السلام عليكم
1993
..
لازم كتابي وكاعد على الرصيف اقرأ وولد وبنات خالتي وعماتي كله ملتمه وصريخهم وصياحهم واصل لآخر الشارع هسه غير يسكتون علمود
أقره يعني تدخل جوه بالبيت النسوان مالياته تطلع بالشارع متروس جهال وين اروح يارربي......
صحت عليهم اريدهم يسكتون بس هم نهزو ابد كمت مبتعد عنهم اجا بالي اروح للبيت ماجد ابن خالتي ابتسمت واني أتذكر شلون الواحد إذا دخل بيتهم يشعر براحه نفسيه....
من الهدوء ومن الوجوه البشوشه
الموجوده بيه من ماجد ومن مرته دخلت على امي للغرفه ......
_يممه وينج؟؟
_هاا حبيبي
_رايح للبيت ماجد
_شتسوي؟؟
_رايح اقره عدهم
_خوش روح لاتتاخر
لبست قمصلتي ورحت الهم مسافه قليله بينهم وبينه وصلت لبابهم ودكيته اجاني صوت مره ماجد غصن البان
اسمه
_منوو
_اني خاله
فتحت الباب وشافتني بابتسامته المعهوده كلتيلي
_ذياب هلاا يمه
_هلأ بيج خاله شلونج
عاينت على الكتب البيدي وبتسمت عرفت جاي اقره عدهم لان إني دائما اجي عدهم اقره
_الحمدالله تعال تفضل
دخلت و كعدنه اني كامت جابت مي بدينه نقرهه جانت تشرحلي وتلخصي لان هيه خريجة بس معرف ليش متقبل تتعين اني هنا عمري 13
وهيه 25سالته ليش مجيتي لبيتنه كله مجتمعه عدنه جان رده ......
_شيجيبني يمه بعدين اجي يو انوكل بكشوري من وره خالاتك ليش محبلتي ليش
متراجعين يحجن وعدالك الموضوع بيدي واني الي ماراضيه يصير عندي جهال
تحجي وصوته يبين شكد متاذيه هيه خطيه صار
8سنوات بدون اطفال طبعآ
السبب من عده وهو مقتنع ولو
تكطعونه ميقبل يتزوج عليه يكول هاي قسمتي بعد
يمته مايلتفت الله عليه ويرزقني
احمده واشكره......
_خاله لاتايسين من رحمه الله يكول
لشي كن فيكون
_ونعم بالله العلي العظيم يله نطيني اكمل تلخيص
نطيته الكتاب ولخصتلي كملت وطلعت من عدهم رجعت للبيت بعدني بدايه الشارع وجان اشوف كلف أبن خالتي يكتل بجيهان اختي ركضت عليه متخبل شلون يمد ايده عليه......
دفعته حيل من عدهه طاح و اجت ايده على الرصيف صار يصرخ ويبجي
_ايديي اخخخخ ماماااا
_يطبك مرض يالكلك تمد ايدك عليه والله اموتك افتتهمت
مايحجي شي بس يصرخ ويبجي طلعت امه شافته وصارت تلطم وهو مثل الحرمه يبجي
طلعوو على صوته الكل
ومن ضمنهم ابوي
شبعني رزايل اخذوه للمستشفى وطلع عنده كسر بالمعصم مال إيده
حصلت كتله من هاي الزينات من ابوي اني مجان نيتي اكسرهه بس صارت بعد
رحت نمت بدون ماهتم لأي أحد......
فزيت على صوت امي وهيه دكول
_يله وليدي تاخرت على مدرستك
كمت بسرعه غسلت وجهي وفرشت اسناني وبدلت ورحت على امي لكيته تصب جاي
_صباح الخير
_صباح العافيه حبيبي
كعدت اتريك والنعسه بعيوني حجيت منزعج
_انتي ليش ماتخليني ابطل
هسه اني شنوو محصل بس شلاع الكلب
خزرتني
_اني كم مره كلت موضوع البطل لتجيبه قطنه واشلعه من اذنك انو تبطل
ضحكت حيل وكتله
_تدرين تصيرين حلوه من تعصبين
كملت ريوك وكمت لبست حذاءي
طلعت امشي والنعسه بعيوني صرت قريب على مدرستي اكو حاويه ازباله
كلش جبيرة يم مدرستنه لفت انتباهي ....
اشوو الزباله تتحرك شنو السالفه
كلت أكيد بزونه او جريدي بدون وعي
حركت
الكارتونات والزبل شفت
لحاف ابيض ومبين اكو شي بطنه......
دنكت اشوف شلت الحاف ونصدمت
وكف شعر راسي من شفت
طفل مدري طفله
يالهي دخيلك رفعت راسي اعاين اشوف خاف احد شافني معرف شنو اسوي......
واخير خليت وشلت الطفل وخليته
على كلبي وطكيته ركضه لأمي والجنطه
بضهري نفسي نكطع
واني أركض وصلت للبيتنه وصرت ادك بالباب برجلي حيل ......
نفتح الباب وطلعت امي من شافتني استغربت وزاد استغرابه من شافت البيدي دخلت الهث بالكوه اجر النفس .....
_ولك ذياب شنوو هاي
_مادري لكيت هاذا الطفل بالشارع
شهكت امي واجت اخذته من ايدي صارت تفرفش بالحضينه وبالطفل اكتشفت انو جنسه بنت وملكينه غير ورقه مكتوب بيه.......
2023/2/6
أنت تقرأ
أسيره قصر أبي
Fiksi Ilmiahعندما كانت كل الأمهات تنتضر ان يخرج من كان يعيش على نبضة كانت هنالك من تتمنى أن تموت قبل أن تخرج لدنيا وترى نورة أيعقل أن هنالك شخص بهاذا القساوة عندما خرجت تلك الطفله للحياة وستنشقت بعض الأنفاس قررت رميها ليس بغضن به وإنما بغضن بابيها رمته دو...
