#قلب_من حديد

"القَلب العاشر"

وتين كلبي لاتنسون متابعه الحساب myamyn_22

لم تكُن خيبة فقط أنما
ڪانت صفعة جعلتني أحذر للأبد .َ..

روح :مرحلة التعافي تاخذ وقت مو كل يوم راح نكعد من النوم ونكون فاهمين نفسنا ومشاعرنا ، يمكن بيوم نكعد ونحس انو خلاص اختفى الوجع وتحررت ارواحنا من عنده  وباليوم الثاني نكعد ونحس ان البارحه الصار  ما راح يكون التعافي بشكل مستقيم ، راح نبقى هيج يروح ويرجع الشعور لحد مانتعود..

وصلت للعراق وجنت مشكله سماعات داسمع اغنية للااصاله احب هاي الاغنيه برغم قديمه بس كلماتها الهن الف معنئ بحياتي اسمها(مبقاش انا) وصلت مقطع "لو ماركعتش تبكي عشان تركعلي انا مبقاش انا لو ماحلمتش ان الثانيه فبعدي سنه "رجعت لواقعي علئ صوت هبوط الطياره خالو صافن بيه احس الرجفه ملازمتني خوف وقلق ومغص برغم معندي ذكريات بغداد بس العراق بكبره كلمه توجع بالف معنئ لزم خالو ايدي اني متردده اريد ارجع
مؤمل: اذا ماراح نواجهه مخاوفنه ونتقبلها ماراح نتعلم شنو الفائده من كلشي  نسوي واحنه مامواجهين شي اليهزمنه ومانكدر نتخطئ صح صعبه عليج بس لازم لان اول تالي راح ترجعين
روح: اريد اصرخ حيل حس شي جاي يخنكني هاي الساعات اني جاي اعيشها بروح محارب ماجاي اسيطر علئ رجفتي وكلبي صعبه تتخطئ هل شي
مؤمل: شبيج ياروح مؤمل  شبيج رويحتي
روح: حس أكو نغزه  بگلبي مااكدر اتخطئ مااكدر احس رجعت لنقطة الصفر ذاك اليوم الاسود
مؤمل: اشش. وياج اني وياج اني اتقوئ بيج روح لاتكسريني بضعفج انا بالبدايه جنت نفسج بس تخطيت روح لازم نرجع لحياتنه هسه لبسي الكمامه
روح: شميت هوئ بغداد حسيتت دخل بريتي لبست الكمامه اجتي السياره والسايق خالو صعدنه جانت ليل تقريبا 3 ونص وصلنه فندق حجزنه غرفه دخلت غيرت ملابسي تعبانه متكسره من الطياره
مؤمل: يلا خل نام هاي ساعات لان صبح ورانه كعده تعاي نامي بحضني صار فتره مامنيمج بحضني
روح: اجت نمت بحضن خالو العجيب خالو بسرعه ينام بس نومه خفيف بقيت فكر بس المشكله دخلت روحي بيها يارب ساعدني نمت كعدت الصبح
مؤمل: تمام عيني لاراح نجي افهمك شنسوي
رائد: بالك شي خطه مؤمل حتئ انفذها اني تصلت بالضباط جبتلك من البصره 4 من خيرة الشباب وراح يفيدونه
مؤمل; مو بالي شي اني ماجاي وحدي هسه اوصل وافهمك شنو تسوي بلا حجي زايد باي يلاا بنيتي كومي لبسي هذاك القناع لبسي لان لازم نطلع
روح: باوعت قناع عزاا هاي شنو والله شعور حلو دخلت سبحت وطلعت طلب خالو ريوك تريكت رتبت نفسي وعطر برزت عيوني بالكحل يلاا امولي كملت انت بعدك
مؤمل: امولي بعينج رجال شكبرني تصيحيلي امولي مو اجي ادكج من الصبح يازماله 
روح:،اعصابك يعمري ريلاكس ريلاكس ميصير واحد يدلعك يشاقه وياك شبيك متحمل عيني
مؤمل: اي مو كدامج اغو راحت هيبتك مؤمل امشي يلا خل نطلع نحجي بابسياره
روح: نزلت صعدنه خالو اليسوق شراح اسوي علمود هل القضيه ترا خطره ومتقبل الغلط
مؤمل: من ضمن هل القضيه اكو بنات يروجن لهل شي لازم نلزم راس الخيط احنه محتار شسوي
روح: باع خالو برائي لازم قبل لايوصلن البنات لكلية تلزمهن   **** شنو رائيك بهاي الطريقه بدون خساير وتصير مداهمه بدون ميعرفون ولايحسبون حساب لهل شي
مؤمل: لج عاشش شلون مافكرت هيج كلام صح بهاي طريقه راح نضرب عصفورين بحجر واحد
روح: تلميذتك حبيبي بقينه نضحك وصلنه لمكان مطوق وجبير  خالو لبس القناع العسكري والزي مالته زايد من جماله اني كدامه نمله لازم ايدي الكل يدك تحيه النه طبعا هو منطيني سلاحه ثاني
رائد; حياك الله سيدي احترامي تفضل
مؤمل: الله محي اصلك تعالو وراي اريد المهمه هسه راح نطلع لان تعرف ماعندي وقت اكمل مهمه ورجع باجر بسرعه وين الجنود
رائد: ليش مستعجل سيدي خل ننتظر شباب
مؤمل: مو مستعجل بسرعه علئ مهمه الثانيه شباب ينفذونه الغرفه جيبهم يلااا
روح: الظاهر خالو سحلهم سحل وراح يسحلني وياهم الكل حضر وخالو وبدأ  يشرحلهم هم يدققون بكلشي اني بس هيج واكفه تمثال او بالأحرى صنم
مؤمل: ذيبه السفاح كملي عندج اضافه الخطه
روح: متعوده علئ القابه  سيدي المفروض ميصير هيج مداهمه لان طرف الثاني راح يوصله خبر يشرد مراح نستفاد شي راح اروح اني اخذها علئ جنب بحجة اعرفها ***** من بعده اروح البنت ثانيه بنفس الطريقه حتئ ميوصل شي لهم
مؤمل: عاشت ايدج اعتقد الخطه عدكم يلا نروح بس بهدوء رائد اخذ اثنين من الجنود فقط ويانه تعاي بسيارتي وسيارات مدنيات مو عسكريه
رائد: صارلنه بالسنين نركض وراهم بلحظه اجيت انت وسفاح حليته مال اطم روحي احسن
روح: صعدت السياره جانت مضلله نزعت قناع لبست كمام كملنه طريقنه وصلت بنت سبحانه الله تصيح من بعيد اني مو راحه
مؤمل: يلا رويحه انتي كدها خلي ابسلاح وياج
روح:  جريت نفس حضنته خالو نزلت اني الها عيني مرخصتج شوي تعاي اريدج بموضوع وحدنه..
البنت: روحن بنات هسه اجي بس شوف ام عيون
روح: راحن بنات هي طك بعلجها ابتسمت تعاي بعيد شوي افضل الموضوع حساس ودزني عليج **** تعرفينه انتي كال الفضه يمها
البنت:،تعااي منو يضمن كلامج صح ودزج عليه
روح: جربيني من كلامج تكدرين تتاكدين بس مصار عنده مجال يتصل عليج لان سهران جان
البنت: بس خل يخفف شوي الازدحام ويجي ** وادزج اله اذا ردتي بعد خابريني اني اجيج اخذج للشقه هناك هم راح تستفادين
روح: هههه بكلمتين سحبت بوش هي دارت وجهه تريد تطلع جهازها تخابر خليت السلاح بخاصرتها كلمه وحده طلقه ازرف جسمج دير بالج تصرخين محد راح يخلصج مني كلامج مسجل وكدامي بدون صوت للسياره مااريد كائن من يكون يحس
البنت: حقيره الله ياخذج منو انتي مريضه واصله لمرحله بالادمان اني اني انطيج بس تركيني
روح: امشي بت الكلب اخذته وهيه توسل بيه صوتج مااسمعه كدامي اذا شردتي تنقتلين يلاا كدامي
البنت: ابوس ايدج عوفيني انطيج فلوس والتريدينه
روح: وصلت للسياره وشمرتها اخذوها الجنود
مؤمل: هههه والله عاشت ايدج خل نحقق وياها يلا نمشي للمركز لان هذولي هم اجو ضباط
روح: شربت مي رحنه وصلت المركز هيه اخذوها تبجي وتحلف شبعوها تكفخ ههههه نزلت خالو يمشي بهيبه وياه رائد فتح الباب ودخلنه لكل جان كاعد لعجيب خالو لابس قناع زين اني عادي البسه لان هو يخاف علينه ميريد يكشفني من ضمنهم حتئ ماباوعتلهم... اصلا منو هذوله الكل سلم واخذ تحيه لخالو طبعا مشموله بهل تحيه حبيت هذا ابمجال صار كل شغفي اكمل ودخل سلك عسكري
مؤمل: السلام عليكم شلونكم ابطالنه
الكل: وعليكم السلام سيدي
مؤمل: اكيد ماتعرفوني لان تعرفون شغلي شنو وياكم العميد خل نكول مجهول افضل
رائد: سيدي مو لهل درجه علئ اقل يعرفون اسمك
مؤمل: سمعنه سكوتك انت مو مهم الاسم
سامر : شوف الطلقه الوياه بويه العيون صوبتني هاي لو تريد اشتغل جو ايدها اشتغل واني الممنون
الاكبر: تأكل نعل لايطلعونه بالجلاليق والدفرات منا
اسد: العيون العيون قصة ثانيه موضوع ثاني
مؤمل: اول خطه احنه نفذنها هسه راح نحقق لو اني تعبان يلا بنتي كملي بمكاني يبعد حيلي
روح: هزيت راسي بقيت اشرحلهم الكل صافن مرات تجي نظرات بس ماركزت بشكلهم حاليا البنت موجوده الي راح نسوي **** لازم اروح للكلية اني ومنو سيدي حتئ طرف ثاني ميشك والبنت الثانيه يروحله شباب لان علئ اساس اتصال هذا
مؤمل: ممتاز هسه راح نبدأ نشوف منو يروح وياج للكلية بس اتمنئ الكل ياخذ الكلام بدون غلطه
سامر: ولك ابو فاضل معت بس بالكلام ياربي كون اني اروح ويااها نذر عليه اذبح طلي احم سيدي اني
الاكبر: كلامه واسلوبها وحركاتها تصرفاتها لبسها العيون التموت ماباوعتلها بنظره وصخه الله يشهد عليه صح سامر واسد وضباط صاافنين بيها هي شلون تشرح الخطه بنظامو لاكأنما احنه موجودين اكثر النظرات للعميد الي مانعرف اسمه. ولاشكله ولاشكلها بس عيونها  الوساع مبينه من نطق سامر
روح: رفعت راسي علئ مصدر الصوت خزرته خزره انت ماتفيدني لان احس مو كدها مو تقليل منك بس انت وبعد الي يمك راح تروحون للبنت بالكلية الثانيه لان مااريد نجازف بهيج مجازفه
مؤمل: المهم شباب عرفونه عليكم حتئ نوزعكم
اسد: هنا ضحكت بااستهزء علئ كلامها صح كلامها جان حلو وتفكيرها واسلوبها والتنعوص مالته بس من انطتني المهمه اني وسامر حسستنه انو احنه مو كدها ردت اكوم افشلها بالحجي بس تجاهلته اني اسد ****
الاكبر: ردها جان ضربة راشدي لسامر بس باسلوب ثاني ضحكت دنكت اني الاكبر عذاب سيدي
سامر: واني سيدي سامر ***
مؤمل: شرفت بيكم كلكم الاكبر انت راح تروح بهاي المهمه وي سفاح هسه ندخل تحقيق وسامر واسد للكلية الثانيه سحلون البنت والولد انتو راح تروحن لهاي مهمه مااريد اي خساره
الكل: حاضر سيدي
روح: جانو اكثر من ضابط صارت مهمتي وي الاكبر ليش خالو مخلاني وي رائد مااعرف دخلنه تحقيق ولكل موجود هيه تبجي خايفه ليش خايفه هسه صرتي تبجين وخايفه من تبيعين بهل سم وتستدرجين البنات ماتخافين موووو
البنت: والله هددوني مادري اهلي يقتلوني اذا عرفو
مؤمل: ليش انتي منيلج الاهل ترا معلوماتج كلها عدنه  امج فقيره وتشتغل بالبيت
اسد: جان التحقيق كفيل يخلي الواحد يعترف صلختها براشدي هاي تكت الاكو والماكو  شنو تطلب منها تنفذ فعلا نفذت البنت الكلام واحنه واحد يباوع بالثاني
الاكبر: تحقيقها وتحقيق العميد بدون تعب بدون مراوغه ساعات قليله وحجت البنيه كلشي واخذنه الكلام باوع لنظرات العميد للسفاح مااعرف منو كل دقيقه اسم اسد طاك صفنه سامر كذلك
مؤمل: الكمامه ماتنزعينه لكائن من يكون ديري بالج اخاف شايل سلاح لاتاخذين وتنطين بالكلام
روح: لاتوصي حريص يروح انتي خلي بالك متطمن
سامر: هنيالك الاكبر راح تروح وياهاا عمي بالعباس مو بت شنو رتبتها يمكن اعلئ من رتبتنه
اسد: باوعلنه العميد يمكن مرته شوف شلون حاضنها يحجي وياها بحب يعني لاتعب نفسك