عمر الجفا ما يكسن قلوب تحب

بارت ١

بين برد الديره وما بين برد الرياض
ليالي طويله ونسمة برد بهواها بالرياض وريحة شتاء عانقت الديره ليالي الديره
جمعتنا شوارع الرياض صدفه بليله مطر
مثل بدوي حب بنت المدينه
'

~ تعريف شخصيات ~

الابطال ~

سياف بن سلطان ال سالم
ديم بنت يحيى ال مبارك

~

عائلة يحيى بن مبارك ال حمد
زوجته متوفيه
والجده نوضى بنت سعيد
ديم بنت يحيي ال مبارك
جابر بن يحيى ال مبارك
نوضى بنت يحيى ال مبارك
مضاوي بنت يحيى ال مبارك

~

عائلة سلطان ، متوفي
زوجته عيده بنت محمد ال حمود
سياف بن سلطان ال سالم
صقر بن سلطان ال سالم

~

عائلة فهد بن عبدالعزيز ال بدر
زوجته نجلاء بنت عبدالرحمن
غيث بن فهد ال عبدالعزيز
انوار بنت فهد ال عبدالعزيز

،
بديره ~
إنزعج من صوت المنبه مد ايده ياخذ جواله ويقفل تنهد من شاف ساعه 8 صباح راحت عليه صلاة الفجر قام من سريره ياخذ منشفته ويدخل دورة المياه ياخذ له شور على سريع طلع لبس ثوبه الاسود وفرش سجادة يصلي سلم قام يطلع من غرفه أبتسم من شاف أمه صاحيه ونطق : صبحتي بالخير يا أم سياف
أبتسمت عيده ونطقت : صح النوم ما كانك اليوم تاخرت بنومتك وانا أمك
سياف هو يسلم على راسها ويجلس : وش أسوي أمس كنت سهران مع جابر تعرفين من يوم عرف إني بروح لرياض لازم إني أجلس معه وأسهر
تنهدت عيده وهمست : وأنت للحين تبغى تروح الرياض وشعندك !
سياف نظارها ونطق : يمه كم مره تكلمنا وإنتي عارفه ليش بروح عشان المعرض , قامت عيده ونطقت : بروح أجيب لك فطور مادري وش مسوي لك هالشاهين
ضحك سياف ياخذ جواله يناظر بالوقت تنهد من شاف ساعه هو ضروري يوصل الرياض المغرب عشان معرض الصقور رفع راسه من دخل صقر مفصخ جاكيته وماسكه على ايده أبتسم ما شافه وجلس ناظره سياف ونطق : خلص ستلامك ؟
صقر هو يمدد رجوله على الارض وهز راسه ب ايه لف من دخلت أمه بصنيه الفطور فز جلس يعدل جلسته ونطق : صدق الفطور جاء بوقته توني طالع من دوامي ولا أفطرت
سياف هو ياخذ الصنيه من أمه ونطق : ومين قال إن الفطور لك ؟ ذا لي
رفع حاجبه صقر ولف يناظر أمه ونطق : يرضيك يا يمه لي يومين مستلم ما أكلت ، شيء بالاخير تسوين له فطور وانا لا !
أبتسمت عيده ونطقت : أخوك بيروح الرياض خله ياخذ له كم لقمه و بسوي لك فطور انا
صقر قام يجلس جنب سياف وياخذ قطعه من خبز يغمسه مع الجبن
ناظرته سياف ورجع يكمل أكله , أبتسمت عيده وهي تشوفهم ياكلون مع بعض ويناقرون بعض , بعد ما أنتهى من أكله دخل غرفته ناظر بشنطه هو محتار ياخذ شنطه ولا , لان ما يعرف بينام برياض ولا يرجع , تنهد وأخذ غترته شتويه لونها بيج وقف عند المرايه يرسم غترته , أخذ من عطره عباره عن خلاصة الزعفران الأبيض دهن العود خشب الصندل , أخذ جاكيته وطلع لف يناظر أمه و أخوه الي جالسين , توجهه يسلم على راسها يودعها , لف يناظر صقر ونطق : أنتهي لامي ما أوصيك
صقر هو يشرب بيالة شاهي ونزلها ونطق : توصيني على غاليه أم سياف
ضحك سياف ونطقت عيده : أنتبه نفسك وانا أمك وإذا إتصلت عليك رد علي الله يرضالي عليك
سياف أشر على عيونه وطلع لف يناظر لنوف الي تعطي ديك ودجاج رز قدم لها ونطق : صبحتي بالخير يابنت الخال توصين شيء من المدينه ؟
لفت عليه نوف تناظره وأبتسمت : لا سلامتك
ناظرها سياف وهمس : لا تستحين إذا كان بخاطرك شيء قولي لي ترا إنا مثل أخوك
كشرت نوف وصدت عنه ونطقت : قلنا لا , الله يستر عليك .
طلع سياف من البيت فتح باب سيارة , وحط شنطته خلفه
مشى متوجهه للمزرعه ياخذ شاهين ، وقف من وصل للمزرعه نزل أبتسم من شاف العم أبو محمود وترحيبه له : نورتنا يا أبو سلطان بس هالمره جاينا بدري
ضحك سياف يدخل داخل البيت ياخذ شاهين وطلع وناظر العم أبو محمود ونطق بضحكه : جاي عشانه , بنطلع انا وياه للمدينه يشوف باقي أخوانه
ضحك العم أبو محمود و أخذ شاهي يصب لسياف ونطق :و شوف لك بنت حلال بالمدينه
أخذ شاهي وشرب منه وناظر العم ، ونطق : و إنت متوقع بنت المدينه بترضاء بولد الديره , فوق ذا عاطل لا شغل ولا مشغله
سكت العم , وناظره سياف وكمل : انا ماشي تبغى شيء أجيبه معي؟
هز راسه ب لا , طلع سياف يمشي لسياره , مد أيده يفتح باب حط شاهين على يمينه المقعد , مشى مد ايده ياخذ جواله يتصل على جابر ضحك من سمع صوته الي يدل إنه صحاها من نومه ونطق : للحين نايم ؟ ناوي أسلم عليك ماشي
جابر هو حاط المخده على راسه وهمس : سهران معك أمس وش تبغى
سياف هو يضحك ونطق : ما تستحي على وجهك خويك بيروح وتقول له كذا !
جابر : تعاملني مثل أم العيال إنت ؟ يلا روح المدينه يارب تلقى بنت المدينه الي تشغلك عنا وتخلينا نام على راحتنا
ضحك سياف ونطق : أجل يلا كمل نومك أمكن تشوفني انا وبنت المدينه بحلمك
قفل منه , مد ايده ياخذ بكت دخان يطلع منه زقاره يثبتها بثغره
ومد ايده ثانيه ياخذ ولعها يشغلها , أبتسم من شاف لافتات المدن , لف يناظر شاهين ومد ايده يشغل أغنية خالد عبدالرحمن يا طير وظبتك بتدريب ، رجع يمد ايده على زقارته ياخذها وينفث دخان وايده ثانيه ماسك فينا كارستون , فتح شباكه يناظر بالغيوم و سُحب دليل انها بتمطر , هد من سرعته يوقف جنب طريق بصحراء , فتح باب نزل ناظر برمال , ومد ايده يتيمم وقف يكبر ويصلي صلاة الظهر , بعد ما أنتهى وسلم وقف ينفض ثوبه وركب سيارته ومشى