وقفت في باركنق نزلت بيدها شنطتها وكاميراتها ابتسمت من دخلت مهرجان يمينها ويسارها صقور تلاشت ابتسامته علطول من شافته جاي لها , ابتسم من شافها ونطق : توقعتك ماراح توافيق تجي
رفعت حاجبها ونطقت : ليه ؟
نواف هو يناظر بكاميراتها ورجع يناظرها ونطق : لان بكل مره أكون موجود تنسحبين
ابتسمت ديم : بس هالمره لا
نواف : ليه ؟ يعني وش جديد هالمره الي بيخليك تجي مكان انا فيه
ديم : تعود من اليوم ورايح على و جودي
مشت وتركته ابتسمت من شافت شخص كبير يلاعب صقر قربت منه ونطقت : يا عم , لف عليها وكملت : ما يخالف اصورك ؟
ابتسم وهز راسه ب ايه و صورته مدت له كاميرا يشوف صوره ونطق : تسلم يدينك يا بنتي صوره حلوه
ابتسمت ديم وكمل : الا وش اسمك ؟
ناظرته ونطقت : ديم ، ابتسم يناظرها ونطق : عاشت الاسامي يابنتي , معك عقاب ابتسمت ديم له وناظرت بصقره وهمست : ايش اسمه هو ؟
عقاب : المها , ديم ناظرتها وهمست: اسمها حلو مثل شكلها
ضحك عقاب منها ونطق : طلعتي تفهمين بالصقور اجل ؟
هزت راسها ب لا وهمست : ودي أعرف وافهم فيها بس احس صعبها
عقاب هو يطلع دس ويعطيها , نزلت كاميرتها على طاوله وتلبس دس , أخذ المها وعطها ونطق : ثقيله ترا بس تحملي
ابتسمت ديم وهي ماسكه صقر , ضحك عقاب من تعابير وجه ديم ونطق : اول مره تمسكين صقر ؟
ديم هزت راسها ب ايه وكمل : وإن شاء الله مو أخر وتصيرين صقاره
ضحكت ديم ومدت له صقر ياخذ ونطقت بضحكه : من مصوره الي صقاره
عقاب : القنص وصيد مافيه أحلى منهم , ودامك مصوره تعالي لمزرعتنا وسوي لها تغطيه فيها غزلان و خيول
ابتسمت ديم ومدت له كرت ونطقت : اذا رقم الاستديو ابدا جاهزين انت بس حدد يوم وابشر
ابتسم عقاب ياخذ رقمها وناظرها : الله يوفقك يارب , ابتسمت تمشي بالمهرجان تشوف صقور واصحابها لفت من جتها رنا ونطقت : كيف شغل ؟
رنا : كويس بس الي يشتغلون مع نواف يضايقوننا شوي
ديم : تجاهلهم , لو اقولك من ما دخلت شفته وجاء يكلمني بكل وقاحه يقول ليش جايه
ناظرتها رنا : ينرفز , الا قبل شوي شفتك شايله صقر وشعندك ؟
ابتسمت ديم : تخيلي اول مره يكون بخاطري اصير صقاره صدق احس انهم غير عن عالم عايشين بحياه غير عنا بعيد عن الناس ومشاكل
رنا : شكلك تحمستي يوم شفتي صقور
ديم : مره خصوصا العم عقاب مره طيوب وحبوب هو الي عطاني صقر
رنا : ايوا شفته من بعيد احس طيوب , الا انوار ماراح تجي ؟
ديم: وعدتني وهي وغيث يجون بس مادري متى ما قالوا لي اليوم
رنا : اشوفها امس طالعه مع فيصل مبسوطه شفت سناباتهم يهبلون
ديم : ويجي بكرا فيصل يزعلها ولا كانه مسوي شيء
عقدت حواجبها رنا : وش ذا كلام ديم !
لفت عليها ديم : رنا ما تشوفين اخوك هو دايم الغلطان ويجي من بكرا يجيب لها يا ساعه ولا خاتم يراضيها ! ليش من بدايه اذا كنت تحبها لا تزعلها بدال ما تخسر ويجي من يوم ثاني تزعلها !
رنا تاففت ونطقت : لا تسمعك انوار تزعل
ديم : بتزعل مني عشان قلت حقيقه ؟ لا تطمني بس انا ساكته لاني ما أبغى أخرب وناستها مبسوطه , بس أتمنى آنك تنصحين اخوك مصلحجي يعدل تصرفاته
رنا : ديم تراك من اليوم تغلطين عن اخوي وانا ساكته ؟
ديم رفعت كاميراتها تصور مكان , ولفت تناظر ب رنا ونطقت : انا ما غلطت على ذي حقيقه , بعدين حنا جاين هنا نشتغل ما جينا نتهاوش
'
جابر : مدرب شاهين صح ؟ خايف يجيب فينا من اول يوم
سياف هو يفك برقع على شاهين ورجع يناظر بجابر : لا ماعليك من متى شاهين يجيب فيني العيد , إن شاءالله من اول يوم هو بيض وجهي
أبتسم جابر : إن شاءالله
سياف : وين بتروح اذا دخلت عندهم ؟ , جابر رفع كتوفه ب معنى مادري ونطق : بتمشي هنا بالمهرجان , يمكن أحصل لي بنت مدينه بدالك , تبغاني أدور لك ؟
ضحك سياف : لا مشكور
رفع حاجبه جابر : ليكون عندك ؟ مو قايل لي ! لان فتره هذي اشوفك متمسك بالرياض
سياف : الي جابني بالرياض شاهين , جابر : طيب ما جوابت على سوالي ؟
سياف : ما عندي بس روح دور لك
مشى سياف بالمهرجان يشوف صقور و مصورين واشخاص تجار معروفين عقد حواجبه من سمعت صوت كامير لف علطول ناظر برنا الي صورته ونطق : وش تسوين إنتي ؟
رنا رفعت كاميرتها : اصور , جابر : قصدك تصوريني صح ؟ مين صح لك تصوريني ! , عطيني كامير اشوف بسرعه
رنا : حبيبي معليش جايب بمكان عام وكله مصورين ما تبغاني اصورك !
ناظرها جابر من فوق لين تحت ونطق : تعقبين وتخسين أكون حبيبك , بس هاتي كبيرها بسرعه
رنا حطيت ايدها على خصرها : وذا ما عطيتك وش بتسوي ؟
جابر بعصبيه : شفتي عقال فوق راسي يمكن تجربين ضرب فيه وانتي على شكلك ذا واضح إنك ولا مره انضربتي
رنا : وع وش ذا الاسلوب ! انت جاي من اي كوكب ؟
جابر سحب كاميرا من يدها وصرخت رنا , لفت عليهم ديم وجت لهم ونطقت : وش سالفه وشفيك إنتي !
رنا بعصبيه : متخلف ذا ما أخذ كاميرا مني عشان صورته
جابر : محد قال لها تصورني
رنا : ياشيخ من زينك عاد حسستني محور الكون !
لفت ديم على رنا مصدومه من كلامها , جابر بعصبيه : فوق إنك طول أصبعي لسانك وش طوله !
رنا بعصبيه : أقول أحترم نفسك
تنهدت ديم وناظرت بجابر ونطقت : معليش أخوي نعتذر أسفين مفروض إنها تاخذ أذن منك
لفت عليها رنا : خير ديم ليش تعتذرين ! ياشيخه من زينه أخذ منه اذان يحمد ربه إني صورته مافيه أحد غيري صوره
جابر : أنتي هيه الي تبغيني أتكلم ب احترام شوفي سلوبك بالاول
ديم ناظرت بالاشخاص الي يناظرونهم ونطقت : خلاص يا جماعه حنا بمكان عام , معليش انا شخصياً أعتذر لك أوعدك ما تكرر مره ثانيه , بس ممكن تعطيني كاميرا
مد لها جابر كاميرا واخذتها , سحبت رنا من ايدها تمشي معها وقفت وناظرتها : ممكن تشرحين لي وش صار ؟
رنا : كنت اصوره فجاه يصارخ علي ويقول ليش تصوريني ومن هالكلام
ديم : وانتي ما تعرفين تستأذني منه !
رنا ناظرتها بطرف عين : انا رنا بنت سعود استاذن لاذي الاشكال !
ديم : حبيبتي رنا بنت سعود ذي بيتك أبوك , هنا شغل يعيني تكبر وشوفت نفس خليها في بيت أهلك ، ولا إنتي عاجبك نواف يناظرها من بعيد يطقطق علينا !
رنا بتافف : طبعاً لا
ديم : أتمنى بعدين تمسكين أعصابك , ولا تغلطين مثل ذي غلطه رنا أهم شيء سمعتنا تكفين ما ابغى ذا تصرف ينعاد مره ثانيه بليز
'
دخلت البيت وبيدها كوب قهوتها أبتسمت من شافتهم جالسين لف فهد ما شافها أبتسم ونطق : يالله حي حبيبتي خالها
ضحكت ديم وسلمت عليه وجلست , غيث يبه انا توني راجع ما قلت يالله حي حبييي ابوه
فهد : لازم اقولك يعني ؟
غيث : اي عشان ما تجيني عقده , ضحكت نجلاء وناظرت بديم : جيتي اليوم بدري ؟
ديم : ايوا خلصت شغلي بدري اليوم
انوار : كيف مهرجان وفعاليات حلوه ؟
هزت راسها ديم ب ايه ونطقت : لو اقولك رنا تهاوشت مع واحد شكله صدق بدوي
انوار عدلت جلستها : رنا ! وش صار قولي
ديم : كانت تصور مكان هو لاحظ انها صورته وعصب إن ما استاذنت منه
فهد : مفروض تستاذون من اي احد بتصوره
ديم : خالي هو مكان عام وانت عارفه إن فيه مصورين يعني ماله داعي تسوي لنا سالفه
نجلاء : طيب وش صار ؟ بعدها
ديم : اعتذرنا له
ضحكت انوار ونطقت : رنا تعتذر ما أصدق !
ديم ناظرتها وقامت تاخذ شنطتها و كوبها الي على طاوله ونطقت : اي رنا مثل شخصيتك ما تعترفوا في شيء اسمه أعتذر كل الي تعرفونه كبرياء و غرور
دخلت غرفتها رمت اشياءها على سرير , دخلت دورة مياه تاخذ لها شور , طلعت جففت شعرها واخذت كوبها وقفت عند شباكها تنهدت لان من زمان ما امطرت
،
مدت ايدها دور جوالها , تنهدت من شافت ساعه ١٠ صباح , رمت جوالها على سرير ودخلت دورة المياه
طلعت وقفت عند تسريحه تجفف شعرها , فتحت دولاب مدت ايدها تاخذ عبايتها ورجعت لتسريحه تتعطر , ابتسمت وهي تشوف شكلها ومدت ايدها تتعطر واخذت شنطتها ونزلت تحت ابتسمت وهي تنزل من درج تسمع صوت ضحكاتهم ونطقت : صباح الخير
فهد أبتسم : يا هلا بالخير كله , ابتسمت ديم تسلم عليه وسحبت كرسي تجلس , لفت عليها انوار ونطقت : وش ذا روقان ؟
ديم : مادري اول مره اصحى صباح واكون مروقه
نجلاء لفت تناظرها : دوم يارب مروقه
ابتسمت ديم , غيث ناظرها ونطق : بتروحين للمهرجان ؟
ديم وهي تاكل : الحين ؟ , هز راسه غيث ب ايه وكملت : لا بروح اول شيء لاستديو بعدين بطلع للمهرجان
غيث : كويس اذا رحتي لمهرجان أتصلي علي
ديم : ليه ؟ وشعندك
انوار : بنروح انا غيث مو عازمتنا ؟
ضحكت ديم : حلو انكم ذكرتوا انكم وعاديني انكم تجون , اخيرا ما بغيتوا مهرجان بيخلص وكنتوا ماراح تجون
انوار : افكر نجي انا فصولي , كم باقي يوم ويخلص ؟
ديم : يومين
قامت من كرسيها واخذت شنطتها ونطقت : عليكم بالعافيه استاذنكم انا
طلعت من البيت وركبت سيارتها ومشت , مدت ايدها تشغل اغنيتها المفضله الف غصن من اليباس
وقفت عند كوفي تطلب لها قهوة درايف ثرو , مدت ايدها تاخذ قهوتها الايطاليه , ابتسمت من فاحت ريحتها بسياره شالت الغطا من كوب تحب تتامل قهوتها , شربت من قهوتها تلذذ في حالها وكيف هي لذيذ نزلت كوبها
فتحت شباكها لان بدت تمطر على خفيف , مدت ايدها ابتسمت من داعبها الهواء ونطقت من الاغنيه بكل حماس : لاح لي وجه الرياض في مرايا السحب
لفت من سمعت نغمه جوالها تنهدت لان خرب روقانها, دخلت ايدها وقفلت شباك ومدت ايدها تاخذ جوال ترد : رنا تدرين خربت علي في اسعد لحظاتي !
ضحكت رنا : طيب آسفه بس تاخرتي علينا
ديم وهي تناظر بطرق : يلا جايه بنات طلعوا ؟
رنا : ايوا , بس بقى انا قلت اتقهوى معاك قبل لا نطلع
ديم : سبقتك انا اخذت قهوتي بس ما يخالف بتقهوى معاك
ضحكت رنا : ما توفرين إنتي ؟
ديم : اذا كانت ايطاليه ما اقدر صراحه اتركها
ركب سياره ومد لسياف كوب كرك ونطق : توقع كم سعره وربي جتني جلطه من قال السعر بغو يشلوني جثه
ضحك سياف : كم ؟
جابر : ١٧
سياف : كذا اسعارهم
جابر : يكذبون علينا ! شايفينا هنود حاطين نفط بجبهتنا ! كلها حليب وشاهي وهيل , ليش هالسعر !
سياف لف يناظر : صدق ولد ديره , جابر أخذ كوبه يشرب منه ونطق : حسبي الله خلوني ادفع ٣٤ عالفاضي كانه شاهي عدني
سياف هو يمد ايده يا خذ كوبه وشربه : صح طعمه أقل من عادي مادري ليش مبالغ بسعر !
جابر : حمدلله صدقتني الحين
لف سياف يناظره : انا مصدقك بس لو تقولين سالفه بنت بصدق راح اصدقك أكثر , مو مصدق إنها هي الي بدت تغلط عليك ترا بالاخير هي بنت
جابر : احلف في ابوي انها هي غلطانه , بعدين ما اكذب عليك لسانه اطول منها ب اربع مرات وهي قد اصبعي , بعدين نسيت ذيك الي غلطت عليك يمكن مثلها هي نفسها ما تقول انها مصوره !
عض على شفته سياف ونطق : أوصفها لي طيب , يمكن صدق نفسها
جابر : ياخي ناسي شكلها لو تساليني وش عشاي امس ما جوابت , تسالني عن سالفه صار لها ثلات ايام !
سياف : شامه بخدها ؟
جابر بتفكير : اتوقع
سياف : شعرها كذا لونه اصفر مادري وش لونه بس مو اسود
جابر : ايي شكله هي نفسها بس يا انها عوبه لسانها طويل
فك سبحه من ايده واخذ بكت دخان يطلع من زقاره يثبتها على ثغره , حس بشعور غريب اول مره يحسه من بعد جابر تكلم عن ديم
عند جابر الي كان يشرب كرك هو مو مستمع ولا مبسوط لان نا عجبه , هو ضيع بين شكل ديم و رنا لسى اشكالهم
وقف سياف ونزل هو جابر , لف يلبس دس ياخذ شاهين ابتسم من دخل وسمع اغنيه خالد عبدالرحمن يا طير وظبتك بتدريب
