مر وقت عليها حتي فجأه سمعت طرق علي الباب ليدخل هيثم هذا الطبيب الذي تعرفه ومعه طبيب اخر نظراته مخيفه بحق حركاته شكله وطريقته كل شئ به يخبرها بوضوح انه مختلف بطريقه مبهمه ومخيفه.
موسي بجديه: مساء الخير يا فندم اتمني يكون استضافتنا بحضرتك تكون كويسه!!
الفتاه وهي تنظر حولها: يعني مش بطال لكن عندي تعل...
صمتت عندما نظر لها بحدة مرعبه جعلتها تتوقف عن الكلام ليسحب الملف الخاص بحالتها الصحيه وهو يقرأه.
موسي: دكتور هيثم قالي انك فقدتي الذاكرة ومش فاكرة اي حاجه خالص.
الفتاه: اه نا فعلا مش فاكرة اي حاجه خالص حتي مش عارفه اسمي ولا عندي كام سنه.
موسي بسخريه واصحه: اه خدتي طعنه في بطنك قومتي فقدتي الذاكرة.
هيثم ببسمه: ممكن فقدت ذاكرتها بسبب مشكله نفسيه او..
موسي بهمس: دكتور بهايم صحيح"ابتسم وهو يلتفت الي هيثم يحذرة بنظراته"ايه رأيك تسكت انت وتسبني نا اكمل شغلي!!
هيثم ببسمه غبيه: حبيبي كمل شغلك.
موسي: كملي يا شاطرة كنتي بتقولي فقدتي ذاكرتك عشان خدتي طعنه في بطنك.
الفتاه: انت مش مصدقني ولا ايه.
موسي: اه الصراحه انتي عيله مش مريحه.
الفتاه: مريحه ايه؟؟؟ هو نا مرتبه!!
موسي: لا مرتبه ولا مخدة بس مش مستريحلك انتي وراكي حكايه يا بت انتي.
الفتاه: لا دا تحقيق بقا.
موسي: قوليلي الحقيقه انتي مين وحكايتك ايه.
الفتاه بصداع: نا دماغي صدعت منك بجد
هيثم: براحه ياعم موسي.
ادمعت عين الفتاه وبدأت بالبكاء ليرفع موسي حاجبه باستنكار وهيثم نظر لها بشفقه.
هيثم: منك لله خليت الحلاوة تعيط.
موسي: في ايه يا عم النحنوح.
الفتاه ببكاء شديد: نا مش فاكرة حاجه ومش عارفه حاجه مش عارفه انا مين ولا بعمل ايه ولا جيت هنا ازاي ارجوكوا ساعدوني نا مش عارفه حاجه حتي مش قادرة اتحرك ورجلي مش عارفه احركها وانت شاكك فيا نا فعلا مش فاكرة اي حاجه مش فاكرة حاجه
كانت تتحدث بانهيار شديد وعيونها احمرت من البكاء الذي تكتمه منذ ان استيقظت من غيبوبتها تلك نظر موسي الي هيثم واشار له بعيونه ان يخرج ليخرج هيثم ويتبقي موسي فقط ليجلس علي الكرسي جوارها واخرج منديل واعطاه لها نظرت له بحزن ثم اخذت المنديل ظل هادئ بعض الدقائق حتي توقفت عن البكاء.
موسي بهدوء: نا مش قصدي حاجه علي فكرة نا بس مستغرب منك لاني مشوفتكيش قبل كدا هنا فشكيت فيكي عموما متزعليش وبخصوص رجلك دا موضوع طبيعي هنبدأ نا وانتي في علاج طبيعي عشان تقدري تتحركي تاني لان انتي كنتي في غيبوبه ولسه جسمك واعضائك ومستجابتش بشكل كامل للحركه.
أنت تقرأ
ما قبل النهايه
Actionالإنسان مُيز بالضعف.... والشيطان اين ستكمن قوته بلا غواء؟! حسناً ماذا أن أحب الإنسان الإغواء وترك نفسه بين براثن الشيطان وسلمه مقاليد أموره، وأصبح صورة له تعيث في الارض فساداً. تنكر ذلك أعلم بأنك ستفعل لكن تخيلت يوماً انك ستلحق بالبقيه وتتخلص من إ...
