تَحت اسـَرِ الـَهِيب.•

Part6

"أسِيرُ ولَستُ أعلَمُ أينَ أمضي
غَريبَ الدَّارِ قد ضَيَّعتُ بعضِي"

شَـمس الدُچى
___________________

_ضليت حايره مادري شسوي الباب مقفول حتى ماكدر اطلع
تقدمت ع لشباك باوعت للمسافه بيني وبين الارض
ابتعدت خايفه

:- لَـهيب لصيرين غبيه وين تكدرين طفرين من الشباك المسافه بعيدههه اطيح واتكسر والله

_ رچعت باوعت واني صافنه بالسماء
ابتسمت واني اتذكر صديقتي فاطمه من اصفن ع سماء
تغني بصوتهه الي احبه

:- حايره والشوك بين عيونك
حايره تحبيني ويلومونك...

_ فزيت من صفنتي بعد ما الباب انفتح باوعت
الريس قميصه مشكوك وچهه مشرمخ
عبالك چان بـ، معركه
باوعلي واردف

:- كومي

:- وين

:- للكبور

_ باوعتله بطرف عيني تچه سحبني ويچر بيه وراه ضليت اعيط

:- وين ماخذي حيوانننن !!!.

_ وهو عبالك ميسمعني صعدني للسياره وحرك ضليت ادك والطم اصيح بس لا يا ميت يرد عليه
اخر شي سكتت ضلينه تقريبا اربع ساعات عرفت هو ماخذني لـ، غير محافظه
قريت لافته ع طريق

( بغداد ترحب بكم)

_ رچف كلبي ليش چايبني البغداد
ضل وقت طويل يمشي لحد ما دخلنه لمنطقه اول مدخلنالهه نقبض كلبي
باوعتله واردفت

؛- حباب چاوبني وين ماخذني

؛- ههسه تعرفين

:- حباببب احچييي كلبي حيوكف

:-، لانكس منطقه بـ، بغداد
( البتاوين )

:- اول مره اسمع بـ، هيچ منطقه

:- ههه ههسه سمعتي بيهه وهم راح تعيشين بيهه

_ ضليت الطم ع وچهيي
وصلنه المكان طالع منه اصوات اغاني عالييي سحبني من ايديي واني مفرفحه من البچي
دخلنه لكيت بنات صغار وكبار يركصن
واكو ولد كاعدين ع كراسي قسم يشربون وقسم يمهم بنات وقسم يصورون بالديركصن
ضل يمشي بيه لحد موصلنه لغرفه
دخلنالهه لكيت مره كاعد عچوز وبيدهه چكاره براطمهه مترين ليكدام باوعت للـ، رَيـس وابتسمت اچت تدلع بمشيتهه ولزمت قميصه موقف كله اشمئزاز ضلت تقبل بيه وهو يبادلهه اچيت اتقيئ وهو مندمچ يتلمس بچسمهه اخر شي ابتعدت وباوعتلي

:- منو ههاي حبيبي

:- وحده كحـ** شغليهه وياچن

_ كعدوا يحچون ويسولفون واني دموعي ع خدي اخر شي طلع الـ، رَيـس وهي اچت عليه وهو تتفحص بـ، چسمي لزمت خصري وچعصته

:- هه خوش يختار الـ، رَيـس

_ طلعت بره شوي واچت وياهه بنات ثنين كعدت تحچي وياهن

:- اريدچن تعدلنهه تمامم

_ هزوا الهه راسهن وچرني وراهن دخلنه الغرفه لكيت هماتين نسوان هناكه ملابسهن تخزيي وي نفسي مالبسهه البنات يبدلون الي واني بس دموعي تنزل يردن يحطلي مكياچ بس ماكدر اسيطر ع دموعي
اخر شي وحده ضربتني راشدي حتى ما ابچي چريت المزهريه الي بالكاع وحطيتهه براسهه
طاحت البنيه بالكاع والبنات ضلون يصيحن........
_____________
البارت قصير بس حنزل بالليل ان شاء الله
🌟😔