انوار : قبل لا نروح صالون بناخذ لنا فطور , لانك طلعتيني ولا خليتيني أفطر !
ديم وهي تسوق : حتى انا مثلك ما افطرت بشوف يمدينا ناخذ فطور ولا بنتاخر على موعدنا
'
عند سياف الي ناويه يرجع ينام بعد صلاة الفجر بس ما قدر ينام من كثر ما يهوجس وحال امه الي تغير فجأة, مد ايده ياخذ جواله يشوف ساعه ١٠ صباح , وده يتصل على جابر بس يعرفه ذا وقت مستحيل يكون صاحي
طلع من غرفه مشى يدخل صاله وناظر ب امه وسلم عليها وجلس
عيده بصوت عالي : نوف جيبي فطور لسياف
دخلت نوف ومعها صنية الفطور وحطها قدام سياف عند سياف الي كان يطلع بالجوال , نزل جواله من طلعت من صاله وبدا
يفطر
ناظرته عيده كيف ياكل وكانه من زمان ما اكل ونطقت : ما كنت تاكل هناك ؟
هز راسه سياف ب لا : كنت افطر بس مافيه مثل اكلك
عيده : بس هذا مو اكلي نوف الي مسويته
سكت سياف يفهم تلميحات امه واخذ الخبز ونطق : كله واحد اهم شيء اكل بيت
عيده : اي مادري وش حادك تروح اصلا
سياف نزل الخبز من ايده : يالله صباح خير يا امي
سكتت عيده من شافته قام يطلع من صاله ودخلت نوف ناظرت بصنيه ونطقت : ما افطر !
عيده : اي صار ما يتحمل كلامي ويعصاني يقوم وانا ما خلصت كلامي !
نوف ناظرت بعمتها : هو وشفيه تغير فجاة كذا !
عيده : هذا غلطتي يوم خليته يروح الرياض شفيتي شلون يكلمني ؟
نوف : لا تخلينه يروح لحاله اجل ما ندري وش يسوي هناك
عيده : اي والله ينخاف منه مادري وش غير حاله فجاة كذا ولا هذا مو سياف ولدي علي تصرفاته
ابتسمت نوف تاخذ صنيه وتطلع من صاله بتروح لغرفة سياف طقت الباب فتحت الباب الي تشوفه يلبس ثوبه بيطلع
نوف : شفت ما كملت فطورك قلت اجيبه لك ؟
سياف هو يعدل غترته : امي قايله لك ؟
ابتسمت نوف وهزت راسها ب لا : انا من نفسي جبت له عمتي ما قالت شيء
سياف : مشكوره نوف تسلم يدينك بس ما أبغى
كشرت نوف وطلعت ومعها صنيه , عند سياف اخذ جواله ومفتاح سيارته وطلع من الغرفه
مر من صاله وشافته عيده : وانا كل ما اقول لك كلامه ضربت الباب
-
ديم : لا حطي لي لون عنابي
لفت على انوار وكملت : انوار صح يليق علي لون عنابي , احس بخاطري احطه لون شتوي
انوار ناظرت با اظافر ديم : مررره يجنن ايدك محليته , وصح صادقه لون شتوي وترند الفتره
ابتسمت ديم : وانتي وش بتحطين ؟
انوار بضحكه: بحط اسود كاسواد قلبي
انصدمت ديم , وضحكت انوار وكملت : من يوم ورايح بس شخصيه ثانيه خصوصًا مع فيصل
ديم : ما تصل عليك ؟
انوار وهي ترفع جوالها : الا وش كثر اتصالاته احرق جوالي مع نفسه مستحيل ارد عليه قاهرني
ديم وهي تناظر ب اظافرها : اهم شيء لا ترضين عليه علطول اذا جاب هديه
انوار : هذي مشكله إني أرضى علطول واسامحه , ياخي احبه وش اسوي !
ديم لفت تناظرها وهمست : من متى الي يحب يتجاهل محبوبه ؟
انوار بضيق : طيب وش أسوي زواجنا قريب وثانيًا شيء كانه متعلقه في احبه
تنهدت ديم : يمكن هالمره يتغير لو يشوفك صدق طولتي بزعل علميه إن مو كل مره تسلم الجره ويجيب لك شنطه او خاتم الماس , انوار انتي قدرك غالي بس زفت مو حاس عشان كذا اقول لا تعطينه هالفتره وجه
انوار : تشوفين كذا ؟
هزت راسها ب ايه ديم وكملت انوار : تصدقين رغم إنك اكبر مني الا احس انك اكبر من بديل على تفكيرك و اخذك لقرارت
ابتسمت ديم وكملت انوار : صدق بحسد الي بيتزوجك والي بيدخل قلبك
لفت عليها ديم : يا مجنونه خير ليه
انوار وهي تجفف اظافرها : مدري ياخي احسك كذا بتغرقينه حب وحنان , اكيد امه الي دعايه له
ديم : محظوظ فيصل فيك على طولت لسانك و مرادد
انوار بصدمه : الحين انا امدحك بالاخير تقولين عني كذا ! صدق ما تستاهلين ولا مدحه
ضحكت ديم : خلاص احبك والله امزح , وربي محظوظ فيصل فيك بكل شيء
انوار قامت بعد ما خلصت اظافرها : خلاص اسكتي زعلت بس
ديم : خلاص ارضيك الحين و اوديك مطعم نفطر فيه
انوار : حبيبتي كذا وكذا بتوديني مطعم غصب
ضحكت ديم : طيب جاملي شوي المهم انا برضوا خلصت روحي اركبي سياره عالبال ما ادفع
بعد ما راحت انوار لسياره ودفعت ديم وطلعت وركبت سياره ومشت , لفت على انوار ونطقت : توقعي وش قالت صاحبة صالون ؟
انوار وهي ماسكه جوالها : وش قالت ؟
ديم : تحسبنا خوات انصدمت لما قلت لها لا
انوار وهي تناظر بديم : تدرين انصدمت الي يقولون نتشابه احس ملامحنا غير بس يمكن عشان علاقتنا
ديم : طيب وين ودك نفطر ؟
انوار : عادي اي مكان اهم شيء اكل حدي جوعانه
ديم : في مطعم قريب من الاستديو كم مره جربت فطورهم حلوه ومنها مره وحده اشوف الاستديو
'
عند سياف الي وقف عند المزرعه وجلس يتمشى فيها ويشيك على حلال ابوه
دخل داخل الخيمه يشوف شاهين ابتسم ياخذ ويلبس دس ويطلع البرق عليه ونطق : اخبارك يامزيون عطنا علومك
لف من سمع ضحكت العم ابو محمود : مالك الا يومين امداك تشتاق له ؟
سياف : شاهين واحد من اهل بنسبه لي
العم ابو محمود : تعال افطر معي دامك جيت
مشى سياف مع العم ابو محمود وجلس في جلس يفطر معه صدق هو افطر في البيت بس مو بشكل كافي امه نكدت عليه
ناظره العم ابو محمود ونطق : شكلك ما افطرت بالبيت ؟
سياف هو ياكل : الا افطرت بس الوالده الله يهديها مع صباح تبغى مشاكل
العم ابو محمود : رافضه انك تروح الرياض ؟
هز راسه سياف ب ايه وكمل العم ابو محمود : شلون تروح تستلم جائزتك طيب ؟
سياف : مادري ياخي فجاه صارت ما تبغاني اروح وما عجبه موضوع إني بروح الرياض
العم ابو محمود : الله يعينك هذي امك ما تقدر تعصيها اهم شيء رضاها
سياف : ذا الي مخليني ما اقولها شيء وجالس معها
'
انوار : ديم ما احب جباتي
ديم وهي تطلب لهم ومشت لطاولتهم : والله لذيذ جربي انتي و شوفي
انوار : ما أحب ياخي خبزة جباتي قلت لك ابغى فرنش توست
ديم : خلاص ياخي مره بالعمر جربي جباتي مع كوب كرك واو مره يمي
انوار بعصبيه : كرك بعد !
ديم: والله طحت على كرك و الجباتي ايام المعرض كنت اطلع مستعجله ما يمديني اوقف اكل ذا يخلص بسرعه ولذيذ صراحه
انوار : وانا اشوفك سمنانه
ديم ناظرت بنفسها : حرام عليك وربي ما سمنت عالاقل مو مثلك
انوار : صار ما عندي وقت اروح النادي مثل قبل كله من سبب ضغط الشغل
ديم : كذا حلوه انتي ترا امزح معاك
ابتسمت انوار , ناظرت بيدينها ديم ونطقت : ياحلو منظر اظافري كذا , حامت كبدي من منظرها امس من قوة إني مكروفه ما اهتميت فيها
انوار وهي تناظر ب اظافر ديم : لون عليك خيال
،
صقر هو يناظر بسياف : قلت أمي إنك بتروح الرياض؟
سياف نزل كاسة شاهي ونطق : بقولها قبل لا امشي بعشر دقايق عشان ما تعارض
صقر : طيب واثق يمكن تمنعك
سياف ناظر بصقر : انا مالي صغير تمنعني ! بعدين لي اسبوع هنا كل ما بغيت شيء سويته له الحين جاء دوري اطلع و اشوف
حياتي
صقر : براحتك بس انت تعرف امي زين
عند نوف الي كانت تسمع عليهم وهمست بينها وبين نفسها : اجل تطلع وتشوف حياتك يا سياف ! اوريك انا اقول لعمتي عليك
مشت نوف تدخل المطبخ تشوف عمتها تسوي الغداء ونطقت بكل عفويه : إن شاءالله يمدينا نخلص الغداء قبل لا يمشي سياف
عيده وهي تحرك الغداء ونطقت بكل عصبيه : سياف هذا بيجلطني صار ما يجلس بالبيت اغلب وقته ما جابر !
نوف وهي تاخذ طمام تقطعه : ماراح يروح لجابر بيروح الرياض ما تدرين ؟
لفت عليها عيده بصدمه ونطقت : وشهو ! بيروح الرياض الولد ذا ما يفهم قلت يشيل فكره هذي من راسه بس ما يفهم شكله يبغاني اصقعه بالمواعين هذي يمكن يفقد ذاكرته وينسى
سكتت نوف تشوف انفعال عمتها وعصبيتها وطلعت من الطبخ
تروح للحوش جالسين فيه سياف وصقر
ناظرت سياف وملعقه بيدها : بتروح الرياض ؟
لف سياف بصدمه شلون عرفت انه بيروح وكملت عيده : تبغى تعصاني سياف ؟ ليش ما تسمع كلامي من اول مره
سكتت سياف يشرب شاهي بكل هدوء مشت عيده تسحبه توقفه قدامه ورفعت ملقعه تهدده: يوم اكلمك ترد علي
سياف هو يناظر بالملعقه : تبغيني تضربيني مثل كل مره ؟ شرايك اجيب لك عصى وشرايك بعد ! وتضربيني فيها يمه اصحي انا مو ابو ٥ سنوات ولا ١٨ انا عمري ٣٢ اصحي شوفي الي واقف قدامك رجال مو ورع ما عمر ابوي مد ايده لعيال حتى لو نسوي الخطا ليش انتي عكسه
عيده بكل عصبيه : اسكت هذا دروس الي درسك فيها جابر ! ولا خرابك يوم رحت الرياض
سياف بسخافه : يمه وش ذا تفكير اصحي يرحم والدينك اتركي هالكلام الي ماله سنع
عيده : أسمع ما عندي الا هالكلمتين تبغى تروح الرياض ؟
سياف هو يناظر ب امه : اي
عيده وهي تأشر على الباب ونطقت : اطلع اجل روح للرياض الي لقاي وناستك فيها
صقر انصدم من كلامه ونطقت : يمه وش هذا كلام
لفت عليه عيده : انت اسكت لا تنكسر هالملعقه على ظهرك فاهم !
سياف هو يمشي يدخل البيت ياخذ شنطته وناظر بنوف الي كانت واقفه عند باب المطبخ
