#قلب_من حديد

"القَلب الثالث "

وتين كلبي لاتنسون متابعه الحساب myamyn_22

تدري ليش انت تنوجع وتتاذه وتكون انتت الضحيه وانت المضلوم وانت الي يوجعك داخلك وانت وانت... تدري ليش ؟ لان گلبك طيب لان عندك ضمير لان تتصرف بعقل لان تخاف ع الي تحبهم لان انت الي تقدم كلشي يفرحهم تقدملهم فائق الاهتمام وفائق المحبه لهذا السبب تتاذه لان ميقدرون مشاعرك
...مــَنْ يَــتــرگــنـــي وَ يــرحَـــل ســَأعــتــبـِره مــِثــل آلــذي تــَرك الــدُنــيـّا وَ رَحــل عــَنــهــا
*فَــأمــواتِــي لَا يــعــودونَ حَــتــى لــَو أتــعــبــنــي فـراقَــهــُم ...
_________

ام ناز: لجج عيني ناز بنتج تبجي تعاي عيلها رضيعها مداشوفيني ملتهيه بجهال اخوج مو طفله راح تموت شوكت تحسين بنتج
ناز: اوووف يوم مالي خلكها تيجي تسكت هاي الممه بتليت بيها اني لو مابتليت خليه هيه تبجي وتسكتت وحده
ام ناز: خافي الله ناز طفله مالها ذنب شنو ذنبها دفعينها هالغلط قابل هي الي خلتج تزوجين ابوها لو انتي دكيتي رجل اله تاخدينه
ناز: يمههه اكره ذيج العائله اني بسببهم دمرت حياتي روح ذكرني بعذاب مااعرف مامه اني مااريدها ولااريد اشوفها ولااعتبرها بنتي روح غلط جيته لهل دنيا
مؤمل: شنو هذاا حجي نازز ترا بنتج مو بت شارع صيري انتي احسن منهم وربي بتج خاف الله بيهاا شنو ذنبهاا طفله
ناز: مؤمل مااكدر اموت الف موته كله بسببهم اني مااريد اقربها حتئ من تكبر تبقئ نار حقد والانتقام بداخلها مااريدها ضعيفه اريدها تاخذ حقها
مؤمل: ماكو فرق بينج وبين شهيناز بس فرق شهيناز شمرت اصف وفجر بكل برود ودم بارد انتي لو ماعذاب رافضها ومايردها هم شمرتيها انتن بلا كلب حيوانات حرام والله تسمن امهات
ناز:.........
ام ناز: اسكتي لان اخوج حجه الصدك لا ليش تكبر هسه انطيها اسلاح خل تروحلهم بالاول انتي شوفيها شبيها مابيها وبعدين كولي تنتقم ولج طفله تريد شي تاكل تريد تحس بحنانج كاافي
ناز: انتو كاافي مامه اذا انتي هيج كاتلتج المحنه ربيها وي اطفال مؤمل هي هم بنت بنتج مو غريبه ماكو فرق بينهم
مؤمل: ترا مو بس انتي خسرتي هاي اني كدامج عكاب جرها مني كدامها وكسرتني خيرتها بيه وبااهلها اختارتهم باعتني برخص الثمن ودست علئ كلبي وكملت حياتي اعتبرتها درس وتعلمت منه ومراح اكرر الغلط مرتين فلا تصيرين بلا ضمير نفسهم راجعي نفسج نااز اني متاكد انتي مراح تاخذين كلامي
ام ناز: خليها خليها الله يعوضك يمه ويجبر خاطرك بس هاي اكولها لك تعال شوفه اصف وفجر حيل متعلقين بروح ويحبونها تعال يمه شوفهم يخبلون
مؤمل: سباع ابوهم يمه ربيهم للاشبالي هذوله قطعه من كلبي
ام ناز : والله يمه طفله خطيه راح يصير عمرها سنه وهيه شمرتها ماتعرفها جوع تشبع تاكل تنام
مؤمل: الله كريم يمه تفرج ماضل هيج راح انام اني
ناز: ماجنت اعرف البعد هذا راح يسبب فجوه بيني وبين بنتي وراح تكرهني اني ينطبق عليه مثل الام التربي مو جيب اني بس جبتها وامي ربتها كبرت روح صارت اسمي امي مامه وتلعب وي جهال مؤمل صح تجي يمي بس متعرفني امها جانت اذا سوي شي اكتل روح واذا لزمتها ابد مارحمها جنت اطلع قهر بيت عكاب بروح وهيه دفعت ثمن غلطتهم
كوثر: اكلج انتي لاشوكت تبقين هيج بعدج صغيره لازم شوفين حياتج مو عذاب زوج
ناز: غير اخذلي واحد من مستواي نفس مااريد خما ازوج يطلع نفس عذاب
كوثر: هم صدك رحتي زوجتي ورطتي نفسج بنت شستفاديتي هسه لاانتي هيج ولاهيج
ناز: حتئ لو زوجت راح اكولهم روح اختي مو بنتي من كل عقلج اكلهم بنتي تبقئ سر بينه لو اكلهم بنت مؤمل اخت اصف وفجر لان متعلقين بعض
كوثر: اي صح مؤمل هم يحب روح حيل متعلق بيها يعتبرها بنته حالها حال فجر واصف
ناز: مااعرف عذاب شلون ينام ليله بكلب بارد ولاكأنما بنته من دمه ولحمه شمرها ولاسئل عنها
كوثر: انتي تعافيتي انتي واخوج مو جان اخوي رايدج وشاريج ويحبج عود ردت اختي هم وياي بس انتم تعافيتو والله نحب شحصلتي هسه من الحب
ناز: شحصلت غير طيحان الحظ روح راح تدخل 4 سنوات ماتدري منو ابوها حسابلها ابوي اضحك علئ نفسي
كوثر: انتي ضلين هيج روحي زوجي مثل مازوج
ناز: هو مفكره ازوج بس لازم اول قرب روح الي اريد اعلمها علئ القسوه اخليها من تكبر ماتنسئ الصار وياها ابد حتئ اذا فكرت بيوم سامح عذاب راح تذكر كسرته وتحقد عليه حسباله راح سكتت الها ابد والله مايدري الورقه رابحه بيدي
كوثر: صايره تخوفين ناز اصلا هيه روح ماتعرف اصلا بتج ضحكين علئ روحج تقربينها هي سمي عمتي مامه دسكتي ناز سكتي
ناز: كوثر اني مو ماعندي كلب ولااضحك علئ روحي بس احس حساس جبير اي لحظه يجي عكاب يسحبها مني لهسه لوعت الاكبر وناره بكلبي ماتطفئ حرمني منه مابقت بس صوره واحس حتئ الموت محاوطني بأي لحظه اخليها تعلق بيه واتعلق بيها اي نيمها بحضني ارتب واهتم بيها كلبي وجعني عليها