نَحْنُ صُنَّاع حَيَاتِنَا

..⓹

⓹ ⇜✨🎞️
ليلة لو باقي ليلة
في عمري أبيه الليلة وأسهر❥

◦

◦

◦
بعد اسبوع
❮ بيت ابو راشد

فزت من نومها وهي مرعوبه كل ليله يراودها الكابوس اللي حطمها وكاتمته بصدرها  صح اهلها يعرفونه بس مايعرفون التفاصيل اللي عاشتها بهالحدث اللي من ٥ سنين، بعد ما هدت شوي قامت من سريرها وراحت تتوضى وتصلي لها ركعتين تهدي فيهم نفسها وتدعي ربها بسرها انه يجبر فقدها وينسيها هالماضي المؤلم اللي وقعه على حياتها مثل الندبه اللي ما تنمحي
بعد ما هدت نفسها شوي قامت من مكانها وفتحت مصحفها تقرا من آيات القرآن الكريم اللي يهدي النفس ..

◦

بنفس البيت بس بغرفة ثانية
سكرت المنبه وهي تقوم بكل نشاط وحماس لأول فاينل بأخر سمستر لها بالجامعه
جهزت وصلّت ونزلت بكل نشاط تفطر قبل تروح الجامعه بسيارتها اللي امس طلعتها من الوكالة بعد ما وقفت عليها بنص طريقها بالرجعه من الجامعه وخلت راشد يوديها وصار لها شهر وتوها تطلع
بعد ما فطرت اخذت اغراضها وودعت امها وابوها وراحت لسيارتها ركبت وشغلت أغاني فيروز اللي تطربها بأجواء الصباح ومرت على اقرب Drive through تاخذ لها قهوة تمزج عليها.. بعد ٢٥ دقيقة وصلت للجامعه وقفت سيارتها ونزلت بأغراضها اول مادخلت على طول توجهت لنقطة تجمعها مع صديقاتها
أول ماوصلت شافت صديقاتها متوترين وكل وحده ماسكه شئ تراجع فيه عداها اللي جايه وهي مروقه ومستعده للاختبار

◂ ضي ▸ صباح الخير بنوتات
◂ كادي ▸ صباح النور والسرور
◂ رهف ▸ يأهلاً أشوف الابتسامة شاقه الوجه عسى خير
◂ ضي ▸ أبد بس متحمسة للأختبار مررره
◂ رهف ▸ ماشاء الله عليك يختي انا التوتر ماكلني وانتي الابتسامه شاقه وجهك
◂ ضي ▸ مدري ليه مبسوطه بس الشعور مختلف يمكن لاني ضامنه نفسي بهالفاينل على العموم وين ملاذي ما اشوفها
◂ كادي ▸ جاها اتصال وراحت تكلم بهذيك الجهة شوفيها

لفت ضي وشافت ملاذ اللي متغيره ملامحها شوي وهي تتكلم بالجوال وواضح الوضع ما يطمن .. انتظرتها تخلص مكالمه وشافته تمسح على وجهها وتسترجع نفسها ورقفت ضي وراحت لها تشوف وش فيها لان ملاذ هي من اقرب صديقات ضي

^ملاذ لها دور بروايتنا وقريباً رح نتعرف اكثر على عايلتها 😉

◂ ضي ▸ هلو ملاذي كيفك
◂ ملاذ ▸ ضيووون اشتقتلك
وحضنوا بعض
◂ ضي ▸ عسى ماشر وش فيك تراك مو على بعضك صاير لك شيء
◂ ملاذ ▸ لا يا قلبي انتي بس تعرفين سوالف ابوي اللي ما تخلص ماعليه تعودت
◂ ضي ▸  الله يعينك والله مو سهل اللي تعيشينه عاد من الحين اقولك ترا اليوم رح تجين لبيتنا تتغدين مو تتعذرين ياويلك وعندي لك سالفه بعد بقولها لك
◂ ملاذ ▸ تم والله كأنك حاسه فيني واني ما أبغا ارجع للبيت بدري
◂ ضي ▸ اجل تم يالله امشي نرجع للبنات لا يقلبون علينا