كاتبه(ملاك الحسناوي)
بقلمي🖋
بيه شوك يحسس الماعنده حس
يحرك شلون الشمس...
ااااخ يالوعة أمس.......
جان بيه جروح كومة
من شخص مابيه ألومه
عاشت ايدة اللي جرحني
جان يجرحني بنعومه!!!
.........................................
طلع أبوية من باب المطبخ وهو يحمحم
اني ويا بقينة جامدين منعرف شنو اللي نسوي
عزا اذا يشوفنة يحركنة حرك اشرلي بإصبعة
بمعنى. اسكتي لاطلعين صوت
اني ويا مننشاف لان بالحديقة ورا العنبة خاتلين
يعني الة واحد يدخل للحديقة يلة يشوفنة
لان الحديقة
مفصولة عن الطارمة
راح بابا للتواليت
كتلة اطلع قبل ليطلع بابا
همام: اذا طلعت وشافج بالطارمة رح يشك عندج شي خل يدخل وائمن ماموجود يلة اطلع وراها انتي دخلي
شذر : تمام بقيت واكفة افرك بأيدي من الخوف
والقلق موتني وشعري نازل علا وجهي ومغطي ضهري كله
شعري جان طويل حيل لحد خصري وثخين كلش
همام: اويلي علا هلشعر شكد متعوب علي
شذر: كتلك لتباوع حرام عليك درت وجهي منة
أخذ خصلات شعري وضل يشتم بيهة ابتعدت شوي عنة
وطلع أبوية انخلسنة ولا صوت طلع منة
دخل للبيت بسس قفل الباب من الداخل
عزاا شلون ادخل هسة
همام: يعني تردين ابقى يمج اخاف تخافين وحدج برا
شذر: انت ساس المصايب روح منا لتخليني اشوفك بعد
همام: باحلامج حبيبتي يلة رح أطفر نامي عدل وتحلمي بية موت عليج
شذر: روح كفيني شرك
دار وجهة وهو يضحك طفر من السياج مال البيت لان
ناصي مو كلش عالي واني ضليت كاعدة علا المرجوحة
لحد ماغفيت مادري بروحي
فزيت علا ندسات من امي الفجر
ماما: لج شذر شذر شتسوين هنا نايمة
شذر: صباح الخير ماما طلعت بليل اشتم هوة ومادري شوكت غفيت هنا مادري بروحي
ماما: دكومي دخلي كومي محد مسوي عملتج لو جاية
أنت تقرأ
مـلاذ آمن
Randomفتاو صغيرة تبلغ من العمر سبع سنوات تمر بمرحلة صعبة في هذا العمر وتختطف هي وامها لغاية ما وتروي لنا الأحداث التي مرت بها في هذه الفترة وبعدها تروي لنا قصة حياتها المشوقة
