" قلبٍ يحبك ليه في حقه قسيت "

6

( ريهام ) استوعبت وشالت يدها : تكفى بس ابي ارجع
( مجد ) : فاهي فيها ولا رد
( ريهام ) : هي مجد
( مجد ) : هاه..وش تسوين انتي هنا
( ريهام ) : شدراني انكم هنا ابي اروح بس انحشرت
( مجد ) : هناك بالجهة الثانيه غيرو مكانهم
( ريهام ) تقدمت : انا بروح
( مجد ) مسك معصمها : دقيقه
( ريهام ) بعدت يده عنها : ايش
( مجد ) تقدم لناحيتها ولفها بفروته : لاتطلعين بدون عبايتك مره ثانيه
( ريهام ) نزلت الفروه : مشكور ما احتاجها
( مجد ) : تبين الرايح والجاي يشوفك البسيها وانتي ساكته
( ريهام ) : مين بيشوفني ترا مو مره بعيد مكاننا
~ خطوات شخص متوجه لهم ~
( مجد ) لف ريهام بفروته وشالها على كتفه
( غيث ) وهو يمشي لنحايتهم: وشو ذا
( مجد ) تقدم للمخيم البنات : ارجع بوصل فراش لجدتي
( غيث ) : تبي اخاويك
( مجد ) : فليتها  يتخاويني لاهلي
( غيث ) : ترا انتظرك لا تطول
( مجد ) : زين بس اذلف ، ايوه وين لسانك الي قبل شوي
( ريهام ) : وصلنا
( مجد ) : اي
( ريهام ) : وشايلين ليش نزلني انكتمت
( مجد ) نزلها ويسوي مساج لكتفه : اهخ
( ريهام ) ابتسمت له : شكرا
( مجد ) ضاع للمره المليون قدامها : هاه
( ريهام ) : اقولك شكرا
( مجد ) : العفو
[ عند بطلنا سعود بالخيمه ]
( سعود ) قام من جلسته : خالد قم نتمشى
( خالد ) يكلم : بعدين مشغول
( سعود ) طلع جواله : ترا حتى انا عندي مو بس انت
( خالد ) اشر له بيده : روح روح
( سعود ) : ابو نظامك
~ طلع سعود يتمشى حول المخيم وصادف اسيل جالسه تتأمل السماء والنجوم ~
( سعود ) : وراه الحلو كئيب
( اسيل ) التفتت له : من عرفت حقيقتك ماشفت الخير
( سعود ) جلس مقابلها : افا وش حقيقتي الي زعلتك
( اسيل ) : ميانه نعم قوم انت من سمح لك تشوفني أصلًا
( سعود ) : بكرا بتصيرين حلالي
( اسيل ) عقدت حواجبها : واذا بكرا تفلها بعدين من قال اني بتزوجك بعد الي سمعته اليوم
( سعود ) : اها قصدتس عن نوني
( اسيل ) وقفت من مكانها : ونوني بعد انت كيف تكلمني وكأنه شي عادي
( سعود ) ابتسم : طيب عادي
( اسيل ) كانت تحس انها بتنفجر من داخل : عادي !
( سعود ) وقف ينفض ثوبه من الغبار : اي عادي
( اسيل ) : دام انه عادي لازم اصارحك عالفكره ترا فيه شخص بحياتي احبه ويحبني
( سعود ) شدها لناحيته : تراني مجنون بالحيل يعني الكلام هذا يطير عقلي زياده
( اسيل ) : اذا انت مجنون ترا انا اجن منك فكني
( سعود ) شد على خصرها : اسمعي والله اذا عدتي كلامك هذا وان فيه شخص بحياتك بندمك
( اسيل ) دفته : انت ليه تسوي فيني كذا ترا والله تعبت وش الي بينقص منك لو تعاملت معي بشكل طبيعي
( سعود ) قرب منها وعينه فعينها : لاني ما احبك ومستحيل احبك
( اسيل ) امتلت عيونها بالدموع : طيب شتبي  مو انت مغصوب وما تحبني اتركني ليه كل هذا
( سعود ) : انا عمري ما بغيت اني اكون قريب من هالعائله مابي شي يربطني فيكم
( اسيل ) : والعايله هذي مو اهلك وش القسوه الي فيك
( سعود ) : اهلي ! اهلك لحالك يابنت انا شفت وعشت اشياء وانتي نايمه ف احضان امك انا اكرهكم واكره نسلكم ليش مو راضين تفهمون
( اسيل ) عقدت حواجبها : وش الي شفته وعشته عشان تكرهنا لهدرجه
( سعود ) بعثر شعرها وابتسم : خلك ف احلامك الورديه
~ راح وتركها حايره ~
{ عند الرجال }
( الجد بدر ) : يبي لنا نفس هالطلعة الزينه الاسبوع الجاي
( وليد ) : لا ياجد بطلعكم البوليفارد وورلد
( محمد ) : لا ياعم الطلعه عندي بمزرعة جدي برهومي
( وليد ) ناظر محمد من فوق لتحت : لا والله ان تجون مزرعة جدي بدوري
( الجد ابراهيم ) رما عصاته بنص جبهة محمد : برهومي اجل
( محمد ) حس بالدم يمشي بين عيونه : د..م
~ اغمى عليه ~
( وليد ) بلع ريقه وعدل جلسته : ترا كله دم استغفر الله بس
( الجد بدر ) رما فنجاله على وليد: بوليفار وبدوري
( وليد ) يلمس راسه ويناظر الدم  بصراخ : دم دم بموت اهه
~ اغمى عليه وانسدح بجنب محمد ~
( الجد بدر ) : الله يخلف بس قومو اقلعوهم
( غيث ) قام يشيل وليد : ابشر
( فيصل ) لحقه وشال محمد
( سعود ) متكي على الخيمه من برا : شفيهم
( غيث ) : بسيطه معليه
( فيصل ) رش عليهم مويه : ورع انت وياه
( وليد ) شهق : ما مت الحمدالله لك يارب
( محمد ) حط يده على جبهته : اهخ راسي
( فيصل ) : غيث احتاج شاش ومعقم وابره عدة طبيه
( محمد ) فز من مكانه : هي توك طالب لاتجرب علينا
( وليد ) تخبى ورا سعود : لا لا بخير انا
( غيث ) : سعود عنده العده
( سعود ) يحك راسه : بسيارتي تلقاها
( غيث ) : زين انا بروح اجيبها
~ توجه للسيارة وفتح الدرج يدور لكن لفت انتبه الابر والمهدئات والحبوب النفسيه والمشرط
( غيث ) تنهد بحزن على حاله واخذ اغراضه ورجع للعيال : لقيتها
( فيصل ) : كويس يلا من اول واحد
( وليد ومحمد ) كانو يمثلون النوم
( مجد ) يمسح على روسهم : نامو خلاص
( غيث ) يغمز لفيصل وقاله بهمس : انت عليك وليد وانا محمد
( فيصل ) بنفس نبرة الصوت ؛ تم تم
( سعود ) : عاد ان استاذنكم بروح
( مجد ) : سعود قول لابوي قبل
( سعود ) : وينه ابوي
( مجد ) : هناك عند جدي
( سعود ) مشى سعود اتجاه مكان ابوه وصل واخذ نفس ودخل : السلام عليكم يبه ابيك شوي
( الجد بدر ) : ابوك يجيك ورا ما انت تجيه
( العم عزام ) : لا معليه انا بجيه
( الجد بدر ) عقد حواجبه بعصبيه : انا اقول هو يجيك
( سعود ) اشر بيده  : على العموم كنت جاي اقول اني بمشي
( العم العزام ) : انتظر بعد العشاء
( سعود ) : ومن متى انا اتعشى معكم !
( الجد بدر ) ضرب عصاته في الارض : اظن قالك ابوك بعد العشاء مو الحين
( سعود ) طلع من المكان : ياليل هالشيبه ناشب فـ حياتي
{ عند البنات }
( امال ) تعلك وتناظر اريج من فوق لتحت
( اريج ) تنهدت : وبعدين يعني مضيع شي مشبه علي شفيك انتي
( امال ) : لا بس...
( اريج ) : بس ايش تكلمي
( امال ) : مستغربه كيف جيتي معهم
( اريج ) : صح اني ما اطلع لكم الا من سنتين او ثلاث بس مو لهدرجه خلاص
( امال ) تعلك : صح معليش
( اريج ) : ولو تشيلين هالعلك تسوين فينا خير
( العمه نوره ) : يلا يابنات العشاء جاهز
~ تعشى الكل وبعد العشاء قررو انهم يرقصون
( اميره ) شغلت اغنية رقص شرقي : قومو يا ريهام واسيل وجميله يلا
( اسيل ) : رقاصه عند ابوك انا دزي
( ريهام ) قامت ولفت الطرحه على خصرها
{ عند الرجال }
وليد ومحمد الي كانو جالسين بجنب بعض وروسهم ملفوفه بشاش
( وليد ) يلمس راسه : يرضيك حالنا
( محمد ) يناظر له : اكيد لا
( خالد ) : احسن ازين ما سوو فيكم
( غيث ) : صحيح
( وليد ) : كل خرا طيب
( محمد ) : كل اثنين مو واحد
( مجد ) حط اصبعه بين عيون وليد : هذا كم

~ انتهت الليله ورجعو كل من عايلة بدر وابراهيم لبيوتهم ~

- في الاحداث القادمه
- بتكون ملكة اسيل وسعود وهل نجلاء بتسكت او...
- بيكتشف سعود خيط يوصله لحكاية والدته بس كيف ووين...