وحي خيالي 💫

الفصل الرابع

دخلت غايه الي الغرفة مندفعه الي مكتبها مع سمارا .. فسمارا تعمل في قسم الحسابات بجانب رئاستها لقسم التسويق لذلك كانت بالمكتب الخاص بغايه ..

توقفت غايه لوهله و هي تضيق حاجبيها تنظر إلي هايا بتعجب موجهه حديثها الى سمارا : مين دي ..

كان التوتر يظهر جلياً علي هايا لتقول سمارا إنقاذا للموقف : دي هايا زميلتنا الجديده في القسم و أجرت اوضه عندي في الشقه علشان سكنها بعيد ..

نظرت الى هايا بابتسامة دبلوماسية تتابع : دي غايه بس كلنا هنا بنقولها يا نورهتبقى زميلتك فى المكتب ..

قالت هايا بتوتر محاوله خلق حديث لطيف بينهما : ليه ده اسمك حلو اوي ؟

لتجيبها غايه بجمود : مبحبوش ..

على الفور احمرت وجنتى هايا خجلا فهي فاشلة اجتماعياً فى الاساس و كانت تلك احد اسوء محاولاتها على الاطلاق .. انتفضت عندما دفع الباب للمرة الثانية و اطل منه امير يقول بمرح لا يتناسب مع الكدمة المنيرة بوجهه : بقولك ايه هتفطري ؟

قالت سمارا و هي تشير بعينيها لموضع هايا : صباح الخير يا أمير ..

اعتدل امير بوقفته و هو يسحب قميصه الرياضي : ايه ده احنا عندنا ضيوف .. يا صباح اللطافه ..

اغمضت سمارا عيناها بيأس فهي لم يغب عليها ان هايا تعاني مشكلة ما حتى ان كانت تجهل ابعادها .. فقالت : براحه يا أمير البنت مش بتتكلم كتير و هتاخد وقت لحد ما تتعود علي طريقتك ..

بنفس الطريقة السابقة عرفت لها امير متابعة : ده امير يا ستي الحاوي بتاع الشركه عارف كل حاجه علشان مبيقعدلناش في حته ..

انحنى كرجل نبيل موجهها حديثة الى هايا : أنا تحت امرك يا فندم في أي حاجه اطلبي بس ..

نظرت له غايه بملل فهي معتاده على تلك الاشياء منه لكنها لا تطيق وجوده الان لذلك تحركت لتغادر المكتب ليوقفها هو قائلا : راحه فين ؟

- اجيب قهوة ..

- ما أنا جاي أسألك علشان اجيبلك معايا ..

كتفت ذراعيها قائلة بغضب : مش عايزة منك حاجه ..

احتدت نظرته لتظهر شخصية اخري مختلفة عن تلك المازحه و هو يقول : دلوقتي بقيت أنا الي غلطان يعني و انتي الزعلانه صح ..

- اه انت الي غلطان يا أمير و عملت خناقة من لا شئ ..

ضيق عيناه متابعا : ليكون كان عاجبك ..

نظرت له بضيق و هي تدفعه مغادره المكتب ليلحق بها و هو يقول : طب استني ..

نظرت الى هايا التى تتابع كل ذلك و هي تفرك اصابعها من فرط التوتر .. لا تفقه هل هما جيدان ام سيئان .. كيف يمكن التعامل مع تلك الانواع من البشر .. ام هي الغير مصنفه هما .. لاحظت سمارا شرودها لتطرق المكتب باصابعها فانتبهت لها هايا فقالت : بصي ده العادي .. انتي هتتتعودي علي كلام امير المريب ده و خناقاته مع غايه بس فعليا هو بيهزر هو عينيه مش شايفه غيرها بس هي الوحيدة الي مش شايفه ده .. هي ناشفه شويه في التعامل بس طيبه هتحبيها ..