" قلبٍ يحبك ليه في حقه قسيت "

5

لاف منشفه على خصره ويبعثر شعره المبلل
( مجد ) : انت ماتعرف شي اسمه خصوصيه ؟
( وليد ) : منسدح على الكنبه ويتأمل مجد : اوف ياولد جسمك رهيب
( مجد ) : رمى المخده عليه : قم اذلف برا لا اتوطى ببطنك
( وليد ) : جيت بقولك ان كل الكبار راحو قبلنا بس باقي حنا والبنات
( مجد ) : والمطلوب !
( وليد ) : المطلوب انك تاخذ نصهم
( مجد ) : خلاص يصير خير الحين اذلف
( وليد ) : طيب لا تتاخر
[ البنات ]
( اسيل ) : ريهامي تكفين سوي يدي الثانيه مناكير
( ريهام ) : تمام قربي
( جميله ) شايله ثلاث شناط : الحين ايش البس
( اميره ) : يلا يا بنات تاخرنا بننجلد امي تدق من اليوم
( قامو البنات يلبسون عبايتهم وتوجهو للخارج )
ركبو كل البنات الا ريهام واسيل
( وليد ) : خلاص مجد بيجي بعد شوي اركبو معه
( ريهام ) : لا لا بروح معك
( وليد ) : يعني اسيل تروح لحالها
( امال ) : روحي خلاص حرك ياوليد تجي مع مجد
حرك وليد سيارته وطلعو للمخيم
( ريهام ) : ذكريني اصفق امال اذا شفتها
( اسيل ) : شفيك عاد ما تبين تروحين مع مجد
( ريهام ) : سالفه طويله بعدين اعلمك
قاطع كلامهم مجد وشغل سيارته
( اسيل ) : بسم الله متى جاء هذا
( مجد ) فتح الشباك : متى ناوين تركبون
ركبو البنات السياره
(ريهام ) بهمس لاسيل : هي بنت قولي له ابي السوبر ماركت
( اسيل ) بنفس مستوى الصوت : وليش انا
( ريهام ) : تكفين
( اسيل ) : خلاص طيب .. مجد
( مجد ) : هلا
( اسيل ) : بالله معليك امر عادي تمر السوبر ماركت
( مجد ) : زين
( ريهام ) بهمس لاسيل : شفيه هذا نفسيه
( اسيل ) : خلاص اص لا ينزلنا من السياره

وقف عند سوبر ماركت
( مجد ) : شتبون ؟
( ريهام ) : لا انا بنزل
عرفها من صوتها ( مجد ) : طيب يلا امشو قدامي
دخلو السوبر ماركت ومجد كان طول والوقت يمشي وراهم
( مجد ) : خلصتو
( ريهام ) : اي
( مجد ) : خذي المفتاح بحاسب واجيكم
( ريهام ) : طيب
( اسيل ) : بهمس : ريهام فيه كوفي قريب ابي قهوه تجين معي
( ريهام ) : مالي خلق راسي مصدع روحي لحالك
( اسيل ) ضربت راس ريهام : نفسيه اكره النفسيات
( ريهام ) : قدها
( اسيل ) باست راسها : امزح معتس
( ريهام ) : روحي قبل يجي مجد
( اسيل ) : اي صح
طلعت اسيل للكوفي ورجعت ريهام السياره

دخلت اسيل الكوفي ووقفت عند الكاشير تطلب
( اسيل ) : ايس امريكانو لو سمحت
( الكاشير ) : شي ثاني
( اسيل ) : لا بس كوكيز
( الكاشير ) : ابشري انتظري ثلاث دقايق والطلب بيجهز
( اسيل ) : تبشر في الجنه
سعود الي كان واقف وراها ويدخن
( الكاشير ) : اخوي ممنوع التدخين داخل
( سعود ) نفخ الدخان في وجهه : مو شغلك
سحب اسيل معه لخارج الكوفي
( اسيل ) : خير اتركني شتبي بعد
( سعود ) : تبشر في الجنه اجل
( اسيل ) استغفر الله واتوب اليه نعم حرام اقولها يعني
( سعود ) : اي حرام وامسحي الي حاطته على عيونك
( اسيل ) : مالك دخل ماراح امسح
( سعود ) : وبعدين من جايه معه
( اسيل ) : مع مجد
( سعود ) : مشاءالله ماعندك اب انتي
( اسيل ) : اوففف شتبي انت مالك دخل ماتفهم
( سعود ) : وجع قصري صوتس
( اسيل ) : يوجعك طيب
( سعود ) طلع جواله ودق على مجد : الو
( مجد ) : لبيه
( سعود ) : لباك ربي اسمع اسيل بنت عمي نايف بتجي معي
( اسيل ) : على كيفـ....
( سعود ) حط يده على فمها
( اسيل ) عضت يده
( مجد ) : خلاص طيب
( سعود ) يحاول يسحب يده : يلا سلام ، فكي فكي
( اسيل ) هزت راسها بمعنى لا
( سعود ) : ترا والله اكسر اسنانك الحين
( اسيل ) فكته : تستاهل قهرتني بما فيه الكفايه
( سعود ) : امشي قدامي يلا اركبي السياره
( اسيل ) : مالك دخل
[ عند مجد وريهام ]
مجد ركب السياره وحرك
( ريهام ) : لا دقيقة باقي اسيل
( مجد ) : راحت مع سعود
( ريهام ) : الله ياخذها
( مجد ) : هاه
( ريهام ) : سلامتك
[ عند البنات في المخيم ]
( اميره ) : وينهم ذول تاخرو
( جميله ) : معليه تو ماجو الناس
( امال ) ؛ انتو تدرون عمتي بتفجرنا لو عرفت ان ريهام مو معنا
( اميره ) : انتي سدي حلقتس و امورنا تمام
( امال ) : سمي
[ عند سعود واسيل ]
طول الطريق وجوال سعود يدق
( اسيل ) ماسكه راسها : انت هي صدعت فيني رد ولا قفل جوالك ماقدر اتحمل
( سعود ) : لو رديت بتزعلين
( اسيل ) : و ليه ان شاء الله ازعل
( سعود ) رد وفتح السبيكر
( نجلاء ) : حياتي خوفتني ليش ماترد
( اسيل ) تجمدت من الصدمه
( سعود ) : هلا ياعمري والله ماسك خط اذا وصلت اكلمك
( نجلاء ) : اوكيه ياقلبي باي
( سعود ) : باي
لف على اسيل بإبتسامه جانبيه
( اسيل ) شاده على يدينها ومنزله راسها وكل مشاعر الغضب والعتاب تتملكها : نزلني
( سعود ) بضحك : ليش يا بابا زعلتي
( اسيل ) كانت تحاول تكتم بكيتها : سعود نزلني
( سعود ) : خلاص هذي لفت المخيم روقينا
( اسيل ) تشهق
( سعود ) يحك راسه بتوتر : شفيك انتي
( اسيل ) : وصلني وانت ساكت
( سعود ) : من عيوني
( اسيل ) : الله ياخذ عيونك
( سعود ) ظغط بريك بقوه
( اسيل ) صقع راسها الشباك : يامريضض
( سعود ) يقلدها : يامريضض
( اسيل ) : انت شتبي مني ياربي انا شسويت عشاني يجيني شخص كذا
( سعود ) : وصلنا انزلي
نزلت اسيل بصمت وقابلت بطريقها ريهام الي كانت واصله قبلها بربع ساعه تقريبا
( ريهام ) : شفيها عيونك حمراء
( اسيل ) : لا بس من الدخان حق سعود
( ريهام ) : تمام نزلي عبايتك وعدلي الميكب حقك لان فيه ناس داخل
( اسيل ) : تمام دقايق بس
رتبت شكلها ودخلو عند البنات
كانت اسيل طول الجلسه تهوجس في البنت الي كانت تكلم سعود وايش سبب الجفى والصد الي يجي من سعود وتحس انها بتعاني كثيررر اذا تزوجته قاطع تفكيرها صوت جميله ( جميله) : اسيل اسيل
( اسيل ) : هلا ايش
( جميله ) : هالاسبوعين تراتس مو طبيعيه وين اسيل الي تسوي فعاليات وتسولف شفيتس
( اسيل ) ابتسمت : لا مافيني شي بس بمشي شوي
( ريهام ) : بجي معتس
( اسيل ) : زين امشي
[ عند العيال ]
مجد ووليد وخالد وغيث جالسين يلعبون بلوت
( خالد) جته رساله من ريم ورمى الاورق : سلمو لي على الاهل
( غيث ) : ياليل اخر مره نعلب مع متزوج
( مجد ) : ترجع تبي تلعب بلعنك
( خالد ) : دزو امها
طلع خالد من الخيمه
( سعود ) جالس عند النار ويدخن : وين يا حلو
( خالد ) : شويات وبجي
( سعود ) : جيب لي حبوبي اليله
( خالد ) :  لا كذا كثير ماقدر وين وديتهم
( سعود ) : مدري مالقيتهم شكل واحد من العمال رماهم
( خالد ) : خلاص يصير خير
[ عند ريهام واسيل ]
( ريهام ) : ايوه يا اسولي شفيك
( اسيل ) : مافيني شي
( ريهام ) : بتقولين ولا شلون
( اسيل ) : بقول
( ريهام ) : اسمعك
( اسيل ) : شفتي سعود ولد عمي عزام
( ريهام ) : اي
( اسيل ) : شوفي انتي عارفه اني احبه من يوم كنت بالثانوي بس يعني ما كان عندي الجرءه اني اصارحه او حتى اكلمه ويوم صرت ثاني جامعه خطبني وانا ووفقت وكنت لمده سنه احسبه يحبني وفرحانه بس طلع كل شي وهم
وهو مايبني خطبني عشان جدي قاله
( ريهام ) : طيب كلنا ندري ان سعود مريض وفيه حاله نفسيه انتي كيف حبيتيه
( اسيل ) : حتى انا اسأل نفسي نفس السؤال ليه حبيته
( ريهام ) : طيب قول لابوك ينهي الخطوبه وخلصنا
( اسيل ) : قلت له قال انا معطي عمك كلمه وكل ما فتحت معه الموضوع يعصب وفوق ذا كله يكلم وحده
( ريهام ) : الله يعينك مدري شقول والله ، اسيل امي بس ترسل تبيني اساعدها بالعشاء امشي نرجع
( اسيل ) : بجلس شوي انتي اسبقيني هناك
( ريهام ) : خلاص تمام

اتجهت ريهام للمخيم لكن من سوء حظها انها ماتعرف ان الخيمه الي كانو فيها البنات اخذوها العيال وهي تمشي سمعت اصوات رجال خافت وتخبت ورا الخميه ما تقدر تتقدم ولا تقدر ترجع

( مجد ) يدخن ومندمج يسوالف وليد الي كانت عن الجن لف يبي ياخذ جواله ويلمح ريهام فز من مكانه
( وليد ) ماسك قلبه : بسم الله شفيه هذا
( غيث ) فز معه :ابشر بي
( سعود ) : مصروعين قسم بالله انثبرو
( مجد ) : نسيت شي بالسياره بجيبه واجي

( طلع مجد وراح ورا الخيمه يبي يتأكد من الي
شافه )
( مجد ) يأشر عليها : انتي ريهـا..
( ريهام ) سكرت فمه بيدها : اش تكفى ضيعت
( مجد ) تقشعر جسمه من حركتها وكان مكتفي بأنه يتأملها