ما قبل النهايه

البارت الرابع

تجلس في السينما ببرود وهي تري الفيلم الرعب النوع المفضل لها في الافلام كانت منتبهة بكل حواسها.

.....: الفيلم دا تحفه.

الفتاه: اه دا جا... ايه دا انت دخلت ازاي؟؟

نظر لها وابتسم ومد يدة بعد ان ترك حبات الفشار: اهلاا يحلوة انا جاد.

الفتاه: وانا مالي انت ازاي داخل هنا نا حاجزة القاعه كلها النهاردة ازاي سمحولك تدخل.

جاد: اصل نا مش اي حد.

الفتاه: ليه يا غاليه، رئيس الجمهوريه ونا معنديش خبر،ولا جوزي عشان كدا دخلوك بدون اذن؟؟؟

جاد: دي خطتي الجايه.

الفتاه باستغراب: تبقي رئيس.

جاد: ابقي جوزك.

كادت ان تضحك لكنها وقفت وتركت المكان وخرجت وهي تتجه للكافتيريا

جلست وهي تعبث بهاتفها قليلا حتى اتى النادل وطلبت مشروب بارد دقائق وكان احضر لها مشروبها مدت يدها لتأخذ المشروب وهي لم ترفع عينها من علي الهاتف حاولت الوصول الي المشروب لم تستطيع لترفع عينها من علي الهاتف بعدم فهم لتجد جاد امامها ويشرب المشروب الخاص بها باستمتاع وينظر لها.

جاد: في ايه بتبصيلي كدا ليه.

الفتاه: انت بتطفح أي يابني.

جاد: عصير.

الفتاه: ايوة عارفه بس دا بتاعي.

جاد: مش مهم يا روحي انا وانتي واحد مش كدا.

الفتاه: لا اكيد مش واحد انت بتستهبل.

جاد: لا مش بستهبل والله نا بشرب عصير فعلا.

الفتاه: انت بجد مش معقول الص...

جاد: انا ماشي هقابلك المرة الجايه.

وقف وذهب وهي تنظر لاثرة ببسمه: المرة الجايه فين مش فاهمه.

جاد بغمزة: هعمل نفسي مصدق انك مش فاهمه، عموما انتي بتيجي كل خميس للسنيما هجيلك الخميس الجاي.

ظلت تبتسم بعدم تصديق وهي تنظر الي مكان ذهابه حتي فجأه وجدت حقيبه تم رميها علي رأسها لتصرخ بألم وهي تري الفتاة التي جلست علي الكرسي الذي امامها الذي كان يجلس عليه جاد.

سديم: انتي بتعملي ايه في السينما بعد الساعه 12بليل مش فاهمه يا انسه كارلا.

كارلا ببرود: انتي عايزة اي يعني متفرجش علي الفيلم.

سديم: اتفرجي ولا تولعي يا كارلا مش لاقين الهانم اللي بقالها 8شهور مختفيه.

كارلا بضحك: فعلا، يا بنتي نا عارفه هي فين من زمان اووي من ساعه الاختفاء.

سديم: بجد هي عامله ايه.

كارلا بخبث: عامله نفسها فاقدة الذاكرة.