" قلبٍ يحبك ليه في حقه قسيت "

3

اقترب العم سالم بغضب ( العم سالم ) : انت هي كيف ترفع صوتك على ابوي
رفع يده بيصفق مجد
تدخل سعود ومسك يده ( سعود ) : محد يرفع يده على اخوي وانا حي
( العم عزام ) : سعود يا قليل الحياء عمك الكبير هذا
( سعود ) : عمي على عيني وراسي بس ما يمد يده على اخوي
( العم سالم ) : معليه شرهه طالع لخواله قللين تربيه
( سعود ) : ياليل انتم ماتفهمون اتركو اهل امي وامي مالك شغل مو كافي انها ماتت مقتوله وماعلمتونا
( مجد ) عرف ان سعود بدت تفلت اعصابه : خلاص يا سعود امش نطلع تهدا شوي
( سعود ) : دقيقه ما خلصت كلامي سالفة امي ما راح امشيها ورب البيت اذا انتم الي قتلتو امي اني ادخل عليكم واقتلكم بيديني واحد واحد
بدت ملامح التوتر على الاب عزام ( عزام ) : اطلع يا سعود وكلامك لا يكثر بسرعه
( خالد ) سحب سعود معه وطلع من المجلس : اهد شوي اكلت علاجك انت ؟
( سعود ) يبعثر شعره : خلصتهم امس جيب لي زياده
( خالد ) : انت صاحي كيف خلصتهم على هالحال بتموت خلاص مو حلاو وانت عارف اني مو بسهوله القاهم
( سعود ) : يا رجال ماراح اموت جيبي لي اليوم لازم ولا تبخل بالكميه
( خالد ) : يصير خير الحين روح ارتاح
[ عند مجد ]
جالس بالحديقه الخلفيه وشماغه على كتفه يفكر بموضوع امه ( مجد ) : اهخ يايمه فكرة انك توفيتي مقتوله لحالها توجع قلبي
( غيث ) ضرب كتف مجد : افا تتضايق بدوني
( مجد ) ابتسم : اف انا اتضايق ماش ما تعرفني
( غيث ) : لا واضح انك مو متضايق
( مجد ) قام وطرح غيث على الارض : وينك فيه يالمروح يوم اتهاوش
( غيث ) : لا لا اصبر والله كنت بالحمام وطلعت لقيتكم متفجرين
( مجد ) قام عنه : سامحتك لان قلبي طيب
( غيث ) ضرب راس مجد وهرب : يالخفيف
ركض وراه مجد وطلع الشارع ولمح عند باب الحريم مندوب وشاف بنت نص جسمها طالع
( مجد ) : هذي من بناتنا
( المندوب ) لمس يد ريهام : يالبيه بس
ميل مجد رقبته يحاول يهدي نفسه (مجد) : هي يالطيب
( المندوب ) : نعم اخوي
( مجد ) : نعامه ترفسك قول امين
لكم المندوب مع خشمه ولف الشماغ على رقبته وخنقه
( المندوب ) يتنفس بصعوبه : ا..تـ.ركني بـ.موت
(ريهام ) : اتركه يا مجنون
( مجد) : ادخلي لا قسم بالله اذبحتس معه
( ريهام ) بصوت باكي : مجد تكفى اتركه خلاص تكفى
لاول مره يلتفت مجد لبنت فحياته عينه طاحت بعينها الحمرا  من البكي وشفايفها الممتلئة الورديه وشعرها الي لونها مثل بن القهوه الفاتح
صد عنها ( مجد) : خلاص يابنت ادخلي
دخلت ريهام وسكرت الباب ( ريهام ) : ياويلي اخاف يذبحه
( مجد ) : انا بتركك
( المندوب ) : انا اسف والله ما ماعاد اقرب من البيت
مشى المندوب خطوتين إلا ويسحبه مجد
( مجد ) : بس
( المندوب ) : بس ايش
( مجد ) : اكسر اليد الي لمست يدها
اخذ حجر وضرب فيها يد المندوب صرخ بقوه
( مجد ) : الحين لا عاد اشوفك هنا ولا ولله ما توقف على اني اكسر يدك فاهم
راح المندوب من المكان جلس مجد عند الباب باله مشغول مع ريهام ووده يعرف مين بنته وايش اسمها
[ عند اسيل ]
جالسه على سريرها وتفكر بالموقف الي صار معها
فتحت الباب ( ام اسيل ) : اسيل روحي لابوك يبيك بموضوع
(اسيل ) : طيب جايه
نزلت اسيل عند ابوها وجلست معه
( اسيل ) : هلا وش بغيت
(العم نايف ) : ملكتك انتي وسعود الاسبوع هذا تجهزي
( اسيل ) : لا ما ابيه
(العم نايف ) : هاه شلون ماتبينه لعبه السالفه
( اسيل ) : غيرت رايي ما ابيه مو غصب يا بابا
( العم نايف ) انا عطيت عمك كلمه ومايصير ارجع بكلمتي بتاخذين سعود بتاخذينه