خطوات متعثرة

الـرف الـخـامس

السلام عليكم ورحمة الله وبركاته
اللهم صل وسلم على نبينا محمد وعلى آله وصحبه

___________

.
.

عمه : ادم أعقد عليها
تنهد بهم حسيته مقهور عليه واني اكره شعور احد ينقهر عليه جثير اكرهه طول عمري ما ابين انو بيه شي وحتى من تصيرلي مشكله ابين انو اني ممهتمه حتى لحد ينقهر عليه

ادم : يمه متشوفين هيا ماتريد تزوج شون أعقد عليها هيا بعدها صغيره اصلا

عمه : واذا صغيره عود من تكبر تزوجو

ادم : يمه مو حل هذا الحل تخلوها براحتها تكمل اقنعي ابوها خلي يكفون عنها

تحسرت عمه وطلعت من الغرفه وهوا ضل كاعد ع القنب  راسي للحايط ضل كلبي يدك بعده هش رغم قساوه هل دنيا عليه شويه طفه الضوه وطلع دموعي تنزل بلا صوت شيصير لو عندي عيله تحبني شيصير لو اني مثل هل بنات بجيت ليما حسيت نفسي تعبانه مدري شلون نمت

بكيتُ وهل بكاءُ القلبِ يجدي؟ 

فزيت على ايدين عمه وهيا تمسد على شعري
فتحت عيوني بثقل اباوع لوجهه شكد تمنيتج يا عمه تكونين امي بس الله يعلم شكد ابتسامتها تريح الكلب

عمه : يلا كومي عمري غسلي وجهج خلي اصبلج عشه

باوعت للساعه جانت بالادعش كمت بدون ما احجي احس بكل يوم يشعلون روحي شعل ميبقى بيه اي لون غسلت وجهي فكيت شعري دا اللفه وجان يطلع من الحمام الخاولي على خصره وشعره مبلل وكف يباوعلي لفيت شعري وخليت الطوقه لبست الكبع وطلعت من المغاسل للمطبخ عمه جاي تصبلي اكل باوعتلي مبتسمة

عمه : يلا يا عيون عمتج تعاي اكلي

نزلت راسي
وتين :ما اريد عمه
ما انطيتها مجال وهيا تعرف مراح اكل كبل
فتحت باب المطبخ اباوع للسما مطر والجو جثير حلوه وبيت عمه حديقتهم تجنن تجمع  الدمع بعيني مقهوره على نفسي حيل مقهوره اخذت نفسي ودعيت لربي مثل ابتلاني هل ابتلاء يخلصني منه،فتحت باب الحوش اباوع لبيتنه شكد ما اريد ادخل اله ولا تعجبني الكعده بي دكيت الباب وره فتره يلا طلع ابويه وهم يعرفون اني ويشوفوني بالكاميرا بس ميطلعون بسرعه اول مفتح الباب جرني من شعري دخلني للمطبخ وسد الباب ركعني بالكاع وبدأ يضرب رغم قوتي محاولاتي انو ما ابين موجوعه بس تأذيت حيل ايده ثكيله رفعت ايديه لوجهي حتى الضربات متجي عليه  موجوعه وهوا يضرب ويخالك ويدعي عليه

:لج زباله محد خربج الا عمتج الس.. تراددين امج لج منيلج هل وقاحه الله ياخذج وياخذ الدقيقه الشفتج بيها عا..ة ق..ة ما تزوجين مو شوفي شلون ما تزوجين