لماذا أنا؟

الحلقة الثانية والعشرون

مساء الخير ..

لماذا انا؟

الكاتبة : zainab Alshami

للتواصل :insta : z_an_21b

ردتَك عوّن إليّة بِوكت عَازه ،
گزازّة إنتَ وأضُمك بالعَيون
ويّا عَين التغمُض عالگِزازة ؟

______________________________🤍✨

غانم :  اشوف ابوي اخذ وفاء وابو غفران وامها اجرلهم تكسي وراح وياهم مااعرف لوين !
رجعت دخلت للبيت لكيت امي صاير عندها اغماء وكل اخواني وعفت وسرور ملتمين عليها رحتلها ركض ..

غانم : يوم يمة حبيبتي لاتسوين بنفسج هيج .. اشوف امي كاعدة وتبجي بحركة ..

نورهان : ولكم يمة خلصت حياتي فداء اله ولولده هذه جزاتي يتزوج عليه ويجيبلي ضرة بأخر عمري

ادهم : يمة حبيبتي خلينا نرتاح منه هو مو ما يريدنا احنا هم مانريده خلي يتزوج ويطلع من حياتنا ..

عفت : خالة لاتسوين بنفسج هيج

غانم : اباوع لغفران واكفه بالباب مبينه ما قبلت بالشي الصار شوية واجتي لأمي ..

غفران : خالة اني اعتذر .. والله ماكان ببالي ولا واحد بالمية يصير الي صار اني اعتذر خالة ..

غانم : امي تباوعلها بعصبية بس اعرف امي بداخلها ضايجة شوية منها بس بعدين من تهدأ تسامحها اعرف امي قلبها ابيض وماتحمل حقد على احد ..

نورهان : اسمعوني يمة ... ابوكم بعد لو يصبني صبابة ذهب بعد ما ترجع علاقتي بيه لو اموت اني انفصل منه واكمل باقي حياتي ببيتي معززة مكرمة وهو خلي عسى ما يتزوج 10 ..

غانم : نريدج سالمة يابعد روحي يمة

ادهم : يمة راح اخابر سيف لازم يعرف بالموضوع لان يزعل اذا يسمع من غيرنا

نورهان : اي يمة روح بشره بتصرفات ابوه ..

ادهم : اتصلت على سيف ثواني ورد يلهث ..

ادهم : شبيك سيف ليش هيج صوتك

سيف : ها لا ماكو شي

ادهم : سيف تكدر تجي عندنا موضوع ولازم تعرف بيه

سيف : يلا جايينكم ..

ادهم :  تمام .. غلقت منه الاتصال وبالي مشغول سيف مستحيل  يجي اذا ما يتأكد ان ابوي ماموجود ويضمن هذا الشيء وهسه صوته مو تمام وحتى اسلوبه بالكلام ..

سمير : شوية واجه سيف يلهث ..

سيف :السلام عليكم ..

سمير : بعدنا ماردينا السلام طلع من البيت دخلت بس نور وعافية ووجه نور اصفر وعيونها مورمة

نورهان : يمة سيف اوكف انتظر شكو شصاير

سيف : ماكو شي يمه خلي نور وعافية عندكم عندي شغل مهم