا عسل
مليكة وهي صوتها نعسان شويه:الوو ايه ياسليم في حاجه ولا اي
سليم:ايه ده انا صحيتك من النوم ولا ايه
مليكة:لا عادي انا اصلا كنت بحاول انام ومش عارفه
سليم بهزار:ليه كنتي بتفكري فيا ولا ايه مهم انا اوووي كده
مليكة وهي بتعمل نفسها بتضحك:لا ظريف اووووي لا يا خفيف انا بفكر في الامتحانات اللي عندنا كمان اسبوعين
سليم: ايه الاحراج ده ليه بتفكريني بس انتي الخسرانه بقي كان عندي ليكي خبر اهم من الامتحانات كلها اصلا بس مفيش نصيب بقي خلاص
مليكة:خلاص يا سليم ونبي قول
سليم:تدفعي كام
مليكة:انجز بقي
سليم: انا كنت عند باباكي في الشركه ولسه ماشي من عنده
مليكة بصدمه: ايه وانت روحتله ليه اصلا سليم احنا اتفقنا ماتقابلش بابا لاي سبب دلوقتي
سليم: بعد ايه بقي اللي حصل حصل
مليكة:هو ايه اللي حصل حصل ما تفهمني
سليم:كنت ناوي اذلك شويه بس خلاص هقولك عشان توترك ده انا طلبت اقابل باباكي الاسبوع الجاي يوم الجمعه عشان اكلمه في اللي وعدتك بيه
مليكة بصدمه وفرحه وخوف:بجد يا سليم بس انت وعدتني انه يبقي بعد ما نعدي السنادي وتشتغل ليه عملت كده دلوقتي
سليم: لا انا وعدتك اني مش هاخد خطوة رسميه زي خطوبه او جواز الا بعد ما السنادي تعدي والاقي شغل كويس لانك.عارفه اني استحاله اشتغل مع بابا في شركته
مليكة كانت حاسه انها هتموت من الفرحه بس خايفه في نفس الوقت
سليم: مليكة انتي روحتي فين الو
مليكة:اه معاك
سليم: طب تعالي نتقابل بكره عاوز اكلمك في حاجات كتير اوي
مليكة: طب والجامعه
سليم: نبقي نحضر محاضرتين كده او حاجه وبعدين نخرج ونتكلم
مليكة: تمام باي
سليم:باي
وقفلوا الخط والاتنين كانوا في قمه سعادتهم بس مليكة طبعا قلقانه جدااا وهنعرف السبب بعدين
         _______________________________________
وفي الشركة عند رفعت
رفعت:اهلا يا ايهاب عامل ايه
ايهاب:بخير الحمدلله يا عمي انت اي اخبارك
رفعت:بخير الحمدلله يا بني ايه خير في حاجه ولا اي
ايهاب:لا يا عمي مفيش حاجه اه صحيح اومال مين اللي كان خارج من المكتب عند حضرتك ده عميل ولا اي
رفعت:لا ده زميل مليكة في الجامعه كان جاي عايز يتكلم معايا في حاجه بخصوصه هو و مليكة واخد مني ميعاد شكله كده عاوز يطلب ايدها
ايهاب بصدمه:ايه يطلب ايد مليكة ده ازاي يعني وليه ويحبها عشان ايه
رفعت هبد ع المكتب وقاله بعصبيه حاده جداا:يعني ايه ازاي وليه ايهاب انا بنتي مليكة احسن بنت في الدنيا كلها واتفضل اطلع بره ومتورنيش وشك هنا تاني وانا بحذرك تقربلها تاني عشان انا الظاهر اني كنت غلطان اني مصدقتش مليكة واللي كانت بتحكيهولي انك بتعمله معاها
ايهاب بخوف:هي قالت لحضرتك ايه بظبط

فلاش باك
لما كان ايهاب بيزورهم في البيت اخر مرة
بعد ما مليكة اتعصبت علي ايهاب ودخلت الاوضه بتاعتها وايهاب مشي باباها دخل الاوضه وراها لقاها بتعيط
رفعت راح قعد جمبها وخدها في حضنه

رفعت: مالك بس يا حبيبه قلبي اهدي كده وقوليلي مالك
مليكة بعيط:انا بكره ايهاب ده اوووي يا بابا
رفعت:ليه بس يا حبيبتي ماله عملك ايه ده خايف عليكي
مليكة بعصبيه:كدب كله كدب بيعمل كده عشان يقرب مني باسلوبه اللي مش محترم ده
رفعت بصدمه:بطريقه مش محترمه ازاي يعني فهميني يا بنتي انا مش فاهم حاجه
مليكة وهي بتمسح عينيها:انا لما كنت في الاسانسير انهارده ايهاب كان موجود معايا وحط ايده بطريقه مش لطيفه علي كتفي ومن شهرين برضو عمل نفس الموقف لما كان جاي يزورنا لما ماما كانت تعبانه عمل معايا كذا حركة مش لطيفه برضو ومش راضيه اتكلم
رفعت:ده نهاره اسود والله العظيم لاوريه بس انتي متأكده انه عمل كده بقصد
مليكة:وانا هكدب ليه يعني يا بابا انا بقول استني لحد ما تتأكد برضو
رفعت باس راسها:حقك عليا يا حبيبتي انا هستني لما اتأكد وساعتها مش هسكت له
باك

رفعت بعصبيه:يلا اتفضل مع السلامه ومش عاوز اشوف وشك هنا تاني ولا في البيت ولا حتي تفكر تقرب لمليكة هعرف وساعتها مش هسمي عليك اتفضل
ايهاب ضحك:ماشي يا عمي مع السلامة
وخرج ايهاب ومشي وقرر قرار هنعرفه بعدين
        ________________________________________
اما عند سارة
كانت ماسكه تليفونها وعاوزة تكلم مليكة ومتردده بس اخدت نفس عميق وقررت انها هتكلمها بس اكتشفت ان مليكة عملت ليها بلوك ف قالت: لا مفيش حل تاني غير اني اقوم البس واروحلها وفعلا قامت ولبست ونزلت عشان تروح لمليكة

اما عند سمية
اول ما رجعت البيت لقت باباها ومامتها قاعدين
سمية بفرحه:ايه ده كويس انكم انتو الاتنين موجودين سوا عندي خبر ليكم هيفرحكم اوووي
والد سمية:خير يا بنتي
والدة سمية:خير يا حبيبتي
سمية: انا انهارده كنت عند اونكل يوسف بابا سليم وكنا بنتكلم عادي وفي وسط الكلام قالي انه متضايق من اسلوب سليم معايا وانه ازاي يعاملني بالاسلوب ده واحنا قربنا نتخطب
والدها بفرحه:ده بجد احلي خبر سمعته انهارده
والدتها:طب كويس كده انا هحاول بقي الفترة الجايه احسن علاقتي بيهم وخصوصا مامته لاحسن انا كنت بايخه معاهم اوووي
سمية: صح يا مامي انا هطلع ارتاح شويه بقي
والدها ووالدتها: ماشي يا حبيبتي
       ___________________________________________
اما عند مليكة
الباب كان بيخبط ومليكة كانت لوحدها عشان مامتها نزلت تشتري طلبات من السوبر ماركت
مليكة قامت من علي السرير ومسكت العصايه وراحت في اتجاه الباب
مليكة بخوف بسيط:مين
وسمعت صوت سارة وهي بتقولها: انا يا مليكة عاوزة اتكلم معاكي افتحي
مليكة:طيب  وفتحت الباب
سارة حضنتها وهي بتعيط:وحشتيني اوووي يا صاحبتي وحشتيني اووي يا غالية
مليكة هي كمان حضنتها:وانتي كمان والله
سارة:انا اسفه بالله عليكي ما تزعلي مني
مليكة:طب تعالي بس ندخل نتكلم جوه احسن
ولسه هتقفل الباب مامتها جت
سميرة:ايه ده ساره انتي بتعملي ايه هنا بعد اللي عملتيه مع بنتي
سارة:طب ممكن ادخل وانا هفهمكم كل حاجه
سميرة:اتفضلي
وسارة مسكت ايد مليكة وسميرة وراهم ودخلوا الصالون

اما عند سليم دخل البيت ولقي باباه قاعد مستنيه
وبعدين......

يتبع......
         _______________________________________
هستني تفاعلكم ورأيكم في الفصل واسفة علي التأخير🙈❤