كاتبه(ملاك الحسناوي)
بقلمي🖋
وداعتك، كلما تمر نسمة ألتفت حسبالي أنت
~~~~~~~~~♡~~~~~~~~~~~~~~~~~~
شذر: من وين تعرف أكرم انت؟؟
الاشكر: هسة هذا الموضوع اللي قالقج اكثر شي تعالي خل نكعد ونحجي براحتنة واني افهمج بكلشي
شذر: لا اروح ولا اكعد وياك ماعندي اي حجي وياك فهمت
الاشكر: ما اخذ من وقتج هواي خمس دقايق بس
شذر: عندك حجي هسة احجي هنا ماتريد هنا تسولف روح
الاشكر: عمي ميخالف هنا هنا
اسمعيني شذر اني من لحضة اللي شفتج حسيت كلبي تعلك بيج وحبيتج
شذر: زين حب من اول مطعم
الاشكر: شذر مداأمزح اني والله كلش حابج واريد بس فرصة وحدة منج ما اريد أكثر
شذر: كلي منين عرفتني وجبت هاي التفاصيل عني
الاشكر: كتلج اني ضابط وهيج شي ميصعب علي ثاني يوم طلعت معلوماتج كلهة وكلشي عرفت عنج
شذر: والمطلوب هسة شنو مني
الاشكر: فرصة وحدة ما اريد أكثر
شذر: شوف داكلك اني ماعندي اي وقت الك وراح اعتبر روحي مشفتك روح منا ولاتبليني لان روحي جزعانة من هذي السوالف
درت وجهي عنة ورحت دخلت للقسم بدة المحاضرات وحدة ورا الثانية لحد ما طفرنة اني وامل منهن من ورا التعب اربع ساعات متواصلة كاعدين
رحت للكافتريا ردت اشرب عصير لكيت البنات هم موجودات
سلمنة عليهن وكعدنة
فردوس: شذر تدرين مساع منو شفت
شذر: منو ؟
فردوس: الاشكر
شذر: اي شفتة صار بوجهي اول ما أجيت
فردوس: حتة اني اجة سئلني عليج كال ليش يومين ممداومة
شذر: شكتيلة انتي
فردوس: اصلا ما رديت علية وكتلة ميخصك وابتعد عنهة
شذر: اي زين تسوين
فردوس: بس مبين ناصب كلش
شذر: يولي مو بحالة اني
بقينة كاعدين نص ساعة وراهة رجعنة للمحاضرة لحد ما خلص الدوام وطلعنة
أنت تقرأ
مـلاذ آمن
Aléatoireفتاو صغيرة تبلغ من العمر سبع سنوات تمر بمرحلة صعبة في هذا العمر وتختطف هي وامها لغاية ما وتروي لنا الأحداث التي مرت بها في هذه الفترة وبعدها تروي لنا قصة حياتها المشوقة
