مهمة وطنية جلبت عاشق

مناقشة🦋

السلام عليكم ورحمة الله وبركاته

يمكن تكون النهاية محبهاش البعض بس أنا لو كنت ختمت بطريقة غير دي كنت هحس أني غشيتكم بصراحه 😂
خليني أقول وجهة نظري من نهاية كل شخص وهنخلي مالك في الأخر

جوليا طبعا مكانش للدولة حق في محاكمتها فأتحولت للمحاكمة العسكرية في بلدها وده عشان الجنسية طبعا
أما بالنسبة لعامر فأنتقام ربنا كان أعظم ومكانش من المنطقي أن فهد يأذيه لأنه ع الرغم من أنه مش أبوه الا أنه بردو هو اللي مربية وأظن ان حكم الأعدام كان أكثر من كافي

بالنسبة لنهاية جهاد الأبنودي «والدة نور وهدى»

فأظن إن دي نهاية كل ست خاينة وللعلم جهاد مخانتش جوزها بس لا دي خانت جوزها وبناتها وقبل ده كله دينها لما قبلت انه تعيش في حرام وتكتب أبنها بأسم راجل غير أبوه فكان جزاءها أنها تموت ع أيد اللي خانت كل دول بسببه

أما عدلي «عم عمر» بقى فمظنش أن ده يستاهل أعدام لا ده يعيش ويتعذب وهو شايف نفسه وحيد ذليل وعياله وعزوته بيكبروا بعيد عنه، ده الاعدام حي بحد زاته

أما العوض فأظن إن الكل اتعوض بخير بعد حرمان طويل واحلى عوض كانت اللمة، وإنك تحس إنك وسط ناس بيحبوك وبيخافوا عليك ده أهم بكتير من أي حاجة تانية

نيجي بقى لنقطة الخلاف «مالك»
وليه مات مالك
خلونا نتكلم بصراحة ومن غير نفاق ماشي؟
لو حد قرأ وصف الرواية فكان أي؟

(هي انثي ولكن ليست مثل كل انثي هي انثي تفرغت فقط للأخذ بثأرها لتصبح دائما نجمة عالية، وهو رجل ولكنه كا كل رجل لا يقبل ان يكون في المرتبه الثانيه)

وهنا نقطة الحوار
مالك كان هيتنازل عن غرورة ويتقبل أن منة الله تبقى أعلى منه دايما؟ لا
منة الله كانت هتتنازل عن كل اللي وصلتله لمجرد ارضاء غرور مالك؟ برضو لا

محدش فيهم كان هيتنازل وهنا حياتهم كانت هتتحول لجحيم مالك ومنة اختاروا بعض بقلوبهم ومش دايما أختيار القلوب صح

تعالوا نتكلم بقى عن اللي اترتب عن موته

هل منة كانت هتوصل للحد ده من الرضا النفسي والتقرب من ربنا
هل الاولاد كانوا هيتربوا التربية دي
هل النهاية هتكون فعلا خير

وبصفتي الكاتبة وأكتر حد عارف شخصية أبطالي أحب أقولكم لا
منة مكانتش هتعقل ولا هتقرب من ربنا في وجود مالك لأن البشر من النوع اللي مبيفوقش غير بعد صدمة كبيرة اوي في حياته
طب هي منة كانت بعيدة عن ربنا فأي؟
لبسها الضيق والقصير احيانا، بعدها عن الصلاة، شعرها المكشوف

الاولاد كانوا هيكونوا تحت ضغط نفسي وعصبي بسبب خلافات اهلهم الكتير فمش بعيد يهربوا بده عن طريق إدمان اي نوع من المخدرات وبكده تبقى حياة اسرة كاملة ادمرت

طب أنا ليه ك كاتبة مخلتش حد فيهم يتنازل ويبقى عاشوا في تبات ونبات وخلفوا صبيان وبنات
وطبعا اللي هتتنازل البنت ما هو مش معقول هو هيقعد في البيت ويسيبها تشتغل مثلا يبقى أنا بضحك على نفسي لأن شخصية منة وأنا بكتبها وبوصفها مكانتش الحد اللي يتنازل حتى لو ع حساب حياته فأظن ان دي اكتر نهاية مرضية بالنسبالي ♥

ولو وصلتم لهنا أحب أشكركم ع وجودكم في حياتي والى اللقاء في مغامرة اخرى🦋♥

هايدي ثابت العوام🦋