جوري-ارال البنات ببيتي تعالي
ارال-تمام بشوف ابوي بس
جوري-تمام حبي
قفلت ودقت على ليلاس-ليلو
ليلاس-عيوني
جوري-البنات ببيتي تعالي
ليلاس-حلووو تممام
جوري-تدقين على ايار؟
ليلاس- اااا اي اي
جوري - يلا
ليلاس دقت على ايار ..
قعدت ايار بالتسريحه تمشط شعرها ووراها رعد منسدح بالسرير رن جوالها ومسكته ولقت المتصل ليلاس، ردت ورفعت الجوال لاذنها تشتت نضرها عن رعد المنسدح على ضهره وحاط يده على وجهه اثر التعب.. ليلاس-
اياري
ايار-عيوني؟
رعد- البنات ببيت جوري كلهم وانا الحين بجيهم تجين؟
ايار-تمام تمام بس اشوف رعد واردلكم خبر
ليلاس-تمام يلا
وقفلت وناضرت وقامت من التسريحة وقربت منه وواقفه عند راسه وقالت-رعد؟.. نمت؟
شال رعد يده عن وجهه وسحبها للسرير وهي جالسه وناضرته وابتسمت وقالت- البنات يـ..
قاطعها من قام وجلسها بحضنه وحط راسه برقبتها منسدح وقال- اتركينا من البنات وخليك هنيا
شدت بوزها بزعل-بس انا ابي اروح عندهم نتقابل من زمان ماشفتهم
ابتسم رعد بسخريه ونطق- من زمان؟.. بكرا الخميس اوديتس عند اهلتس
رفعت ايار راسه وقربته من وجهها ونضارته ببراءة-رعد تكفى
رعد-طيب بس بعد ساعتين
ابتسمت ايار بحماس وقالت- ساعه
رعد-ساعه ونص
ايار-ساعه
بلل شفايفه وقرب اكثر من وجهها وقال- خلاص طيب الحين اذا تبين اوديتس خليني اطلع حرتي بالايام القديمه الي بغيتك فيها
رفعت حاجبها-الايام القديمه؟ يعني الحين لا؟
ضحك رعد وقبل مبسمها ونطق- ابيتس الحين وبكرا وكل الايام يابعد روحي
حاوطت ايار كتفه وضحكت وقالت- خليها ساعتين يلا
~
وصلت لليلاس للبيت ورحبت فيها جوري وسألتها-ايار جايه؟
ليلاس-مادري قالت بشوف رعد
دخلو الثنتين ونطقت ارال-ايار بتجي؟
ليلاس وهي تعدل شكلها بالمرايا-جاوبيها ياجوجو
جوري- تقول بشوف رعد
هزت ارال كتفها وقالت- حياااة المتزوجين ااخ بس هيوم وسوير وليلو
ليلاس-تراني قريبآ بتزوج و ايار قلت لك بزوجك اخوي وقلتي لا
ارال- قلت بتزوج جاستن بيبر
جوري-بعدين شقصدك ب"قريبآ بتزوج؟"
ضحكت ليلاس وحطت شعرها ورا اذنها وقامت من الكرسي الي قدام المرايا وقالت- خطبت!... يعني انخطبت
صرخو البنات وقامو من الارض يحضنونها وكلهم يقولون..كيف؟ متى؟؟..مين!
ليلاس بصدمه-شوي شوي علي! اجلسو اعلمكم
~
جلس الايهم بسيارته يفرفر ويفكر بأرال ويتذكر المرات الاولى الي شافها ويتذكر تفاصيل وجهها وصوتها وضحكتها، تنهد بقهر وقال-لو وافقت على الزق ذاك بجلدهم... "سكت شوي ثم نطق" لا بس بجلده هو هي حرام
استوعب وضحك على نفسه ومسح شنبه واستغفر وزاد سرعته عشان يوصل للبيت..
~
مرت ساعتين والبنات يسولفون ..
قامت ايار من السرير وقالت- يلا انا بلبس وانت اجهز
رعد-تمام.. لا تلبسين قصير
توجهت ايار للتسريحة وغيرت البجامه الي لابستها ولبست تيشرت وردي وجينز سماوي وتركت شعرها منسدل على كتفها ونص ضهرها.. حطت روج وقلوس ومسكرا وبلاشر ونزلت تحت وسحبت عبايتها ونقابها وركبت السياره مع رعد..
ايار-بتوصلني وترجع البيت؟
رعد-لا بروح عند الايهم والعيال
ايار-وينهم
رعد-بنتجمع بالعزبه
ايار-عندي فكره
ابتسم رعد ولف عليها ونطق- ابهريني
ابتسمت ايار وقالت بحماس -تشتري لي سياره عشان اروح مشاويري بنفسي!
تلاشت الابتسامه وتحولت ملامحه ملامح غضب وقال-تعقبين
رفعت ايار حاجبها وكانت بتجادله لكنهم وصلو وقالت بزعل-ماش حسبتك اوبن مايند (عقل منفتح) لكن نسيت انك رعد بن رماح!
نزلت منّ السيآره وسكرت الباب بقوه وطقت الباب وفتحت لها جوري ودخلت ،عدلت ملامحها وابتسمت ودخلت عليهم وقالت-جيييتت
قامو البنات وقالت ساره-حسبناك مب جايه
جوري-وبلعنا القهوه والحلا للاسف وخلصت السوالف
ايار-عادي انا اسولفلكم.. قهوه وحلا مايحتاج
جوري-الا يحتاج بروح اسوي والحلا موجود فيه صح؟
ناضرت ليلاس بكرتون الحلا وقالت- اي اي فيه بس اسرعي قبل ما اخلصه
ارال بمزح -انتبهي لا تسمنين عشان فستان العرس مايجي بوزنك بعدين
صرخت ليلاس بقهر وهي تسب ارال وضحكت ايار بتعجب وقالت-فستان العرس؟
الجود-انخطبت البزره
جلست ايار بالارض وتربعت وقالت-وتقولون خلصت السوالف؟؟ الان تعلمووووني!
ضحكت ليلاس على حماسها وتحمست معاها وجلست قدامها وتربعت وقالت- يلا اول شي ...
~
دخل رعد للعزبه بعد مادق على العيال يجوون وقال-السلام عليكم
العيال-وعليكم السلام
-
بعد ساعات طويله انتهى اليوم الجميل للكل. والمتزوجات جو ازواجهم واخذوهم والعازبات اخوانهم او ابائهم اخذوهم.. سحبت ايار عباياتها ونقابها وودعت جوري والبنات الباقين ونزلت عند الباب تنتضر رعد يجي، مرت دقايق معدودة وجاها رعد وكانو كلهم ساكتين. وصلو ونزلت ايار من السياره وقفلت الباب بقوه نفس المره الاولى ورعد صرع وتجاهلته تسوي نفسها ماتسمعه. نزلت عبايتها وعلقتها وطلعت فوق عند غرفتهم وسحبت بجامتها ودخل عليها رعد ونطق بعصبيه-سلاممااات مقفله الباب بقوووه؟
هزت ايار كتفها ورفعته بمعنى(مدري)
عصب رعد بزياده وقرب منها ومسك فكها بخفه وقال-ايار لايكون هاذا كله عشان قلت تعقبين مافي سياره؟
هزت ايار راسها وحطت يدها على يده تحاول تفك نفسها بس رعد حاوط خصرها وقال-خلاص اعطيتس سيارتي تسوقينها بس وانا معتس
ابتسمت ايار بفرحة ونطقت اخيرا-صددددق؟؟؟
ابتسم رعد وقال-اي بس لا تقلين الباب بقوه لما اعطيتس اياها
استانست ايار وقفزت فوقه وشالها رعد وهو مبسوط وحضنته وقال-حبييييبي رععد شكررا والله احسبك بتسحب علييي
رعد- ايش اول كلمة؟ عيديها اسمع
ابتسمت ايار وقالت-تستاهل يلا بقولك يا حبيبي
رعد-كمان مرا!
حاوطته ايار وقالت-يلا نمر كوفي!
قطب رعد-اول شي الوقت متأخر وثاني شي عندتس آلة قهوه ولا بس تبين خساير فلوس
ضحكت ايار وقالت-قهوه الكوفي غير بس اذا مشكلة فلوس انا اعزمك مو مشكلة
رعد-تعقبين!
ناضرته ايار ورفعت حاجبها وكانت بتفك نفسها بس قال رعد-اعقب انا والله! مشينا نشتري
~
حصة بصراخ وجنون- وووويييين راييييح؟؟؟؟؟ ماخلصت كلاامممييي!!!
احمد وهو بحاول يهديها بصدمة-ياحصة خليه هو بكيفه!!
الايهم وهو متوجة للباب- الحييين تبين تزوجيني وماجد الي اكبر مني تاركته؟؟!! عجيب والله!
ماجد رفع راسه بعد ماكان عالجوال ويضحك-شدخلني انا يالتعبان؟؟
احمد بعصبيه-ماجد اقصر الشر خلاص!! وانتي ياحصة قصري صوووتتس!!
حصة بصدمة وعصبيه- لاا والله طااااالت وشمختت!!! اقولك ابي أزوجك بنت عمك خالد!!!!
الايهم بقلة صبر -ماتبيني وما ابيها !!!!
حصة بشك-شدراك انها ماتبيك؟؟؟ ولا حاط عينك على وحده!!؟
ماجد بخبث- طبعا حاط عينه على وحده وهي ارال! مانسينا حبك لها في الطفوله
الايهم صرخ- على الاقل احب وحده مب متزوجة مب مثلك يا وصخ!!
قرب ماجد من الايهم وصفق بطنه ببطن الايهم ونطق-انا وصخ يامفضوووخ؟؟
الايهم- شكللله ضرررب رعد ماكفااااك؟؟؟؟ عادي ضربي بيكفيكك!!!!!!!
ماجد-تعققببب وتخسىىى بعد!!!
حصة بصدمة وبصراخ اعلى-رعد ولد رماااح هو الي ضرربك!!؟؟؟
امجد طلع من غرفته بعد ماصحى من النوم بسبب صراخهم-شسالفه شفيكم مين مات
ناضرته حصة وبعدها ناضرت احمد وقالت-هاه شف عيالك ماعرفت اربي الا واحد وهو بكرّي!!(تقصد ماجد)
الايهم بصراخ - دايم حبي ماجد دايم دافعي عنه اما حنا؟؟؟ كأنتس متبنيتنا تبين تفتكين منااا انتي لو عندتس ولد عمره ٣ قلتي بزوجة عشانه يزعجني ويصيح واجد؟!!
طلع الايهم وقفل الباب وراه بقوه وركب سيارته وراح يجيب ليلاس
~
ليلاس- جوري والله بديت اخاف
جوري-شفيتس ياعمري انتي؟
ليلاس بخوف- مدري احس فيه شي محد راضي يرد مب من عوايدهم!
جوري-ماعليك مافيه شي واصبري انتي دقايق ويطق الباب ويطلع واحد من اخوانتس!
ليلاس-ان شاء الله يارب ان شاءالله
جوري-من غير شر يارب
وفعلا ماهي دقايق وطق الباب وجا الايهم ياخذ ليلاس وركبت السيارع معاه لانها كانت جاهزه وقالت-شفييكم ماتردون!
زفر الايهم بقهر وقال-مشكلة بسيطه
~
انبسطت ايار وركضت للاسفل تاخذ عبايتها وقالت-ويين مفتاح سيارررتي؟
رعد-جاييبه لتس خليك تحت
طلعت ايار برا البيت تنتضر رعد وجاها رعد وقال- عالبركة السياره الجديدة! حريقه وقسم
ايار-اي زوجي شراها لي، عجبتك؟
رعد-فديتك زوجتس والله!.. اي عجبتني يلا
جلست ايار وقالت بزعل-رعد رجولي ماتوصل للبنزين والفراامل
ضحك رعد بسخريه وقال- قدمي الكرسي
ايار- اي صح نسيت
رعد-الله وعلم كيف كنتي تسوقين سيارة ابوك
طالعت فيه ايار بحدة ونطق- يلا يلا ياعيوني امشي... اي وين رايحين
ايار- الكوفي الي برا الديرة
رعد-بعيد ذاك
ايار-اول شي بعبي بنزين
رعد- البنزين مليان؟؟
ايار-مب شغلك بجرب اعبي واقوله عبي ٥٠ واعطيه فلوسي! وناسه
رعد-فلوسك؟ هالمره تعقبين فلوسي انا وانتهى
ناضرته ايار وقالت-ترا خمسين ريال لي مصعدها مدري؟!
رعد-لو ربع ريال مارخ تدفعين خلي فلوسك لك
ايار-يعني انت عليك الكهرباء والبنزين والمويا والاكل وانا؟
دق الرجال القزاز(نافذه السياره) بمعنى كم تبين اعبي
وايار ناضرت الرجال ولفت راسها مرا ثانيه على رعد-هاه؟؟ وانا وش؟؟
اشر رعد للرجال يجي من الجنب الثاني ومشى الرجال بس ايار انتبهت وطقت بوري والرجال انخرش ورجع نافذه ايار وايار فتحت النافذه وقالت-عبي ١٠٠
ضحك رعد بسخرية-يعني اذا زدتي السعر مارح ادفع؟
ضحكت ايار وتقدم الرجال بجيب الة الحساب الي بالبطاقه ومد رد رعد بطاقته بس ايار سبقته ودفعت ببطاقته وسكرت النافذه وقالت- وانا وش ادفع؟
وسع رعد عيونه بتعجب وضحك وقال-صاملله!؟
هزت ايار راسها وقالت-واااانا؟؟؟
رعد-ابك انتي تدفعين اشيائك اذا مرا ودك تصرفين فلوسك! مكياجك ولبسك
ايار-ياكذاب!! كل ما اقولك وديني السوق تنشب وتعطيني بطاقتك وتركض تدفع قبلي
ضحك رعد وقال-حبيبتي ايار مو انا زوجك؟
ايار-طيب زوجي لكـ..
قاطعها رعد-خلاص انا علي كل شي الحمدلله راتبي يكفينا الاثنين وانتي خلي راتبك للاشياء الغير ضروريه!... ااااا مثلا فواحة للبيت او تحفة اي شي للبيت انتي اشتريه
ايار بقلة حيله -ابغا اشتري ديكور لغرفة هيام القديمه واخليها غرفه لبنتنا الجايه
وسع رعد عيونه بصدمه وقال-بنتنا!!!؟؟؟؟
~ يتبع...
كاتبتكم- لـيـلاس الـحـارثـي 🫐 .
شرايكم بحمل ايار؟ ووش رايكم بهوشه اهل احمد وحصة؟ تصدقون احس مابلحق اخلي زواج هيام وساره بنفس اليوم عشان كذا ممكم انهيها ببارت ٢٢ او ٢١ حلو؟ واكتبو رأيكم بالبارت ولاتنسو النجمه حبايبي❤️❤️💋
