لماذا أنا؟

الحلقة الثانية

مساء الخير ...

# لماذا انا؟

الكاتبة : zainab Alshami
للتواصل :insta : z_an_21b

________________________________

مأمون :ولججج درر

درر : ها بابا ها.. اجه مباشرة عليه وسحلني من شعري

مأمون : ولج اني كم مرة كايلج اذا رحتي ومالكيتي كرار ترجعين بسببج انتِ ابو كرار مسجل دين علينا، رحتي واشتريتي معجون وسجله علينا

درر : بألم، بابا الله يخليك اترك شعري تأذيت شعري تكطع..

مأمون : ولج اليوم ماتنامين بالبيت اسمعيني ولج درررر

درر : ابجي واشهك ... الله يخليك بابا لاتطلعي بالحديقة انام والله باردة الله يخليك

مأمون : جا مافكرتي ولج من سويتي سوايتج... ولج هاجر ه.. هاجر وسم وينج

هاجر : ها ليش تصيح شكو

مأمون : ولج اني مو نبهت عليج هاي ماتروح للاسواق بس من كرار موجود وشوصيتج اني كتلج تلبسيها ملابس قصيرة اخر مرة اسمح تنطيها شي من ملابسج مااريد تلبس شي عريض فهمتي ولج

هاجر : ها سمعتي درر بعد لاتطلبين شي من ملابسي زين

درر : واني اشهك.. مااكدر البس ملابس هند بعد اني صرت كبيرة وملابسي صغيرة بابا الله يخليك تشتريلي ملابس جديدة اصلا بعد رمضان يجي العيد

مأمون : ولج اسمعيني هاي اخر مرة اسمع تكولين اريد ملابس وعقوبتج اليوم تطلعين تنامين بره.... هاجر تسمعيني ممنوع انطيها بطانيه خليها تولي يكتلها البرد

هاجر : تمام

درر : تركني واني اشهك وخانكتني العبرة مااكدر احجي لان انضرب واني متأكدة راح انام للصبح ابوي مستحيل يطلع شخص غيري للاسواق ومايعاقب احد ثاني غيري ومن أتعاقب امي ماتدافعلي ولا كأت اني بنتها الصغيرة والمفروض اكون مدللة عندها.... جريت نفس ومسحت دموعي وكمت سويت عشاء على أمل يسامحوني سويت العشاء وصحتلهم حتى ياكلون كعدت على القنفة مبتعدة عنهم

_ ليش ماتاكاين ولج؟

_ مااشتهي بابا اكلو انتم بالعافيه

_ اذا ماتريدين سم روحي سوي چاي اريد بس اغسل ايدي الگاه جاهز

_ هزيت راسي تمام ورحت للمطبخ سويت الچاي وجبته دنگت حتى ابوس راسه واعتذرله لان مااكدر ابقى ليلة وحدة بالحديقة اخر موة سوه هالعقوبة من كان عمري 5 سنوات بوقتها نمت 3 ايام بالمستشفى ومن طلعت رجع ضربني

_ دنكت عليه بست راسه بابا اني اسفة واعتذر ان شاء الله ماينعاد هذا الشي

_ كم مرة كلتي ماينعاد وتعيدين بالخطأ ولج بويه اذا اني رحت لو واحد من اخوانج يسجلون دين علينه بس اذا انتِ رحتي ينطيج كرار بلاش وانتِ تدرين اني مااكدر ادفع الدين العليه يعني تريدين ابوج يبقى مديون