المغرب ٥:٤٠
كل البيوت متكهربه ماعندهم وقت كان الكل يجهز الا ايار بغرفتها نايمه للحين. جات ابتسام تحسبها صاحيه من الظهر ممكن من الحماس لكن.
ابتسام- ايار؟ شوفي وش اسوي تسريحه
استغربت وانصدمت لما شافتها نايمه ركضت لها وهي تتحسس جبهتها وتقول-انتي تعبانه؟؟
ايار- هممم لا مافيني شي
ابتسام-شلون مافيتس شي! شايفتس تعبانه ! الان تدقين على رعد ولا انا ادق عليه مافيه عرس اليوم!
فزت ايار وقالت- يمه! خلاص شوفيني حصان قمت قمت مافيني شي
قامت ايار ودخلت الحمام(يكرم القارئ) وتوضت وصلت بعدين اخذت شاور وفرشت اسنانها وحطت شويه كريمات وغسولات توجهت للدولاب تختار فستان بس مالقت.
راحت غرفه ارال تدور عندها بش لقت ابتسام جالسه على سرير ارال وارال على التسريحه تتمكيج.
ابتسام-وش اسوي بها؟؟
ارال- يمه قالت مافيها شي بعدين هي ورعد شوفي كم سنه ينتضرون
ابتسام-طيب ينتضرون اسبوع ثاني على الاقل مارح يموتون!
دخلت ايار وقالت- ارال عندتس فستان ابيض؟
ارال- اييه عندي واحد حلو خذيه بالدولاب الي باليمين
ايار- طيب دقي على ديما خليها تحضر زواجي !
ارال-اصبري
فتحت الدولاب وشافته واعجبها. اخذته وراحت لغرفتها تتمكيج وتسوي شعرها.
~ العصر ٣:٥٥ رعد صحي العصر عكس ايار
هيام وهي تفتح الباب- رععد! يلا قمم
رعد-شتبين؟
هيام-عرسك اليوم واذن العصر!
فز رعد وقال- وليش ماقومتيني اصلي!
هيام-اذن قبل شوي يلا صلي
رعد- طيب سكري الباب بلبس
دخل رعد البيت ولقى سلطانه مسويه له اكل اكل وراح للصاله مع ابوه يسولفون
رماح - بيتكم جاهز؟ منظف وفيه كل الاحتياجات؟
رعد- ايه
رماح-الله يسعدكم ويوفقكم ويرزقكم الذرية الصالحه
رعد-امين يارب
~
خلصو كلهم وركبو السياره وتوجهو لبيت متعب.كل العائله كانت تنتضر وصول ايار ورعد فقط. كانو كلهم متحمسين وهيام كانت فرحانه لاخوها ولايار وقررت تسامحها. طلعت ايار والدموع بعينها بس قوت نفسها.
ايار- لا يا ايار! وشوله تبكين؟
ومسحت دموعها ودخلت للمجلس الكببر. كان رعد ينتضرها هناك. فتحت الباب ولقت رعد واقف متوتر شافها وانرسم طيف ابتسامه خفيفه على منطوقه. بس سرعان ما استوعب وقطت بوجهها وقال-
يلا؟
ايار-وشو يلا؟
رعد-نسلم عليهم ونروح البيت
ايار- بس كذا؟
رعد-طيب يلا اعطيك ساعه
بس أيار ماقدرت تمسك دموعها اكثر وقالت- حسبي الله عليك!
وطلعت. وسع عيونه بصدمه من كلامها ودق على الايهم يجيه المجلس.
الايهم - شفيك؟
رعد-تحسبت علي! هاذا وانا معطيها ساعه تقعد فيها مع الحريم!
الايهم-وانت تحسب كذا بس؟هي تبي قاعه تبي صحباتها يجون تبي اهلها كلهم تبي ترقص تبي تطلع بالابيض بس انت بعصت عليها
رعد-انت معي ولا معاها؟
الايهم-يارجال مو مع احد بس انت قسيت عليها بزياده!
مسح رعد على شنبه وقال-دق دق على ضيدان خليه يحجز قاعه الان وفستان ابـ .. خلاص مو لازم فستان بس يلا قاعه وبوفيه وكيك
ابتسم الايهم وقال -حالا!
طلع رعد وتوجه لمتعب وقال قول للحريم بعد شوي بنروح للقاعه بس محد يجي غيرنا!
طلعت ايار من المجلس وتوجهت للحمام(يكرم القارئ) حاولت توقف دموعها ومسحتها بالمنديل بشكل خفيف عشان الميكب مايروح بس لما طلعت قابلت هيام وسرعان ماحضنتها هيام بسرعه وابتسمت وقالت- زواج الدهو يارب!
ايار بأبتسامه- امييين يارب وحشتيني!!!
هيام-مايوحشك غالي يعيوني
ايار-اسفه ياهيامي
هيام-حتنى اسفه
ضحكو وقالت هيام- يلا البسي عبايتك
رفعت ايار حاجبها وقالت- الحين بروح البيت؟
ابتسمت هيام وقالت- لا بنروح القاعه عشان نرقص ونتعشا عشا زواجكم!
ابتسمت ايار بفرحه. على الاقل راضاها بشيء هزت راسها ب"طيب" وتوجهت تلبس عبايتها ونقابها وهي مبسوطه
~
ارال-هاذي غرفه العروس. شغلي الاغنيه يالدي جي
المطربه- بس هاذول المعازيم؟
ارال- اي!
وكملو وكان الجميع يرقص والكل فرحان وعند الرجال بعد. انتهى كل شي ودق رعد على سلطانه يقول-
انا برا طلعولي ايار
سلطانه-ابشر اصبر بس
وراحت تناديها ابتسمت ايار للجميع وقالت-بحفظ الله!
وطلعت تركب السياره. كان الطريق بين القاعه والبيت بعيد شوي. لفت ايار راسها للنافذه ومانطقت بشي.
رعد-تعشيتي جوا ولا اجيب عشا؟
هزت ايار راسها ب"اي تعشيت" من التعب. هي رقصت كثير ومسخنة( فيها حرارة) كانت تعبانه جدا وتبغا تنام و تتمنى انا مافقد سريرها بس اليوم. وصلو ونزلت حطت عبايتها بتعليقه العبايات وناضرت رعد. رعد كان ينتضرها تنطق ورغم انه عارف انها بتسأله "وين انام" جلس على الكنبه وبدأو يناضرون بعض. تعبت ايار وجدا وحست بدوخه فتوجهت على الكنبه الي هو جالس فيها ورمت نفسها بفستانها بميكبها على الكنبه ونامت.
رعد-شكلك رقصتي كثير!
قعد ١٠ دقايق جالس يناضرها واستفاق وتوجه لغرفته يبدل ملابسه. وينام على السرير اخر مره لانها بتنام هي هناك.
١٢ الليل
صحى من نومه وحس انه جيعان. نزل للمطبخ وابتسم يتخيل انها تتنتضره ومسويه الفطور هرول بسرعه من الدرج وتلاشت ابتسامته وقطب وجهه من شافها نايمه، فكر اذا يصحيها ولا لا فلقى طريقه يصحيها للصلاه بس بدون ما يبادر.جلس على الكنبه وشغل التليفزيون وكان بيرفع الصوت بس توقف من سمع صوت انين لف راسه لها يتأكد هل هي مصدر الصوت ولا لا بردت اطرافه من عرف انها هي الي تطلع الصوت. مافكر بأنه بيبادر ولا لا بسرعه مد يده لراسها وكان حار. ماكان يعرف وش يسوي ووش مايسوي فقرر يشيلها ويحطها بالسرير مكان اريح. ويعطيها بنادول . هاذي معرفته الوحيده حيال هاذا الموضوع، شالها وماكنت ثقيله عليه طلع بها الدرج وفتح الباب وحطها بالسرير. جاب بنادول ومويه وشربها هي كانت صاحيه بس مو صاحيه بنفس الوقت. تذكر بعدين انه لو جاب منشفه مبلله وحطها بجبهتها ممكن تكون كويسه، ركض للمطبخ وجاب المنشفى وحطها براسها كان بيقوم بس تذكر انه لازم يغير المنشفه كل ساعتين تقريبا.قعد جنبها ثلاث ساعات وهو يصارع النوم. لكن غفى جنبها بالغلط.
~
الايهم- قولي لعمه ابتسام ابوي وعمي عبدالملك بيتأخرون خليهم يجون معي
ليلاس-وحنا؟
الايهم-انتي وامي وارال وابتسام
ليلاس- طيب
وراحت نادتهم وركبو كلهم. كان كل شوي يناضر بالمرايه فعيونها الي بالنقاب وينرسم طيف ابتسامه خفيفه على منطوقه.ثم يزيلها تماما ثم يرجع يناضر ويبتسم ، هو مغرم وبشده مغرم من ايام الطفوله ويدري أنها بالطفوله تبادله بس الحين مو متأكد.
حصة-وقف سوبر ماركت
الايهم-طيب... عمه تبين شي؟
ابتسام - لا يعطيك العافيه!
ابتسم الايهم وقالت ليلاس-انا بنزل معك!.. وارال بعد
الايهم-يلا طيب
حصة-وشوله تنزلين؟
الايهم-عادي خليها يمه
قطبت حصة وتجاهلتهم وماكانت تسولف ابدا مع ابتسام وابتسام ماتبي تسولف اساسا ،
حصة- ارسل لك المقاضي الان
هز الايهم راسه . نزلو الماركت الثلاثه وكل واحد راح للقسم الي يحتاجه.
ابتسمت ارال بضيقه وقالت لليلاس-
كنت بشتري البسكوت الي تحبه ايار بس تذكرت انها ببيت زوجها ! الله يوفقهم
ليلاس-عادي تاكله لما تجي. يومين او امكن بكرا تجي
ارال- صدق! وناسسه وحشتني من الحين !
ليلاس -الصغيره تزوجت والكبيره باقي! الله يخلف علينا بس
ارال بمزح - وانتي متى ناويه تتزوجين ياستة الحسن؟ وانا لو بتزوج بتزوج جاستن بيبر !
ليلاس-منهو ذا؟ هههههه
وصار هالحديث تحت مسامع الايهم وتوجه لهم وقال-هاتو الاكياس ورحو السياره.
اعطته ليلاس بس ارال لا وقالت- وش المناسبه؟ انا بدفع لنفسي !
الايهم-ترجعين للسياره ولا كيف ؟
ليلاس- كيف!
وتوجهت للمحاسب ولما جات بتطلع الفلوس من جيبها الا الايهم يحط بطاقته وسرعان ماطلع صوت انه تم الدفع ابتسم بغيض لها وهي قطبت بوجهه وقالت- خذ الاغراض بالعافيه عليك!
كشرت وطلعت للسياره وهي معصبه. ضحك بسخريه وحاسب على اغراضهم ودخل السياره. اعطى امه كيسها وليلاس كيسها. ومد كيس ارال لها وقالت- قلت ما ابيه!
حصة- وش الي ماتبينه؟
استوقفت ارال من شافت نضرات امها لها واخذت الكيس وشدته بقوه من يده وهو يبتسم مروق . وصلهم للبيت كلهم ونطقت سلطانه- يعطيك العافيه يولدي !
ابتسم الأيهم وقال- الله يعافيك ياعمه !
وحصة مكشره وانتضرت الى ما الايهم يمشي وتبدأ فقرت الهواش حقتها. ومن استوعب الايهم تنهد حصة مشى بسرعه ٦٠.
حصة-اقولك مايحتاج تنزلين ليش تعانديني؟؟؟ وانت تدفع حساب البنت ليش هي زوجتك؟؟ ها!!
عض شفايفه لوهله يتخيلها فعلا زوجته بس قاطع خيله ليلاس وهي تقول بزعل- يمه عادي وش فيها؟ نزلت مع اخوي ترا مو مع غريب!
الايهم-صلي على النبي! وصلنا خلاص انزلو
~ العصر ٤:٠٠
صحيت من النوم ولقت نفسها نايمه بحضنه قعدت ثواني تستوعب بس صحي رعد معاها وقعدو يناضرون بعض بذهول. كان رعد يفكر كيف يبرر انه نام جنبها وكيف يفهمها انها جابها للسرير
نطقت ايار وهي خايفه يكون صار شي بينهم-شـ شجابني هنا؟
رعد وهو يشتت نضره عنها-كنتي تعبانه طلعتك هنا بعدين غفيت جنبك بالغلط
ايار- غفيت؟
رعد-نمت... المهم انا بروح العمل تبين اجيبلك شي؟
هزت ايار راسها بالنفي وعضت شفايفها من تذكرت انها تعاقبه بالصمت العقابي ، هو ابتسم من عرف انها تذكرت وانه فاز وسمع صوتها.توجه للحمام(يكرم القارئ) واخذ شاور وطلع فقط بمنشفه على خصره
ايار وهي رافعه حاجبها بصدمه-سلامات!
رعد-وشو؟ بيتي؟ غرفتي؟ اي
لفت ايار راسها وانسدحت بالسرير تغطي نظفها تنتضره يروح عشان تتوضى وتصلي.. خلصت كل امورها ونزلت تتجول بالبيت تناضر المطبخ والصاله والغرف الباقيه وشافت غرفه فيها بس سرير ودولاب ففتحت الدولاب ولقت ملابس انثى رفعت حاجبها بأستغراب وقالت -
هاذي ملابس مين؟ معقوله هيام؟
قفلت الدولاب وطلعت من الغرفه تقعد بالصاله على التليفزيون. بس وقفت الصوت من سمعت رنة جوالها.
ايار-هلا؟
هيام- هلا يا ايار! اكيد رعد بالعمل صح؟
ايار ابتسمت-اي
هيام-اي سجلي رقمي بأسم هيوومه وحطي قلوب ورديه مفهوم؟
ايار ضحكت - فهمت فهمت
هيام-تدرين! الجوري وتركي خطبو! اخ ياراسي
ايار بصدمه-ووشوووو! كيف!
هيام- قبل شهر تركي شاف جوري بالغلط وهو من زمان يحبها وخطبها ويقولون الزواج بعد شهرين. قليل صح؟
ايار-ماشاءالله عالبركه. اي قليل
هيام- دقيقه بسوي قروب فيه كل البنوتات
ايار-تمام انا جعت بفطر
هيام-سلاام
~ بيت مها
رائد - وافقتي يعين اخوتس؟
جوري- اي والزواج بعد شهرين
رائد- اوه. خلاص بكره ولا اليوم تبين اوديتس السوق؟
جوري- بسأل البنات وبشوف تمام؟
رائد-تمام
استوقفت من جاها اشعار انه هيام مسويه قروب فيه كل البنات وابتسمت وكتبت-
جابكم الله! رائد يسألني متى تبون نروح السوق
هيام-مسويه تصرفين؟ طلع خاطبتس من امس واليوم تعلمينا!!!
ضحكت جوري وحطت ايموجي(🥹)
ايار- خليها شكلها اليوم استوعبت ههههه
ارال-يالله صباح خير شسالفه
ايار- سيبوها ذي تصحصح العشا. اي ياجوري وش تبريرتس؟
جوري- لما نروح السوق نجلس بكوفي واعلمكم
هيام-اليوم
جوري-تمام اجهزو بعد المغررب بنطول بنفرفر كل محل بنحفط كم فستان فيه
هيام-جووي من زمان ماسوينا تسدذذذا
~
عدلت ايار جلستها بعد ماحست بألم برأسها وراحت تدور بندول بالمطبخ بالغرفه بالصاله دورت بكل مكان وقالت-
ممكن بالحمام؟والله يجي عليه هالرعد
وتوجهت للحمام (يكرم القارئ) ومالقته فقررت تاخذ شاور ممكن تتغير درجة الحراره حقتها. وفعلا بعد ماخلصت اذن المغرب فاتوضت وصلت وتجهزت ولبست عبايتها وبعدها ب١٠ دقايق دقت جوري وقالت(انزلي)
ناضرت شكلها بالمرايه وفتحت الباب وقفلته وطلعت،
ايار-السلام عليكم
الجوري-ارحبببووو
ارال-وعليكم السلام ، حي الله ذا الوجه
هيام - وعليكم السلام حَرم رعوود
رفعت ايار حاجبها باستغراب وقالت- رعود ؟
هيام- اي رعود. اقولك استأذتني منه تطلعين؟
ضحكت بسخريه وقالت- هه ومين هو عـ.. امزح اكيد استأذنت من حبيبي وقلبي
هيام-وووووه تجنوووون اخ
جوري-يلا وجهتنا للسوق
ايار-مول
جوري-مول هو سوق وسوق هو مول لا تتفلسفين
ايار- كسرتي قلبي !
جوري-تبين اكسره زياده ولا تسكتين؟
ايار-كسرتيه اصلا مابقي شي
ضحكت الجوري وقالت- يلا وجهتنا للمول
رائد- يلا
وبعد مدة وصلو للمول وايار وهيام والجود سوا وجوري وارال وليلاس سوا. واتفقو بعد ساعتين يلتقون بكوفي دانكن يتكلمون عن خطبه جوري.
ايار- شرايتس بالفستان؟ يموووت
هيام- ياسلام!!! بس احس الآزرق ذا بيطلع خيالي عليتس
عضت ايار شفايفها بخجل من تذكرت قصيده رعد ، وقالت-
لا البيبي بينك احلا !
هيام-براحتك انا باخذ الازرق بشوفه اصبرو بقيس
ايار- خذي وقتك
الجود- شرايتس بذا؟؟
ايار-هو حلو بس احس لونه غريب
الجود- ايي!! بسألها اذا فيه الوان
ايار-تمام
راحت ورجعت وبيأس قالت- قالت لا! تعالي المحل الي جنبه نشوف
ايار-اصبري ننتضر هيام
هيام- تعالوو شوفوو الفستان علي
ايار بذهول- واو خيااااالي !!!
الجود- كلمه روعه قليله بحقه!
ابتسمت هيام بخجل وقالت- اخذه يعني ؟
الجود-خذيه وأنتي مغمضه بيبي!
انصدمت ايار ورفعت حاجبها وقالت- بيبي!! والجود؟؟؟ ماتجي وربي!
هيام-اوف اوف اوف!
الجود-شفيييكم! هههه عادي عادي
ايار- اسمعي هيام هاتي احاسب فستاني وفستاك وانتي روحي مع الجود المحل الثاني تمام؟
هيام- طيب خذي الفلوس
ايار-مايحتـ
هيام وهي تحطها بشنطه ايار- خذي وبس
ومسكت يد جود وركضو برا المحل.
~
واقف عند الباب يدقه مره ومرتين وثلاث ومحد يفتح. وسع عينه بصدمه من فكر انها ممكن تكون مغمى عليها جوا فقعد دقايق يطلع مفتاحه ويفتح الباب. ركض ينادي بأسمها بس محد يجيب. دور بكا الغرف شبر شبر ومالقاها بس استوقف من شاف انه عبايتها ونقابها الوحيد مو موجودين. جلس على الكنبه بغضب وفتح جواله يدق على ايار ، الطابور كات طويل عند المحاسبه فحست بشيء يهز بشنطتها ففتحها ولقت الضوء حق جوالها مشتعل. مسكت الجوال ولقت انه اتصال من رعد بلعت ريقها بتوتر لا يصرخ ويوصل الصوت للي وراها وقدامها. ردت بهدوء وقالت-
هلا؟
رعد- وينتس فيه انتي !
ايار-رحت مع البنات السوق! لجل نشتري فساتين لزواج جـ
رعد بعصبيه-وليش ماعلمتيني؟؟
ايار بصوت واطي - اسألك بالله شايفنا زوج وزوجه طبيعين؟ قلنا نسوي اننا سعداء عند الناس! ومالك دخل انا وين وانت وين!
رعد- كان اعطتيني خبر على الاقل؟
ايار- مو شغلك
رعد-يصير خير.متى راجعه؟
ايار - مو شـ
رعد- ياويلك تقولين مو شغلك.. حتى ولو مو طبيعين علميني متى راجعه؟
ايار- ساعه ونص! خلاص قفل بحاسب!
تنهدت بغضب وقفلت الاتصال ودخلت جوالها بداخل الشنطه. حطت الفساتين على طاوله المحاسبه ودقيقه ونطقت المحاسبه بسعر الفساتين
، مدت البطاقه لها تسحب ولقت هيام وجود ينتضروها عند الباب
اخذت البطاقه والفاتوره والاكياس. مدت فستان هيام لها واشرت على كيس جود الي بيدها وقالت-لقيتي؟
جود- اييبه الحمدلله!
ايار-اجل يلا نروح للكوفي
هيام- اي صرعتني ليلاس وهي تدق
جود-أشغلتنا ، وين الكوفي؟
يتبع..
اعذروني عالاخطاء ، حاولت اطول البارت واخليه ٢١٢٩ وانا دايم بارتاتي ١٠٠٠ وشي. ان شاء الله المره الجايه بحاول اطوله زياده
كاتبتكم- لـيـلاس الـحـارثـي🫐
