انوار بتافف : تاخرت رنا متى تجي ! , ديم اخذت جوالها ترسل لرنا ورجعت تناظر بالانوار ونطقت : جايه بطريق , ودك نطلب قهوة عالبال ما توصل ؟ , هزت راسها ب ايه انوار , واشرت ديم للنادل يجي وطلبت لهم قهوة , رجعت تاخذ جوالها تشوف ساعه وشبكت ايدينها في بعض ونطقت : خالي يقول انك تشبهين امك , ناظرتها انوار وكملت ديم : تخيلي تحب المطر مثلي عشان كذا سمتني ديم , تكلم عن بابا برضوا واحس إني ارتحت كذا عالاقل اذا احد سالني عن ماما وبابا أعرف شيء عنهم
لفوا من سمعوا صوت رنا ونطقت : عسى ما تاخرت عليكم ؟
انوار ناظرتها ونطقت : كثير بس يلا بمشيها لك , ضحكت رنا ونطقت : عشاني ولا عشاني اخت فيصل !
انوار وهي ترجع شعرها خلف أذنها ونطقت بدلع : اكيد عشان فصولي
ديم ناظرتها ونطقت : يا خساره دروس ومحاضرات الي اعطيها لك , طلعتي خفيفه !
انوار ناظرتهم ونطقت : زوجي نعم وش تبغون بدلعه ! , رنا ضحكت وناظرت بديم ونطقت : ماعليك منها حتى اخوي على حدها , المهم اسمعي في خبر حلو ونفس وقت لا
رفعت حاجبها ديم ونطقت : قولي
رنا : تعرفين مهرجان ملك عبدالعزيز لصقور صح ؟ ، هزت راسها ب ايه ديم وكملت رنا : يبغونا نغطي لهم الحفل
ابتسمت ديم ونطقت : طيب شيء كويس حلو , رنا ناظرتها ونطقت : بس بيغطون معنا مصورين ثاني
أخذت كوبها ديم وهمست : رنا عادي خليهم بيجون غيرنا للحين ما فهمت عليك وين الخبر مو حلو !
رنا: نواف من ضمن مصورين الي بيكونون بالمهرجان , كشرت ديم ونطقت : وانا لو اروح مريخ ذا لحقني
انوار ناظرتهم ونطقت : مين ذا ؟ وش سالفته ؟ , ديم ناظرتها ونطقت : واحد زفت وبس , رنا : مصور ومعروف واي احتفال او مناسبه يكون موجود
انوار : طيب عادي رزقه وين غريب موضوع
ديم ناظرتها ونطقت : بينا خلاف وانسان زفت مستحيل إني اشتغل معها
انصدمت رنا ونطقت : ليكون بنضيع فرصه ذي زي اي فرصه ثانيه تجينا عشانه ! , ديم ناظرتها ونطقت بكل عصبيه : اي مثلها مثل غيرها مستحيل احط ايدي في ايده
انوار ناظرتهم ونطقت : دقيقه انتي وياها ريلاكس هدوء , ما فهمت الحين بترفضين تروحين عشان واحد ! , ديم ناظرتها ونطقت : اي عشان واحد زفت , كيف تبغوني اشتغل مع عدوي !
انوار : من متى انتي كذا ؟ بعدين تبغين عدوك يفرح لك خليك كذا ! اي فرصه تجيك هو فيها كنسلي صدقيني بيفرح , وانتي اجلسي هنا ! , ضربت طاوله بخفه وكملت : حبيبتي اصحي انتي ديم بتروحين وتسكرين عينه وتورينه منهي ديم بنت يحيى , هو عدوك خليه يشوفك كذا قويه من نجاح الي نجاح
ابتسمت رنا وصفقت ونطقت : عاشت انوار , ضحكت ديم منهم ونطقت : مجانين
انوار ناظرتها ونطقت : مافيه احد مجنون الا غيرك بتضعين فرصه زي كذا عشان واحد
'
كان واقف يناظر بالخيول وبيده كاسة شاهي وبيده ثانيه مثبت بين اصابعه زقارته , ناظره جابر ونطق : الحين مطلعني معك عشان توقف عند هالخيول
لف يناظره سياف ونطق : تدري انك نشبه , والله حتى ام العيال ماراح تنشبني مثلك ! , ضحك جابر ونطق : ماعلينا من هنا لين تتزوج اعتبرني ام العيال
ضحك سياف وجلس نطق : صكينا اعمرنا بثلاثين ولا تزوجنا
عدل جلسته جابر الي كان متكي على مركه ونطق : وين يا حبيبي باقي للحين ما دخلت ثلاثين توني عمري ٢٦ , انت ثلاثيني وشايب بعد الي مثلك عياله قدامه بعد
سياف ناظره ونطق : انت كم دافعه لك عيده عشان تقول نفس كلامها , ضحك جابر ونطق : عاد تصدق امك احسها تشبه جدتي بحركتها معنا , سياف هو يلعب بسبحته ونطق : ودليل ما خلونا نروح الرياض
تنهد جابر ونطق : انا كذا وكذا راجع نادي فروسيه بس انتظر ابوي يوافق
سياف رفع نظره يناظرها ونطق : واذا رفض ابوك ؟ وش بتسوين
جابر : سهله اروح اخليهم , لين متى وانا بجلس كذا ! ترا محد يعيش هنا الا انا وانت , ولا شوف اهلي ديره يوم توظفوا عيالهم علطول راحوا الرياض غير حنا !
سياف : وانت ما يذبحك الا هالرياض ! , جابر ناظره ونطق : اي اجل عاجبك عيشت هالديره ! كل ما بغينا شيء ما نحصله ياخي ما ندري ليش ما نروح ونسكن هناك وانتهى موضوع
سياف يشرب كاسة شاهي بكل هدوء ونطق : انا عكسك ما جازت لي الرياض لا زحمتها ولا اهلها , مافيه مثل الديره واهلها و هدوها
جابر : وانت بتقارن هدوء الرياض بديرتنا ! يا عمي كلها ٧ بيوت بس اكيد بتكون هاديه , سياف ناظره ونطق : جابر ماودك تركب خيل , وتشوفون مهارتك قبل لا تروح نادي , وتسد حقلك لانك من اول ما جيتني وانت بالع راديو
جابر وقف واشر بيده على سياف ونطق : راديو ذا الي مو عاجبك بكرا اذا رحت الرياض بتشتاق لي وعاد دور لك راديو وقتها
ضحك سياف ونطق : بدور لي بس نوع غير , رجع ناظره جابر ونطق : ليكون بنت المدينه ذيك ؟ , رفع حاجبه سياف ونطق : قصدك ديم ؟
ضحك جابر وغمز له ونطق : ولا بعد حافظ اسمها , ما ندري قصدك ذي ولا غيرها شكل بنات المدينه الي متهاوش معهم
كثير
وقف سياف يمشي مع جابر للخيول ونطق : انا مالي شغل هم لسانهم طويل حتى واحد ما يسوي فيهم خير
ضربه على كتوفه سياف ونطق جابر : إعترف حبيتها ؟ , سياف ناظره ونطق : بعد اخر موقف صار بينا ما اتوقع , تقول انت شخص مو مهم لي يا ابو وتبغيني احبها !
جابر : تصدق عجبتني ذي بنت شخصيتها قويه وعزيز نفس لوحده ثانيه قالت , رفع حاجبه سياف يناظر وكمل جابر ونطق بدلع بصوت انوثي: لا عادي استاذ سياف بلعكس الي صار بينا شيء عاد طبيعي وتصير بين الاشخاص خلافات
ضحك سياف ونطق : مو صاحي امش بس اركب الخيل
'
وقفت سيارتها ونزلت هي وانوار , ابتسمت من شافتهم جالسين بالحديقه , مشوا لهم ناظرتهم انوار ونطقت : يعني وش ذي جلسه الحنونه الحلوه ؟ , ديم وهي تناظر بتلفزيون ونطقت : ومشغلين محمد عبدو بعد
ضحك فهد منهم ونطق : وين كنتوا ؟ , جلست ديم جنب غيث ونطقت : ابدا والله تقهوينا وخلصنا كم حاجه مع بعض , ناظرتهم غيث ونطق : ليش ما اخذتوني معاكم ! ما تقولون عند اخو لازم نطلعه
انوار ناظرته ونطقت : وشفيك! مسوي نفسك حزين وحيد , ترا محد مسك من ايدك قال لا تطلعين هذي هي سيارتك اطلع
ديم مدت ايدها تمسك ايد غيث ونطقت : خلاص اوعدك اذا فضيت نطلع كلنا طلعه عايله وشرايك ؟ , هز راسه غيث ب لا ويمثل الزعل ونطق : أبغى سفره عائليه
انوار : مع نفسك مستحيل اسافر ما اقدر شغلي قال ايش سفره بنسبه لي انا ما اقدر , ديم : حتى انا ما اقدر بس اوعدك نسافر بالاجازه , ناظرت خاله وكملت : صح خالي ؟
هز راسه ب ايه فهد , ونطقت نجلاء : وانت لا تصير دلوع خلاص ارضى , ضحكت ديم وهي تشوف ضحكت غيث ونطقت : دام كذا بشغلكم اغنيه المفضله , مسكت راسها انوار ونطقت : ما يكفي بسياره مزعجتني فيها ! , ضحكت ديم واخذت جوالها تشغلها اعتلى صوتها من بدت الاغنيه ونطقت : ألف غصن من اليباس فز لاجلك وانثنى اكسري الأوهام كاس , مشت تجلس جنب خالها وحضنته وكملت : وان عشقتيني أنا , ضحك فهد هو يشوفها تغني هي و غيث سوا بصواتهم العاليه , وانوار تصفق , ونطق جماعي كلهم : وان عشقتيني أنا ما أبي من الناس ناس , ضحكوا على اشكالهم كيف يغنون ومتحمسين وكانهم أول مره يسمعونها نطقت انوار بعد ما انتهت الاغنيه : حسافه ما صورت وحنا نغني
غيث : مادري ليش تحبينها هالكثر هالاغنيه , ابتسمت ديم ونطقت : احبها , ناظرتها انوار ونطقت : تحبينها عشانها فيها الرياض ولا عشانها اغنيه محمد عبدو ؟
قامت ديم واخذتها شنطتها ونطقت : الاثنين
' ليلة الخميس '
كانوا كلهم مجتمعين بالمزرعه , عيده و نوف جالسين يتقهوون , وسياف وصقر كانوا يشون
أخذ قطعه من لحم ولف على امه وعطها ونطق : سمي ذوقيها
أبتسمت عيده واخذتها , رفع نظره يناظر بنوف الي جالسه جنب امه , راح يجيب له قطعه ومد لها ونطق : وانت ذوقيه بعد وعطينا رايك , اخذتها نوف ولف تناظر بعمتها تناظرهم مبسوطه
سياف لاحظ نظرات امه وراح عند صقر يكمل شوي لف يناظر بصقر الي يشوي ومتحمس ونطق : انتبه لا تحرق اللحم , لف صقر يناظر بسياف حس صوته فيه شيء : اللحم منتبه عليه , بس قلي فيك شيء إنت ؟ , هز راسه سياف ب لا واخذ سيخ اللحم يحركها , متجاهل نظرات صقر الي كان يناظره
'
ماسكه قلم بيدها و ناظرتهم ونطقت : باذن الله يوم الاحد يبدا مهرجان , ومدة هالمهرجان أسبوع , طبعاً حنا بنغطي لهم مهرجان و يوم الحفل ومعنا مصورين وطاقم تصوير حقهم , كل الي ابغاها منكم إن كلنا نصير يد وحده ونتعاون مع بعض
أبغى بكرا اذا شافوا مونتاج حقنا ينبهرون من جمال تصوير ودقته
رنا : ماعليك باذن الله انا وبنات بنبيض وجهك ولا تشيلين هم
حنا قدها , مو أول مره نشتغل مع مصورين
ديم : صح مو اول مره , بس يكفي بنشتغل مع نواف وطاقم تصويره , واتوقع كلكم تعرفونه ما يحتاج اتكلم عنه
وقفت وحطت ايدينها على طاوله و ناظرتهم كلمهم ونطقت : شدوا حيلكم أبي أشوف إبداعكم
طلعت من مكتب الاجتماعات , ودخلت مكتبها أخذت جوالها تنهدت من شافت اتصالات من خالها و انوار , اتصلت على خالها عضت على شفتها من سمعت نبرة خالها خوف عليها ونطقت : معليش خالي كنت بالاجتماع جوالي كان بالمكتب
فهد : خفت عليك اتصلت عليك كم مره ولا رديتي , ديم وانا خالك لا تخوفيني عليك
ابتسمت ديم : خالي والله اسفه خلاص وعد ماراح اخليك تخاف علي , فهد : طيب بتجين تتغدين معنا نتظرك على فكره
تنهدت ديم : خالي كم مره قلت لك لا تنتظرني الله يخليك لي فيك سكر مو زين
فهد : انتظرك على الغذاء لا تتاخرين
مسكت راسها من بعد ما قفل الخط , لفت تاخذ شنطتها ومفتاح سيارتها تطلع من مكتب , ناظرت برنا ونطقت : رنا الله يعافيك
شوفي بنات وخليك واقفه فوق روسهم شوفي يضبطون شغل او ولا ، رنا أشرت على عيونها ونطقت : ابشري
طلعت من الاستديوا وركبت سيارتها , أخذت الحزام تثبته ومشت مدت ايدها تفتح شباك ابتسمت من داعب الهواء بشعرها , وناظرت بالغيوم ضحكت من بدا ينزل المطر على شكل هتان
،
لف من سمع صوت رساله من جواله , مد ايده ياخذ جوال , أبتسم من شاف رساله نزل لقمته الي بيده من فرح , عند صقر الي كان ياكل بس وقف أكل من شاف سياف يناظر بالجوال مبسوط ونطق : ولد أكل لا يبرد الاكل , رفع نظره سياف يناظره ولف عليه جوال , عقد حواجبه صقر : وش ؟
سياف بفرحه : أبشرك انقبلت
صقر : احلف ! سياف هو يمد له جوال مره ثانيه ونطق : شف وربي البيت انقبلت
وقف صقر وقف معها سياف وحضنه ونطق : يلا عقبال ما تروح وتجينا بالمركز الاول , ضحك سياف منه
عند عيده الي كانت تتعشى وهي نوف بالخيمة لفت تناظرهم من سمعت اصواتهم العاليه ونطقت : وش بلاهم ذولا
لفت نوف تاخذ طرحتها من سمعت اصواتهم قريبه بيدخلون عليهم , دخل سياف ونطق بفرحه : ابشرك يا ام سياف اقبلوني وحضن امه حضنته عيده , هي مو راضيه إنه يروح و تشوف إن ذا شيء عاد ماراح يسيره ولا ينفعه بعد , بس ما حبت تكسر فرحته وفرحت معه , لف سياف على نوف ونطق : معليش والله نسيت انك هنا اعذريني
ابتسمت نوف : لا عادي
'
دخلت غرفتها وبيدها كوب قهوة , مشت توقف عند شباك غرفتها مثل هذ الاوقات لليالي بارده ما تحتاج الا هدوء ناظرت بالسماء تحب شكل السماء وقت ليل خصوصاً اذا كان غيوم
مشت تجلس بكرسي مكتبها , وحطت كوب على طاوله أبتسمت من شافت صورت امها و ابوها الي عطها خالها صباح وحطتها برواز , رفعت راسها من انفتح باب ودخلت انوار ونطقت : انوار الناس العاقله قبل لا تدخل تطق باب
ضحكت انوار تجلس على سرير ونطقت : انا عاقله ؟ من متى ! , ديم ناظرته : وشعندك جايه طيب ؟
انوار ناظرت صوره الي بيد ديم ونطقت : ما عندي شيء , قلت اجي واسولف معاك ، بعدين وش الي بيدك ؟
ابتسمت ديم : توقعي شنو؟ , انوار رفعت كتوفها ب معنى مادري ونطقت : صورتك ؟ صورتي مثلًا , ديم ناظرتها ونطقت : وانتي متوقعه احط صورتك في مكتبي طبعاً لا
انوار وهي تبعد خصلتها وراء اذانها ونطقت : يلا عادي فصولي يحطها في مكتبه , بس وشهي ذي صوره ؟ ترا بدا فضول ياكلي
قامت ديم وجلست جنب انوار على سرير , ومدت لها صوره اخذتها ديم , ناظرت بصوره واضح انها قديمه وما عرفت الي فيها ونطقت : مين ذولا ؟
ديم بفرح : ماما وبابا , شهقت انوار ونطقت : احلفي ذي عمتي ؟ يالله مررره حلوه تجنن
ضحكت ديم وكملت انوار : ديم شوفي ابوك عنده شامه مثلك بخده
ابتسمت ديم : اي اخذت من بابا بس شامه ولا ملامحي ملامح ماما
انوار رفعت صوره قدام وجه ديم ونطقت : صح ملامحك نفس ملامح عمتي
،
