ناجيتُ قَبرَكِ
استوحي غياهِبَهُ. عن ْحالِ ضيفٍ عليهُ مُعجَلا يفد. وردَّدَتْ قفرةٌ في القلبِ قاحِلةٌ. صَدى الذي يَبتغي وِرْداً فلا يجِد
شـَمس الدُچى
_____________
گعدت ع اثر الشمس الضاربه بعيني باوعت ع گبر امي بسته وحضنته حيل ماريد افاركهه مره لخ طلعت من المگبره حايره وين اروح
رحت للامام زرت وبچيت انهد حيلي
؛- يا ابو الايتام ماعندي غير الله وانتَ تعبت والله تعبت
_ ضليت ابچي بحرگهه نمت بلامام شويه وگعدت طلعت من الامام چوعانه شفت محل رحتله شتريت گيك وعصير گعدت ع رصيف اگل الي يعبر من يمي عباله مچديه ملابسي متربه حال الظيم حالي
ضليت امشي بعدت حيل عن الامام ضليت امشي هوايه رچليه طاحن وصلت لمنطقه بيوتهه حلوه عبالگ قصور وصلت يم بيت حيل عچبني اگو حرس محاوطين الباب رحت ع واحد منهم
:- سلام عليكم
:- وعليكم السلام منو انتَ
:- عمي اريد اشوف صاحب البيت
_ راح الاصدقائه ضلوا يسولفون ويباوعولي مدوا ايدهم ع چيوبهن ماعرف شطلعوا رچعلي الولد مدلي ايده
:- هاك بويه
_ باوعت ع ايده بيهه فلوس غصب عني نزلت دموعي باوعتله
:- عمو اني مچاي ع فلوس
_ ضل صافن بوچهي
:- بس طلبت منك اشوف صاحب البيت
_ هزلي راسه ودخل للبيت ضليت اتلفت شويه وطلع الرچال
:- تعال بويه ورايه
_ رحت وراه دخلنه للبيت وداني لصاله ملگيه گلش حلوه اگو شخص لابس اسود باسود حيل فخم باوعتله مرتبگه اشرلي اتقدم رحت يمه واردف
:- تفضل بويه
:- ها....
:- تريد تشوفني
:- ها ا ا يي يي
_ ضحك ضحكه چابني خله صبعه ع حنكه
:- يي گول بويه لتخاف شسالفه لازم عليك سچينه
_ استغربت ليش يحچون ويايه بلمذكر بس قررت امشي ع ههذ الشي اسوي نفسي ولد
:- لصراحه اني مرايد شي بس ا ااا
:- اا اا
:- هه عچبني القصر
:- فدوه الك القصر وراعيه بويه
:- عمي
:- كول
:- خنعيش هنانه
_ ماحسيت بس من ضربهه ضحگه قويه باوعتله بارتباك ضميت وچهي بايديه
:- احم احم يي بويه تعيش ليش ماتعيش
:- والله!!!!!.
:- والله بس مو بـ ههذ القصر ما أمن بيك
YOU ARE READING
تَحت اسـَرِ الـَهِيب.•
Misterio / Suspensoانـتظرتُ يُـومَ الِانتقَـامِ لِگي ارَى گَـيف يَتعَذب وانا ابتسمُ..•
