لماذا أنا؟

الحلقة الثالثة عشر

مساء الخير

# لماذا انا؟

الكاتبة : zainab Alshami
للتواصل :insta : z_an_21b

اول شي حبايب حبيت ارحب بمتابعاتنا الجدد اهلا وسهلا قموراتي منورات 🌕🤍

صلوا على محمد وآل محمد

بسم الله نبدأ الحلقة.. قراءة ممتعة..
_______________________________🤍✨

فقار : شهكت.. أمي!!

فقار : ركضت للباب بسرعة اجرت تكسي بلا وعي خوية لبغداد.. بالطريق 3 مرات وگفونا لان ما شايل جنسيتي..

الضابط : ماادخلكم الاوضاع متدهورة وانت بلا جنسية

فقار : بغصة.. سيدي رحتلك فدوة امي بالزيارة راحت خليني اشوفها ادك على موبايلها ماكو ماترد

_ من شافني الضابط بهالوضعية سمحلنا ندخل بعد محاولات... وصلنا لمكان الانفجار واني احس رجليه ما تشيلني

السائق: عيني حاسبني اريد ارجع

فقار : انتبهت لنفسي حتى محفظتي ما شايلها خوية فدوة رحتلك انت من الديوانية مو

السائق : اي

فقار : خوية فلوسك دين برگبتي.. تذكرت اشهب.. هسه راح اخابرلك صاحبي ينطيك.. راح السايق واني ضليت محتار اخابر امي ماكو افتر بالمنطقة مثل المجنون اريد بس اشوفها اريد بس اطمئن

- اشوف وضع المنطقة يرثى له منهار كل شي بيها واشوف الد*م والدموع بكل مكان واني واكف محد يخلونه يدخل محوطين المنطقة.. واكف وابجي وكلما اشوف جايبين شخص مستشهد واشوفه مو امي احمد الله واشكره الف مرة

الضابط : عيني ابتعدوا... ابتعدوا.. خلينا نشوف شغلنا لا تصعبوها علينا

فقار : كعدت بالكاع رجليه ما يحملني بعد.. سيدي امي.. امي فدوة اروحلك امي اجت تزور وما هي اخابرها ماترد

الضابط: خلينا نحصي عدد الشهداء والجرحى ونشوف

فقار : واكف اباوع ودموعي تنزل.. يمة فدوة اروحلج اني تعالي اليه.. يمه فدوة اروحلج مو هذا وكت الوداع

- شوية واشوف جثه مغطيها بقطعه بيضاء كالوا هذه امرأة كوه كدرت اقنع الضابط اشوف وجها

فقار : شفت وجهها وحضنتها بكل قوتي ولججج ااخ يمممة مو هذا وكت روحتج يا بعد كلبي ولج يمة وين رحتي وتركتيني ولج يمة منو الي بالدنيا غيرج

فقار : كوه بعدوني الضباط ونقلوا الجثث اني كاعد بالكاع والطم ما مصدك امي راحت.. يعني هذا بعد ماكو راحت امي؟ يعني بعد امي مااشوفها! اخ ولج يمة كتلج خليني اروح وياج مارضيتي ليش يتمتيني اخ ياالله اخخ

فقار : شوية واتصل عليه اشهب

اشهب : الو شلونك فقار اريد امرلك فارغ..