" قلبٍ يحبك ليه في حقه قسيت "

اول لقاء

فتحت عيونها بسبب ضوء الشمس الي ازعجها ( اسيل بانزعاج ) : اوفف حتى في الاجازه منكدين علي
( ام اسيل ) : يلا اصحي تاخرنا على جدتك كلهم ينتظروننا تحت اخلصي
طلعت ام اسيل وسكرت الباب بقوه ~
( اسيل ) : ياليل في احد يصحى 8 الصباح اذا تخرجت اول شي بسويه اهج من بيتكم هذا
رمت الساعه على الباب بزعل ~
( فتحت ام اسيل الباب ) : ولعنه تلعن العدو انا اوريتس
( اسيل بخطوات متسارعه خارج الغرفه ) : خلاص خلاص قمتتت
( ابو اسيل ) : يالله صباح خير شفيه شفيه
( اسيل ) : بابا تكفى قولها اني قمت
( ام اسيل ) : تتخبين ورا ابوتس يعني تحسبيني ما اقدر اهبدك هاه
( اسيل ) ركضة بسرعه ودخلت الحمام وقفلت الباب : اه كنت بودع
~~
[ عند سعود ]
( نجلاء ) : حبيبي يعني بتروح
( سعود ) يلعب في ولاعته بصمت
( نجلاء ) حاوطته رقبته : سعود
( سعود ) : هاه ايش فيه
( نجلاء ) : شفيك مع مين مشغول بالك اسألك بتروح لاجتماع اهلك اليوم ؟
( سعود ) بعدها عنه واخد مفتاحه: اي بروح تاخرت
( نجلاء ) تقدمت له بخطوات متسارعه وحضنته من الخلف : بتجي الليله صح
( سعود ) : مدري لاتنتظريني
( نجلاء ) : طيب متى بتعلن زواجنا عند اهلك
( سعود ) : قريب ان شاء الله
[ عند الجد بدر ]
الجد : خالد اتصل عليهم تاخرو
خالد طلع جواله : ابشر
( اسيل ) بهمس لامها : قومتيني قبل الشحاذه وبنتها واخرتها محد جاء
( ام اسيل ) : انتي ما تعرفيني تسكتين بعدين انا امك مو صديقتك
( اسيل ) وقفت من مكانها : انا بروح افر على ما يجون
طلعت من البيت وقعدت تمشي دخلت إسطبل جذبها خيل كانو حاطينه لحاله بدت تمسح عليه : الله مره جميلل
( سعود ) صرخ بصوت عالي : يابنت لا تلمسينه ترا بندمك
( اسيل ) غطت وجهها بالخيل : ياليل من ذا بعد
( سعود ) تقدم لها وسحبها من عند الخيل
( اسيل ) : بعد عني شتبي
( سعود ) يحاول يلف وجهه له : وريني وجهك بخلي جدي يطردك
( اسيل ) تحاول تقاومه وتبعد : وجع اتركني
ماقدرت تقاومه كان اقوى منها بكثير
( سعود ) طاح ومحد سمى عليه كانت جميله جدا شعرها اسود طويل وتحت شفايفها شامه وبخدها الايسر غمازه وعيونها كانت سودا وكبيره : ميـ..ن بنته
( اسيل ) طاحت عينها في عينه : سعود
( سعود ) : عيونه
( اسيل ) : وجع يوجعك
( وليد ) : سعود
( سعود ) رمى اسيل عند الخيل وسكر الباب : هلاا
( اسيل ) تألمت من الحديده الي جرحت يدها : اه الله ياخذك تعورت اففف