أسيره قصر أبي

part 34

اللهم صل على محمد وآل محمد

تصويت +متابعه +تعليق بين الفقرات

#زهراء علي

#أسيره قصر أبي

عشت مرسال يم عميان
محد يعرف شبيه
والساعي الخذاني بعيد
اخرس ماقرة البيه

.....

-بكيفج محد يجبرج بس هو اخوي

وسكت ماكملت جنت كلش قافله راحو زعلانين ثاني يوم رحنا للجامعة مشت اول محاضرتين جنت واكفه اسولف وي هيل جان تجي بنيه مااعرفه كالت

-اخوج باب الكليه

-منو

-علي اخوج

-تمام شكرا

مشيت مستغربه شيريد جاي وليش مدخل طلعت بالباب عاينت ماكو انتبهت على الواكف يم السيارة هشيم شكو خليت ودرت وجهي اريد ارجع صاح عليه

-ممكن لحضه

-نعم

-تعاي مراح اكلج

-اسفه مااكدر اوكف وياك لتروح تطلع حجايه عليه

-لاتخافين مراح تطلع

-تفضل شرايد

-هيج نسولف

-ممكن تختصر

-زين اصعدي بالسياره نسولف بيه

-عفوا اصعد بالسياره

اعاين بده يتنفرز ويضوج

-ست سدرة والله مراح اخذ من وقتج

-هسه شنو تريد

-بس اصعدي بالسياره

كلت خل اصعد يغني شنو يريد يسوي فتحت الباب وصعدت بس طبكت الباب طبكه صاح

-شبيج بايكه والله لو ما ابوج خير اله انعله

-موو جنك ماخذ ميانه زايده شويه

-جااا هيج تركيعن الباب

-يله تفضل شرايد

-انتي ليش هيج سلوبج

-شبيه اسلوبي عفيه بسرعه احجي اريد اروح

-ليش متوافقين عليه

-بكيفي

-ميعجبج شي بيه

-شوف حتى اكون صريحه وياك ايي عيب مابيك كامل والكمال لله بس اني فكرة الزواج لاغيته من بالي اتمنى تفهمي انت الف وحده تتمناك

-اني ما اريد آلاف اريدج

-شنو العاجبك بيه

-كلج على بعضج عاجبتني عيونج مشيتج ضحكتج هدوءج رزانتج

-وانت شوكت لحكت تنتبه لكل هل تفاصيل

-من اول يوم شفتج بيه همت بيج وضليت اعاين عليج وحبيتج وانتي اول حب بحياتي