احببت بنت عمي

البارت الواحد والعشرون

احببت بنت عمي

Part 21

كانت ميرا وقفت ف اخر الأوضه وهيا كانت مش عارفه تعمل اي ف المصيبه دي ومره واحده وقعت من طولها
جري سعد ومحمد عليها ومحمد شالها وبدأء يفوق فيها
حياة:- انا مش هسكت يا جدي علي المهزله دي دي سرقت جوزي مني وكان ف حضنها انا شوفتهم
زين:- مسكها من اديها جامد وقال بعصبية وزعيق انتي وحده متربتيش ازاي يعني كنت ف حضنها انتي مجنونه
حياة:- لا انا متربيه اووي كمان مش زي ميرا أطلقت وياعلم اي السبب وجايه تلف عليك
سعد:- متشكرين يا بنتي وبص علي ميرا وقال لمي هدومك ونزلي
ميرا:- بعياط ومش عارفه تاخد نفسها ... ح.حاضر
جمال:- استنا بس يا سعد تلم اي وانت يا زين شوف مراتك وطلعوا كلهم من الاوضه
ميرا:- انا تعبت بقاا كل شويا يحصل معايا حاجه اهه يارب خدني عندك انا مش متحمله كل ده وفضلت تعيط ومنهاره
شد زين ايد حياة واخدها علي اوضتهم
حياة:- سيب ايدي يا زين اوعا كدا
زين:- انتي اي ها ليه عملتي كدا
حياة:- المفروض اني ادخل ولاقي جوزي ف حضن واحده وعادي
زين:- حياة انتي كنتي واقفه بتسمعي كل حاجه من بره صح
حياة بارتباك:- لا طبعا وانا هقف ليه
زين بخبث:- بس انا كنت بقولها قد اي احنا بنحب بعض
حياة بتسرع:- لا انت قولتها علي حياتنا وان احنا مش بنحب بعض انا سمعتكم
زين:- اومال اي مش كنتي واقفه
حياة:- انا غصب عني سمعتكم
زين بعصبية:- بصي يا حياة انا مش عايز اشوف منك غلطه واحده علشان صدقيني هطلقك فيها
حياة:- زين انا مش متحمله وجودها ف البيت انا مش بحبها ومش عايزها قريبه منك
زين:- ومن امتا انتي بتحبي حد انتي طول عمرك مش بتحبي غير نفسك والفلوس وبس امتا حبيتي حد ولا حبتيني انا كمان
حياة:- ايوه انا مش بحبكم ولا بحب حد انا بحب الفلوس وبس فاهم وسبتوا ومشيت وهيا ناويه علي حاجه لميرا
******************.
ف المستشفى كانت هاجر ف اوضه العمليات
الدكتور خرج
الدكتور:- فين جوزها
سيف:- انا جوزها خير هيا عندها اي
الدكتور:- للاسف هيا كانت حامل بس حصل لها نز،يف وكمان عندها المراره انفجرت علشان كدا سبب لها تسمم الحمل وحالتها دلوقتي ف خطر الحنين نزل بس احنا محتاجين د.م بس مفيش ف المستشفى غير كيس واحد ومش هيكفي ف عايز عشر اكياس
سيف:- بص علي سليم وزينه بصدمه
زينه بعياط:- طب هيا دلوقتي فاقت انا عايزه اشوفها أرجوك
الدكتور:- لا هيا لسه تحت تأثير البنج مش هتفوق دلوقتي وحالتها مش مستقره
زينه:- بتعيط طب طب ارجوك عايزه اشوفها والنبي وبصت علي سليم وقالت سليم انا عايزه اشوفها والنبي هموت مش قادره عايزه اطمن عليها
سليم:- اهدي بس
الدكتور:- ف اسرع وقت الد.م يكون موجود أقل من 20 ساعه لأن زي م قولتلكم حالتها ف خطر عن اذنكم ومشي
سيف:- كان ف دوامه مش عارف اي الي حصل ده وافتكر لما هاجر جت وقالت إنها تعبانه سليم طب احنا دلوقتي هنجيب الد.م منين
سليم:- مش عارفه بس هكلم عم عماد يجي يمكن يعرف يتصرف
**********************
جمال:- حقك عليا يا سعد دي بنت قليله الاداب وانا عارف زين كويس عمره م يعمل كدا
سعد:- ولا يهمك بس برضو ميرا محترمه ومش بتحب غير شهاب بس هيا تعبانه الفتره دي أحنا هنمشي ونرجع اسكندريه
جمال:- والله لو مشيت لهقطعك خالص ولا عاد ف بينا سلام ولا كلام امشي يا سعد
سعد:- لا خلاص مش همشي بس ابعد حياة عن ميرا
جمال:- من غير م تقول زين هيوقف الكلام
سعد:- طب يا اخوي انا هروح انام علشان تعبت شويا
جمال بقلق:- خير اجبلك دكتور
سعد:- لا مش مستهله بس تعبت شويا عن اذنك
******************
حياة:- دخلت الاوضه كان زين قاعد علي الموبايل
حياة بدلع:- زين ياحبيبي انت لسه صاحي
زين:- امم انتي شايفه اي
حياة:- راحت قعدت جنبه علي السرير وميلت وحطت راسها على صدره زين حبيبي متزعلش مني
زين:- حياة ابعدي الجو حر
حياة:- طب اي
زين:- عايزه اي يا حياة
حياة:- هو انا لما اجي وانام ف حضن حبيبي لازم ابقي عايزه حاجه
زين:- ومن امتا الدلع ده
حياة:- الصراحه كنت عايزه الفين جنيه علشان ف فستان عجبني أوي
زين:- انتي معاكي الفيزا بتاعتك ولسه محولك عليها من يومين 20 الف
حياة بخوف وتوتر:- بجد نسيت معلش انا هنام عايز حاجه
زين:- لا نامي
********************
كان وفاء ورضا وراندا وحسن وشهاب عرفوا حالة هاجر
وفاء:- بنتي مالها ياسيف حصل ليها اي
سليم:- اهدي هيا دلوقتي لسه مدخلنها العنايه المركزه علشان حالتها مش مستقره بس عايزين د.م واحنا مش عارفين نجيب منين
رضا:- انا هكلم صاحبي الدكتور معتز اكيد يعرف حد نجيب منه
وبالفعل معتز جاب ليهم الد.م وهاجر برضو حالتها مش اتحسنت
كلهم لسه قاعدين وفجأة حسوا بتوتر داخل غرفه العنايه المركزه طلعت ممرضه تجري الحق يا دكتور قلب المريضه وقف..............

انتهي البارت 21... استنوا البارت 22

بقلمي المتواضع:- ندي محمد ♥️