ရင်ခုန်သံပုစိကွေး ( S-2 )
Chapter 13 🐣
အဖေဖြစ်သူရဲ့ဖုန်းဆက်သတိပေးချက်အရ Jungkook အလုပ်အဆင်မပြေဖြစ်ခဲ့ကြောင်း Jimin သိထားပြီးဖြစ်သည်။
ညကကိစ္စနဲ့ဆက်စပ်ပြီးပြန်တွေးကြည့်တော့လည်း သူ့ကြောင့်ဆိုတာသိသာ၏။
ကျောင်းလာကြိုပြီးအိမ်ပြန်တဲ့လမ်းတလျှောက်လုံးလည်း Jungkook ကမျက်နှာမကောင်း။ ထုတ်မပြောတတ်တဲ့သူမို့သာမသိကြပေမဲ့ အဆင်မပြေတာရှိလာပြီဆို မျက်နှာကအရမ်းသိသာတာမို့ Jimin လည်းငြိမ်ငြိမ်လေးနေပေး၏။
အိမ်ရောက်တော့ ...
"အဒေါ်ကြီး ရေတစ်ခွက်လောက်ပေးပါ"
အပေါက်ဝကနေဆီးလို့ ရေတစ်ခွက်တောင်း၏၊
ထို့နောက် ...
"ကိုကို .."
ဆိုပြီး ထိုရေခွက်ကိုကမ်းပေးသည်။
တစ်ခါဖူးမှမမြင်ဖူးတဲ့ဒီအပြုအမူတွေက Jungkook အတွက်တော့တွေးတောစရာ။
"ဘာလို့လဲ?"
"ဟင် ဘာကိုလဲ?"
"ကိုကို့ကိုရေတွေဘာတွေတိုက်နေလို့လေ။ ဘာလို့လဲ လို့?"
"ကိုကိုကလည်း ကိုကိုပင်ပန်းနေတယ်ထင်လို့ရေတိုက်တာလေ။ ဘာလို့လဲ ဆိုတာကဘာကြီးလဲ?"
ငြူစူစူနှုတ်ခမ်းလေးကိုမြင်တော့ Jungkook လေဖျော့ဖျော့မှုတ်ထုတ်မိသည်။ ထပ်ပြီး ဘယ်လိုကိစ္စကိုမှမဖန်တီးချင်တော့တာမို့ ဆိုဖာပေါ်သာမှီချလိုက်တော့၏။ အပေါ်အင်္ကျီကိုချွတ်ပြီး မျက်လုံးလေးစင်းလို့ နဖူးပေါ်လည်းလက်တင်ထားသေး၏။
ထိုပုံစံကသူနဲ့မရင်းနှီးတာမို့ Jimin တကယ်ပဲမနေတတ်။ ဘယ်လိုအခြေအနေမျိုးပဲဖြစ်ဖြစ် Jungkook ကသူနဲ့အလိုက်သင့်နေပေးနေကျ၊ စိတ်ညစ်စရာဆိုတာရှိလာရင်တောင် သူ့ကိုတော့အရေးပေးတတ်တဲ့ထိုအမျိုးသား ။
"ပုစိကွေးလေး"
"ဗျာ?"
အဒေါ်ကြီးက လက်ယှက်ခေါ်တာမို့အနားကိုသွားလိုက်ပြီး ...
"ဘာဖြစ်လို့လဲ အဒေါ်ကြီး"
"သားလေးရဲ့ကိုကိုက ဘာဖြစ်နေတာလဲ?" အဒေါ်ကြီး သူ့ကိုဒီလိုပုံစံမျိုးတစ်ခါမှမတွေ့ဖူးပါဘူး"
YOU ARE READING
ရင်ခုန်သံပုစိကွေး ( S-2 ) (Z+U)
FanfictionJeon Jungkook ~ "ပုစိကွေး!" Park Jimin ~ "ဟုတ်ကဲ့ ကိုကို" ***** Jeon Jungkook ~ "ပုစိေကြး!" Park Jimin ~ "ဟုတ္ကဲ့ ကိုကို"
