"မောင်..မောင်မောင်"
"ဗျာ"
"...."
ခေါင်းလေးငုံ့ကာ မခို့တရို့လေးရှက်ပုံရသွားသော စိမ်းမမ အားကြည့်ကာ အရေးပိုင်မင်းကြီးတစ်ယောက်တိတ်တခိုးရယ်မိပြန်ပါသည်။
"ဟို...ဟိုလေ စိမ်း မေးတဲ့မေးခွန်းလေးလည်းဖြေပေးလှည့်ပါဦးလားဟင်"
"...."
"ဪ ကျုပ်အလုပ်တွေရှိတာကိုမေ့နေတာ အခုကျုပ်မအားတော့ဘူး ဘယ်လိုလုပ်မလဲ"
မျက်ခုံးတစ်ဖက်ပင့်ကာ အလိုရှိရာရသွား၍ပျော်ရွှင်နေသည့်ကလေးတစ်ယောက်သဏ္ဍာန်နှင့် ပြောဆိုပုံက အမြင်ကပ်စရာကောင်းနေသည်မှာ အမှန်တကယ်ပင်။ရှက်စိတ်ကလေးပျက်ပြယ်ကာ ဒေါသစိတ်ကလေးထွက်ပေါ်လာရပြန်ပါသည်။
"အဲ့လိုလုပ်လို့ရရိုးလား ဦးလွင့်ပြယ်မောင်မောင်"
"ရလောက်မယ် ထင်တာပဲဗျ"
"အလိုတော်...ရှင်ဟာလေ လူပျိုကြီးဖြစ်မဲ့လူမျိုးသိရဲ့လား"
"..."
မျက်စောင်းလေးဝင့်ကာ ရန်တွေ့လာပုံအား အသည်းထဲလှိုက်အောင်စွဲရပြန်ပါသည်။သည်အတိုင်းဆို ဆက်၍စနောက်လို့မဖြစ်တော့ပေ။တော်ကြာ လူပုစိတ်တိုကလေး ငြိုငြင်သွားမှဖြင့် ခက်ရချည်ရဲ့။
"ရခဲလှတဲ့လူ့ဘဝမှာ လူပျိုကြီးတော့မဖြစ်ချင်ပါဘူးဗျာ ယော်ကျားလေးတစ်ယောက်တော့ယူချင်ပါသေးရဲ့"
"ရှင်.."
"ဟား ဟား ကျုပ်ကစတာပါဗျာ"
နှုတ်ဖျားမှစနောက်သည်ဟုပြောလိုက်သော်ငြား အမှန်တစ်ကယ်တွင်တော့စနောက်နေသည်မဟုတ်ကြောင်းအားအထူးတလည်ပြောမနေတော့ပေ။
"ရှင် ပြောပြမှာလား မပြောပြဘူးလားဆိုတာဘဲသေချာပြောပါ မဟုတ်ရင် ကျွန်မပြန်တော့မယ်"
"ကျုပ် ပြောပြပါ့မယ် ရွှေစိတ်တော်မညှိုးလိုက်ပါနဲ့ဗျာ"
"..."
"မိန်းမလျာတွေကို အသုံးတော်ခံအဖြစ်အသုံးချဖို့"
"ဟင်..."
"ဒါပေမဲ့ စိမ်း စိတ်မပူပါနဲ့"
"..."
အသုံးတော်ခံ ဟူသည့်စကားလုံးအား ရင်းနှီးလှပါသည်။တစ်နည်းအားဖြင့်ဆိုသော် ကလေးမမွေးနိုင်သည့်ပြည့်တန်ဆာပေါ့လေ။ဤသည်အားအဘယ်ကြောင့်များ စိတ်ပူခြင်းအလျင်းမရှိဘဲ နေရမည်နည်း။
YOU ARE READING
လှရက်၍ မချစ်ရက်နိုင်ပါ(Ongoing)
RomanceBL Fiction By - ချည်နှောင် Artist - A Nai Unicode + Zawgyi 13.11.2023 စာရေးသူ၏စိတ်ကူးသက်သက်ဖြင့်သာရေးသားထားခြင်းဖြစ်ပါသည်။ BL Fiction By - ခ်ည္ႏွောင္ Artist - A Nai Unicode + Zawgyi 13.11.2023 စာေရးသူ၏စိတ္ကူးသက္သက္ျဖင့္သာေရးသားထားျခင္းျဖစ္ပါသည္။