تنهد وقال- ااا ليلاس
فتحت عيونها من سمعته ينادي بأسمها ولفت عليه وقالت- عيونـ.. هلا؟
ابتسم ناصر بحزن وقال- سمعت انك بتخطبين..
وسّعت عيونها بصدمه تحسب انه بيجي بيخطبها وقالت بتوتر- مادري انت تعال ونشوف
ناصر-ها؟
ليلاس- هاه؟
ناصر بسخريه- اقولك سمعت انك بتخطبين صدق ولا؟
ليلاس- مين؟
ناصر- مادريت انه عندك بطئء استيعاب
ابتسمت بخفه- اوووه قصدك يوم خطبه جود وامجد؟ حسبت انهم جايين يخطبوني
ناصر- يعني مافيه احد بيخطبك؟
ليلاس- لا
روق ناصر وعدل جلسته وثم نطقت ليلاس مرا ثانيه- ليش؟ .. ليش تسأل؟
ناصر- لا عشان ابارتس(ابارك لك ) لتس
قطبت ليلاس وقالت بهمس خفيف- وانا الي احسب بيجي يخطبني! كريه
مر الوقت ووصلو والاهل كلهم واقفين ينتضرون سياره ناصر ووقف ناصر ومسكت ليلاس الباب بتنزل بس نطق ناصر- بيجيتس ان شاء الله
ليلاس- ها؟
كان بينطق بس الايهم جا وفتح الباب وحضنها ، ثم امجد ثم ماجد وقال- ليلاااس وحشتيني
الكل ناضر فيه بقرف وعدل ماجد كلامه- خوفتينا عليك يعني
ركضت حصة وحضنت بنتها وقعدت تحضنها وقت طويل ثم احمد حضنها وجا متعب يقول- ليش بعدتي عننا يابنتي؟
ليلاس- كنت بتمشى بس ضعت بالغلط
ركضت ايار تحضن ليلاس والبنات وراها وكان ماجد ورعد يناضرونها
ليلاس- اسفه بعصت عليكم الكشته
متعب-مافي مشكله يابنتي خلاص نشيل اغراضنا ونكملها بالبيت اصلا الليل جا وهالمكان عقاربه كثيرا، توزعو بالسيارات يلا
رجعت ايار للفرشه واخذت جوالها وشنطتها الصغيره وركضت تركب مع ارال وليلاس والايهم وحصة ، كان رعد يدورها بعيونه يبيها تركب معه بس شافها تركض تجلس بسياره الايهم جنب اختها ، قربت هيام من رعد- رعععد
رعد- وصمخ! بشويش على اذني
ضحكت هيام- اسفه ههههههه
رعد- شتبين
هيام- بجي معتس! وين ايار؟
رعد-راحت مع الايهم
هيام-شلون؟ ليش ماراحت معس
رعد-شدراني؟ اسأليها! ويلا اركبي اذا بتجين معي خلصيني
بعد نص ساعه بحديقه بيت متعب،قعدت ميار تفكر كيف تخلي رعد يعرف انه ايار وماجد ركبو سوا.. بس فاجأها دخول ماجد وحصة للمطبخ يتناقشون وما انتبهو لميار، حصة-
صورتها يعني؟
ماجد- اي وماني عارف كيف اوريه رعد
حصة- لحول والله مافي فكره عندي
دخلت عليهم ميار وقالت- انا عندي فكره
وسع ماجد عيونه بصدمه وقال- وشو؟؟
حصة- اييه صح نسيت حتى ميار تبي رعد وانت تبي ايار خلاص تم الوضع
ماجد- ووش فكرتك يالشيطانه؟
ابتسمت ميار- دخلو رعد المطبخ وبسوي اني بكلم صحبتي وبقول ايار. ركبت مع ماجد وصورها! بس لازم لازم تجيبون رعد المطبخ
ماجد- والله طلعتي مب هينه!
حصة- اي اقولتس شيطانه
ميار- اخلصو نادوه يلا
قطب ماجد وقام لمجلس الرجال ونادى هتان.
ماجد- شف رعد قوله ايار تبيه بالمطبخ
هتان- ليش ماتقوله انت
ماجد- اخلص
قام هتان وقال لرعد- زوجتس جوا تناديك
حط رعد يده على كتف هتان وقال- سمعت صوت زوجتي؟
هتان- يالمتعصب انت جوري قالت لي ايار تنادي رعد
طبطب رعد يده على كتف هتان ومشى للمطبخ، شاف بنت قصيره حسبها ايار بس من قرب زياده عرف انها مو ايار، لف بيخرج بس من سمع اسم ايار وماجد بجملة وحده وقف، مسكت ميار الجوال معطيه رعد ظهرها مسويه انها تكلم جوال تقول-
ايي نسيت اقولك سالفة بنت عمي ايار وولد عمي ماجد تخيلي ذول يحبون بعض وقبل شهر تقريبا جا ماجد واخذ ايارمن بيتها وايار عشانها متزوجه زوجها بمهمه راحت بيت اهلها جا اخذها لوحدها وداها لبيت عمي الثانيه، المهم قعد يعترف بحبه لها وكذا...... واي صورها بعد للذكره مررا يضحك يقول لامه دام زوجها مالمسها خليها تتطق وطول الوقت يتفرج بصورها ويهوجس فيها ههههههه
جمد الدم بعروق رعد ومشى لبرا البيت وقعد بالسياره يفكر وهو معصب بالي يكون ممكن صار بأيار وماجد، ضرب الدركسون بقهر ودق على ايار وقال- اطلللعي !! انا تحت !
ما اعطاها فرصة تبرر او تتكلم حتى وقالت بنفسها (شكله درى اني ركبت مع ماجد.. ابلش)
لبست عبايتها ونقابها وودعت الكل ومشت للسياره وركبتها وكانت بتنطق بس رعد اسرع بالسياره وهي سكتت، قربو من بيت اهلها ونطقت بتوتر-ااااا وقف بيت اهلي باخذ الشنطه..
تجاهلها واسرع وتعدا البيت.
صرخت وقالت- ماتسمع انت؟؟؟؟؟؟ اقولك ملابسي عندهم ماعندي لبس هناك!
مارد رعد عليها وهي تنهدت بغضب واستغفرت ووصلو البيت ونزلت ودخلت لغرفتها بتقفل الباب بس مسكه رعد بقوه ودفها ورماها للسرير بخفه،
ايار- سلاماااات؟؟؟
سكت رعد ونزل لحضنها وبدأ يقبلها كعاشق مجنون متشوق لعشيقته، كملت معاه وهي ماتدري شسالفه ثم شافته طول ويقبلها بعنف وبعدت عنه وقالت مرا ثانيه- شفييك!!
بعد عنها رعد شوي وحاوط خصرها وقال- ركبتي مع ماجد؟
هزت راسها وكمل يقول- واعترف لتس بحبه؟
وسعت عيونها بصدمه وفتحت فمها تتكلم لكنه قام من السرير وقال- وماجد شدراه اني مالمستس..؟ هاه؟ شدراه!!
ايار-الكل يدري انك مالـ...
صرخ رعد-ذا مب عذر!!! ويصورتس وتسمحين له!
ايار- نعم!
زفر رعد بغضب وقال- وتزعلين اذا احد قال لتس رخيصه؟
تجمعت الدموع بمحاجرها وقالت- هـ..ها؟
رعد- ليش انتي كذا؟ ليش كل ما اقول بتتغير بتتغير اشوفتس صرتي اسوء!! بس الشره مب علي انا تزوجتس وانا داري انتس تسذا
صرخت ايار-وش محسب نفسك؟؟؟ ولا تخليني ابرر بس كذا تقول كلامك!!؟؟
رعد-مايحتاج
انفجرت ايار ودموعها بخدها- الا يحتاج! اذا الموضوع فيه سوء فهم كبير لهدرجة!! وبعدين مين انت عشان تقول عني رخيصه؟ زوجي عالورق! وتدري؟.... ماجد صادق
وسع رعد عيونه بصدمه وقال- بوش؟
ايار- دامك مالمستني.. خلينا نتطلق احسن واشوف حياتي وتشوف حياتك انت!
غمض عيونه رعد من سمع كلمه طلاق وقال- اطلقتس عشان تتزوجين بماجد يعني؟
ايار بقهر- اطلع بررا!
رعد- انتي الي اطلعي برا غرفتي!
مسكت ايار المزهريه الي جنبها ورمتها بشكل عشوائي وصرخت- اطلع برررررررراا!!!!
جات منها شضايا على رعد لكنه عرف انها معصبه وزعلانه لانها كانت تصيح وتصرخ وتشاهق وترجف بنفس الوقت. قبل شوي كانت البنت الي يقبلها ويحبها ومشتاق لها، ثم انقلبت للبنت الي تبي تتطلق منه،سكت ومشى وقفل الباب وراه، بقت ايار بالسرير لوحدها بغرفه مظلمه، تصيح لانه من بدايه زواجها ورعد يقولها رخيصه ومتعوده ماجد يشوفها، وماجد يقول انه زوجها مالمسها،ورعد الي بس يجرح فيها ، قعدت تصيح لحد مانامت وهي للحين تشاهق وترجف وخشمها احمر،
~
عادل- الباب يدق يامضاوي
مضاوي- الضيوف جو قلطهم انت
شافتهم ديما نازلين من السياره وعضت على شفايفها بخجل ، قام عادل وفتح الباب وكان وراه عزيز وابوه واخوه.عادل- يالله انت حييهم
ابتسم عزيز- الله يبقيك
انتهت مراسم الخطبه وكان رد عادل- شوري من شور بنتي
قام عادل وراح عند ديما وقال- موافقه؟ عشان نسأل عليه
ديما- اي موافقه
ابتسم عادل وقال- الله يكتب الي فيه خير يارب
ديما- امين
رجع عادل للمجلس- وقال-تبي شوفه شرعيه؟
هز عزيز راسه بالموافقه وطلعو كل الرجال وراح عادل ينادي ديما وضبطت ديما شكلها ودخلت عليه، ابتسم عزيز وجلس وجلست جنبه وقال-متى تبين الزواج؟
حط عزيز يده على شعرها يمسح عليه ، ديما-مادري بس خليه بعد اربع شهور
عزيز- اربع شهور؟ كثير
رفعت ديما حاجبها- وشوله كثير؟ خليه زي رعد اسبوع!
متعجب عزيز- كيف تعرفين رعد انتي؟
ديما-زوج صحبتي انت كيف تعرفه؟
عزيز- خويي
~
اليوم الثاني، الساعه٩
رجع رعد من الدوام ولقاها باقي نايمه، زفر بملل وقرب منها وشافها تشاهق بصوت واطي وخشمها احمر، كان وده يلمسها لكنه بعد من عرف انها باقي تتنفس وحيه، توجه لدورة المياه(يكرم القارئ) وغير ملابسه ونزل للصاله ينام،
الساعه صارت ١٢
قامت ايار ودخلت دورة المياه وغسلت وجهها ، (ماصلت لانه عندها عذر)
رجعت بتاخذ جوالها عشان تنزل المطبخ تسوي اكل وشافت الزجاج المكسر بالارض وقطرات دم، زفرت بملل واخذت شنطة الاسعافات الاوليه رنزلت للصاله بهدوء، شافته نايم وتنهدت وقربت منه وحطت معقم وخلصت من رجله ولفتها لكن رعد قام، فتح عيونه وشافها قدامه تعالج رجله بهدوء ابتسم بخفه وقام وهي من شافته تحرك شالت يدها ووقف تناضره، توسعت ابتسامته وقال-
يتبع
كاتبتكم-لـيـلاس الـحـارثـي🫐.
بنااات تخيلو مرا يقهر كتبت بارت فيه٢٠٠٠ كلمه وشيء لكن انحذف😭😭 اخ بصيح وكان فيه تفاصيل كثيره من خطبة ديما وعزيز ولا المفروض ينزل البارت من يومييين!! وجع
