منحرف واحببته(ليبية_منقولة)

الحلقة 11

الـحـلـقـة (11)

گـتـابـتـي #Koka_Saleh

""""""""""""""""""""""""""""""""""""

سراج:نمشي نص ساعة بطول عنده راه انا مروح

محمد:غير صبي بسرعة مازلت بنتكي علي جدك يمشي معانا

سراج صبى:باهي وطلعو ومشو شور فيلة جد سراج وحكوله عاللي صار ومشى معاهم شور المستشفى

""

عند سندس

قاعدة حاظنة امها وتبكي هي وياها

مرعي خو فرج الكبير:مالاول قتله مااتخشلهش الصفقة هو مابش يسمع الكلام ها حقيتو شن صارله

بات رانيا:مش وقته الكلام هذا توا وبعدين هذا شيء مكتوب من عند ربك

مرعي ايهزب:هو جابها الروحه فلس وفوق هذا توا في العناية ومدرعنى ايعيش ولا ايموت

سندس سمعت الكلمة وحظنت امها زين وقعدت تبكي

حسين خو فرج;خلاص ياراجل مش وقت دوة توا وبعدين فلوسة وهو حر فيهن

مرعي:عليش ايخش في صفقات وهو حتى من يورثه ماعنده

سعاد مصبية ومصدومة من كلامه

حسين بعصبية:تي تحشم يامرعي قلنالك خلاص سكر عالموضوع

مرعي:هي انتن لثنين(يحكي السندس والسعاد)عليش قاعدات هنا هذا قسم رجال روحن وكان صارت حاجة انقوللوكن

سعاد تبكي:لالا انا مش مروحة لين نطمن عليه

مرعي بعصبية;انا قلت روحن وبلا كلام زايد نحن رجالة وقاعدين معاه انتن قعدتكن هنا مالهش داعي

سعاد تبكي:قتلك مش مروحة لين نطمن علي راجلي

مرعي:كان هامك راجلك واجد راك جبتيلة عيل ايشيل اسمه ولا خليتيه يجوز وايجيب عيل علي حاله راه لاقيه توا اهو في العناية وكان مات ماعنده من ايشيل اسمه تريحتي توا

سندس معش تحملت الكلام وبعصبية

سندس:بابا عنده من ايشيل اسمه انا بنته قدامك وانا بمية راجل ووانا وماما مش متحركين من هنا لين نطمنو علي بابا

مرعي بعصبية:اتعلي في صوتك عليا شكله فرج مارباك وانا اللي حنربيك ورفع يده بيضربها وقفوه عمها حسين وخالها وخذاه حسين ونزل بيه لوطى وسندس قعدت ظامه امها وتبكي وجنبهم رانيا تبكي حتى هي ووجعها كلام عمها الها اشوي وطلع الدكتور جاته سعاد وسندس يجرن

سعاد:هاطمني دكتور شن فيه

سندس تبكي:بابا كويس صح

الدكتور:جاتة جلطة بس كانت خفيفة لانكم لحقتوه بسرعه

بات رانيا:شن حالتة توا دكتور

الدكتور:كويس بس حيقعد كم يوم في العناية لين اتحسن حالته