အခြေအနေအရပ်ရပ်ကိုမသိရှာသော အရေးပိုင်မင်းကြီးဟာ အိမ်တော်၌အတန်ကြာနေရသည်ကို ပျင်းရိလာပေသည်မို့ ပြင်ပသို့ထွက်ကာ ညနေဈေးတန်းဘက်သို့ဦးလှည့်ခဲ့ပေသည်။
ညနေဈေးတန်းသို့အရောက် ကြားသိရသည့်စကားသံအချို့က ရင်ဝကိုမီးစနဲ့မြှိုက်လိုက်သကဲ့သို့ပင်။
ဤသည်က...
"ညည်းကို ကျုပ် သတင်းထူတစ်ခုပြောပြရဦးမယ်"
"ဟုတ်စ"
"ဟိုပြည့်တန်ဆာစံအိမ်က မိန်းမလျာအပျက်မတွေကို မဟာဝန်ရှင်တော်မင်းကြီးကဖမ်းဆီးခေါ်ဆောင်သွားတာတဲ့တော့်"
"သဘာဝတရားကိုလွန်ဆန်တော့ ကံကြီးထိုက်တာနေမှာပေါ့"
"စိမ်းမမ ဆိုလားဘာဆိုလား အဲ့သည့်မိန်းမလျာမ ဆိုရင် အရေးပိုင်မင်းကြီးကိုအပိုင်ကြံနေတာတဲ့ တော်ရေ"
"ယောင်္ကျား အချင်းချင်း ရွံစရာကြီးပါအေ"
လူတွေများသူတစ်ပါးကိုဆိုရှာကြံပြီးအပြစ်မြင်တတ်လိုက်ပုံများကတော့ ကမ်းကုန်ပင်။သူတို့၏စကားများဟာ အရေးပိုင်မင်းကြီးအား ခံစားမှု ရသ နှစ်မျိုးကိုဖြစ်ထွန်းလာစေပေသည်။
ဂရုဏာ ရသ နှင့် ဝိဘစ္ဆ ရသ
"သည်မယ် အမိတို့"
"အို...အရေးပိုင်မင်းကြီး မဟုတ်ပါလား"
"ကျုပ် အမိတို့ရဲ့ပြောစကားတွေကို မြေဝယ်မကျကြားသိလိုက်ရတယ် သည်တော့ ကျုပ်က အမိတို့ကို တစ်ခုတစ်လေလောက်တော့ပြောပြချင်တယ်"
"ဟို...ဟိုလေ"
"စိမ်းမမ ကို နှုတ်နှင့်ဖြစ်စေ ကိုယ်နှင့်ဖြစ်စေ မထိပါးနဲ့"
"..."
"ကျုပ်လူကို မ ထိ နဲ့"
ဤမျှပြောကာ လှည့်ထွက်ခဲ့ပေသည်။အရေးကြီးသည်က မဟာဝန်ရှင်တော်မင်းကြီးထံသို့ အမြန်ဆုံးရောက်ရှိနိုင်ရန်ဖြစ်ပေသည်။
ထို့ကြောင့် လန်ချားတစ်စီးငှားကာ မဟာဝန်ရှင်တော်မင်းကြီးဆီသို့အပြေးနှင်ခဲ့ပေသည်။လမ်းတစ်လျှောက်တွင်...
"မဟာဝန်ရှင်တော်မင်းကြီးက သူတို့ကို တော်ကောက်ဖို့ ခေါ်ဆောင်သွားတာ"
YOU ARE READING
လှရက်၍ မချစ်ရက်နိုင်ပါ(Ongoing)
RomanceBL Fiction By - ချည်နှောင် Artist - A Nai Unicode + Zawgyi 13.11.2023 စာရေးသူ၏စိတ်ကူးသက်သက်ဖြင့်သာရေးသားထားခြင်းဖြစ်ပါသည်။ BL Fiction By - ခ်ည္ႏွောင္ Artist - A Nai Unicode + Zawgyi 13.11.2023 စာေရးသူ၏စိတ္ကူးသက္သက္ျဖင့္သာေရးသားထားျခင္းျဖစ္ပါသည္။