عند سياف الي دخل وعقد حواجبه ما شافها بصاله جالسه : نوف ! وش مجلسك هنا
نوف : كنت انتظرك
رفع حاجبه سياف وكملت نوف وهي تناظر بيدينه : قلت انك بتجيب لي اكل بس ما اشوفك مع شيء !
عض شفته من تذكر ونطق : معليش اغلب مطاعم قريبه من هنا مقفله اعذريني
سكتت نوف , وكمل سياف : انا رايح انام
مشى سياف يدخل غرفته , وقف يفصخ ثوبه وناظر بشكله بالمرايه ، ترك ثوبه بالارض ونسدح على ظهره
تنهد من سمع اذان الفجر طلع صباح هو لسى للحين ما نام
قام يدخل يتوضاء طلع اخذ ثوبه الي طايح ونزل تحت يدخل المسجد يصلي
بعد ما سلم رفع ايدينه يدعي : يارب اذا كنت مسوي ذنب ولا غلط أغفر لي
قام يطلع من المسجد صادف صقر ونطق : تاخرت بدري كان كملت نوم
صقر : تعرف نومي ثقيل ما صحاني الا امي
تنهد سياف ونطق : امي صحت يعني ؟
صقر : اي وتنتظرك تجيب فطور
سياف : بعد ما تخلص صلاه روح جيبها انت انا حدي تعبان بنام ما يمدي اجيب
مشى سياف يدخل شقه ابتسم من شاف امه بصاله و توجهه يسلم عليها ونطق : على اذانك بروح انام
عيده : بتنام هالحزه !
سياف : مرهق امي ما فيني حيل اجلس صحوني بعد اربع ساعات
مشى سياف يدخل غرفته وانسدح على سوير و نام علطول
'
عند رنا الي دخلت المستشفى و بيدها ورد , ابتسمت انتفح الانصنصير وشافت غيث ودخلت لفت عليه ونطقت : بتروح لديم ؟
عند غيث الي كان يطقطق بجواله ونطق : ايوا
رنا وهي تناظره : ايوا كيفها ديم يعمري الي صار فيها ما تستاهل حمدالله صار فيها شي كايد
غيث : حمدالله بخير
رنا بضحكه وهي تناظر بالانصنصير : تخيلي يصير فينا مثل ديم ونجلس هنا
رفع حاجبه غيث يناظرها مو مستوعب جراتها ، وكمل : تفاعلي بالاخير
مشي غيث من انفتح الانصنصير , ونطقت رنا بعد ماراح : وجع شايف نفسه على وش , ما قال تفضلي امشي قدامي !
دخل غيث هو معه الاكل , لفت انوار وهي تناظره : تاخرت لو طالبيني من سواق جاء قبلك
ديم : حدي جوعانه لي يوم ما اكلت
غيث : بالعافيه عليكم , انا طالع اذا بغيتوا شيء اتصلوا علي بكون موجود بالمستشفى
ديم : توك جيت اكل معانا عالاقل
غيث : رنا صادفتها قبل شوي قلت خليكم تاخذون راحتكم
ضحكت ديم , وناظرتها انوار ونطقت : وشفيك تضحكين
ديم : اخوك ذا مجنون
انوار وهي تفتح الاكل : اذا كإن بشيء زين يصير اخوك واذا بشيء مو كويس يصير اخوي
لفوا من انتفح باب ودخلت رنا وبيدها باقة ورد ونطقت بصوت عالي وهي تحضن ديم : سلامتك يعيوني وربي خفت عليك يصير فيك شيء
ديم : الله يسلمك حمدالله بخير انا
رنا وهي تحط ورد بحضن ديم : وربي خفت عليك اسالي انوار كل شوي اتصال عليها اسأل عنك
انوار : مره ازعجتني سبحان الله عائله نفس شخصيه يعني اخلص من فيصل تجين انتي
رنا رفعت حاجبها : الا ليش ما تدري على فيصل
انوار وهي تحط اصابعها على راسها ونطقت: مزاجي ما أبغى ارد عليه
رنا : عشتوا مسويه فيها زعلانه ابوي بكرا يجيب لك شنطه وترضين
ضحكت ديم , انوار : لا تطمني جاب لي شنطه وعقد بس ما رضيت
رنا : ما اصدق انتي انوار ؟
ديم : حتى انا مصدومه
رنا : عاد شوفي خلاص ارضي عليه ما يستاهل كل هالفتره وانتي زعلانه عليه
انوار بدلع : افكر
رنا وهي تناظر بديم : ايوا ماودك تقولين لي منهم بطل الي انقذك
ديم : يعني اقنعيني انوار ما قالت لك شيء ؟
شهقت انوار : وربي ما قلت لها شيء
رنا : خلاص اسكتي ماعلينا هو نفس شخص الي يقرب الي تهاوشنا معه
هزت راسها ديم ب ايه , ونطقت انوار : اي مكان تروح له ديم الاحظ انهم موجود اوفر !
ديم لفت عليها : الي يشوفك يعني حنا نتفق ترا بصدفه نشوف بعض
رنا وهي تغمز لانوار ونطقت : بصدفه انوار وشفيك بصدفه قالت بصدفه
ضحكت انوار , ونطقت ديم : قليلة الادب
